Real Madridi njoftohet se ka dërguar vëzhgues për të parë nga afër mbrojtësin e Romës, Kostas Manolas dhe sulmuesin e Interit, Mauro Icardi.
Ndeshja mes tyre u mbyll në barazim 2-2 në Stadio Olimpico të dielën në mbrëmje.
Sipas Tuttomercatoweb, në stadium kishte përfaqësues të Real Madridit për t’i parë ata në aksion lojtarët nga afër.
Objektivat ishin qendërmbrojtësi grek Manolas dhe sulmuesi argjentinas Icardi.
Të dy mund të provohen në afatin kalimtar të janarit, por Icardi ka një klauzolë lirimi prej 110 milion eurosh që është e vlefshme vetëm prej 1 deri me 15 korrik.
Icardi . (Photo by Pier Marco Tacca/Getty Images)
Klauzola mund të rinegociohet nga kontrata e ardhshme që ai do të nënshkruajë me Nerazzurët.
Manolas ka një klauzolë lirimi në vlerë 36 milion euro dhe tashmë është i lidhur me disa klube në Ligën Premier. /Telegrafi/
