Reagime pas komenteve të Presidentit Trump për imigrantët

12.01.2018 23:37
Rreshtat+- AShkronjat+- Printo
Reagime pas komenteve të Presidentit Trump për imigrantët

Komentet me fjalë vulgare që bëri dje para ligjvënësve Presidenti Trump gjatë një takimi në Shtëpinë e Bardhë për imigracionin, ku, sipas njoftimeve ai iu referua Haitit dhe vendeve afrikane, janë dënuar si brenda, edhe jashtë Shteteve të Bashkuara.

Zëdhënësi i Agjencisë së Kombeve të Bashjuara për të Drejtat e Njeriut, Rupert Colville, i cilësoi komentet raciste.

Bashkimi Afrikan tha se “ishte alarmuar” nga deklarata e Presidentit. Zëdhënësja e Bashkimit Ebba Kalondo i tha Agjencisë “Associated Press”, se “Duke patur parasysh numrin e madh të afrikano-amerikanëve që erdhën në Shtetet e Bashkuara si skllevër, kjo deklaratë i tejkalon të gjitha sjelljet dhe praktikat e pranueshme. Kjo është me të vërtetë për t’u çuditur, për faktin se SHBA mbeten një shembull botëror, se si emigracioni solli lindjen e një vendi të ndërtuar mbi vlerat e diversitetit dhe mundësive.”

Kongresi Kombëtar Afrikan, partia në pushtet në Afrikën e Jugut, tha se komentet e zotit Trump janë “jashtëzakonisht ofenduese.”

Departamenti amerikan i Shtetit tha të premten se diplomatët amerikanë në Haiti dhe në Botswana janë thirrur nga zyrtarë qeveritarë për të diskutuar lidhur me komentet.

Ligjvënësja republikane Mia Love, familja e së cilës ka ardhur nga Haiti, tha se komentet e presidentit janë “të panjerëzishme, përçarëse, elitiste dhe janë një shuplakë ndaj vlerave tona kombëtare. Kjo sjellje është e papranueshme për udhëheqës të vendit tonë.”

Love, ligjvënëse e shtetit Jutah, i bëri thirrje presidentit t’i kërkojë falje popullit haitian.

Komentet e zotit Trump i dënuan edhe ligjvënës të tjerë republikanë, si Ileana Ros-Lehtinen e Floridës, e cila tha se komente të ngjashme nuk duhen dëgjuar as nga fëmijët e jo më në Shtëpinë e Bardhë.

Ligjvënësi i Minesotës Ilhan Omar, me prejardhje somaleze, tha se ai ndjehet krenar që ka ardhur në SHBA si emigrant.

Senatori republikan i Arizonës Jeff Flake, tha se prindërit e tij kishin ardhur nga vende jo as të zhvilluara sa Amerika, por se ai ndjehet mirë që ata janë mirëpritur në SHBA.

Reagime me kritika pati edhe nga ligjvënës demokratë: senatorja e Kalifornisë Kamala Harris dhe Cedric Richmond i Louisianës.

E pyetur nga mediat, përfshirë Zërin e Amerikës, Shtëpia e Bardhë lëshoi një deklaratë, ku thuhej se presidenti do të pranojë vetëm një marrëveshje emigracioni që “trajton si duhet sistemin e llotarisë së vizave dhe emigracionin zinxhir” – dy programe të cilat dëmtojnë ekonominë dhe lejojnë terroristët në vend.”

Imigracioni zinxhir është një term i përdorur nga kritikët e imigracionit, të cilët i referohen sistemit që lejon të afërmit të sponsorizojnë anëtarët e familjes për të ardhur në Shtetet e Bashkuara.

Shtëpia e Bardhë nuk konfirmoi dhe as nuk mohoi nëse Presidenti kishte përdorur fjalën e papërshtatshme kur kishte folur për Haitin dhe Afrikën.

Presidenti dhe komentet për imigracionin

Zoti Trump i habiti disa ligjvënës të enjten gjatë takimit me ta për imigracionin, kur iu referua Haitit dhe vendeve afrikane me një fjalë të papërshtatshme.

“Pse i pranojmë gjithë këta njerëz nga vende (…) të vijnë këtu”, pyeti presidenti, sipas një njoftimi që u raportua për herë të parë nga gazeta Washington Post dhe u konfirmua nga televizioni CNN. Fjala e përdorur prej tij mund të përkthehet afërsisht si “të pista dhe të varfra”.

Zoti Trump tha se Shtetet e Bashkuara duhet të lejojnë më shumë njerëz nga vende të tilla si Norvegjia, kryeministrja e së cilës u takua me të në Shtëpinë e Bardhë të mërkurën.

Por sot, në një koment në Twitter, Presidenti mohoi të kishte përdorur fjalët të cilave po i refererohen mediat:

“Gjuha e përdorur prej meje në takimin për DACA-n ishte e ashpër, por jo ajo që thuhet. Në fakt, i ashpër ishte propozimi i çuditshëm i bërë në mbledhje, që ishte një hap i madh prapa për DACA-n”, shkruante zoti Trump.

Presidenti iu referua programit, që mbron nga deportimi rreth 800 mijë emigrantë të rinj, të sjellë në SHBA ilegalisht nga prindërit e tyre kur ishin fëmijë.

Sipas njoftimeve, Presidenti Trump i bëri komentet kur senatori Dick Durbin, demokrat nga shteti Ilinoi, po shpjegonte kuadrin e një marrëveshjeje të arritur nga gjashtë senatorë të të dyja partive, e cila që synon mbrojtjen nga deportimi të këtyre emigrantëve të rinj, si dhe forcimin e sigurisë së kufirit.

Presidenti reagoi sot në Twitter duke thënë se ai iu referua vendeve me rezultate të këqia dhe se ai kërkon një sistem imigracioni të bazuar mbi meritën, për të sjellë njerëz që e çojnë përpara Amerikën. “Dua siguri për njerëzit tanë, dua të ndalet vërshimi masiv i drogave, dua financimin e ushtrisë, jo si demokratët që kërkojnë t’ia heqin fondet”, shkruante Presidenti Trump.

E pyetur nga mediat, përfshirë Zërin e Amerikës, Shtëpia e Bardhë lëshoi një deklaratë ku thuhej se presidenti do të pranojë vetëm një marrëveshje emigracioni që “trajton si duhet sistemin e llotarisë së vizave dhe emigracionin zinxhir” – dy programe të cilat dëmtojnë ekonominë tonë dhe lejojnë terroristët në vend.” Imigracioni zinxhir është një term i përdorur nga kritikët e imigracionit, të cilët i referohen sistemit që lejon të afërmit të sponsorizojnë anëtarët e familjes për të ardhur në Shtetet e Bashkuara.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Ankaraja kritikon politikat amerikane ndaj Iranit

Ankaraja kritikon politikat amerikane ndaj Iranit

Pasi e pranoi Thaçin udhëheqës të dialogut, LDK grushton nga Prapashtica Lutfi Hazirin

Pasi e pranoi Thaçin udhëheqës të dialogut, LDK grushton nga Prapashtica Lutfi Hazirin

Murati kërkon përqendrim te sjellja e Serbisë jo te protagonizmi dialogues

Murati kërkon përqendrim te sjellja e Serbisë jo te protagonizmi dialogues

Pacolli takohet me Presidentin e Italisë Mattarella, Italia do të mbështet fuqishëm Kosovën

Pacolli takohet me Presidentin e Italisë Mattarella, Italia do të mbështet fuqishëm Kosovën

Arrestohet drejtori i urologjisë në QKUK, Rexhep Kasumaj, pasi kërkoi 100 euro nga pacienti

Arrestohet drejtori i urologjisë në QKUK, Rexhep Kasumaj, pasi kërkoi 100 euro nga pacienti

Besnik Tahiri: Rekomandimi i KE-së për liberalizimin do të jetë pozitiv

Besnik Tahiri: Rekomandimi i KE-së për liberalizimin do të jetë pozitiv

Nëpërmjet FSK-së, Beogradi e komplikon dialogun

Nëpërmjet FSK-së, Beogradi e komplikon dialogun

Pakistan, 10 vjet burg për ish-kryeministrin Sharif

Pakistan, 10 vjet burg për ish-kryeministrin Sharif

Pas hapjes së tunelit, nga Peja në Rozhajë për 18 minuta

Pas hapjes së tunelit, nga Peja në Rozhajë për 18 minuta

Ministrja Reshitaj: Reformat e ndërmarra do të lehtësojnë pajisjen me leje ndërtimi

Ministrja Reshitaj: Reformat e ndërmarra do të lehtësojnë pajisjen me leje ndërtimi

Reagon Bekim Jashari, thotë se nuk i ka larguar njerëzit e Sami Lushtakut nga puna

Reagon Bekim Jashari, thotë se nuk i ka larguar njerëzit e Sami Lushtakut nga puna

Meksikë: Shpërthime në depot me fishekzjarre, 24 të vrarë

Meksikë: Shpërthime në depot me fishekzjarre, 24 të vrarë

Apeli i Policisë: Mos lini gjëra më vlerë në vetura

Apeli i Policisë: Mos lini gjëra më vlerë në vetura

Marrëveshja për emrin mund të fuqizohet dhe pa firmën e Ivanovit?

Marrëveshja për emrin mund të fuqizohet dhe pa firmën e Ivanovit?

Të hënën hapet konkursi për regjistrimin e studentëve në universitetet publike

Të hënën hapet konkursi për regjistrimin e studentëve në universitetet publike

Polici i akuzuar thotë se të dyshuarin për vjedhjen e çimentos e liroi me urdhër të prokurorit

Polici i akuzuar thotë se të dyshuarin për vjedhjen e çimentos e liroi me urdhër të prokurorit