Kryeministri i Kosovës, Ramush Haradinaj, gjatë ditës së sotme e ka pritur në Kullën e babait të tij në Gllogjan, Talat Xhaferin, Kryetarin e Kuvendit të Maqedonisë së Veriut.
Haradinaj tha se ishte i nderuar të mirëpres Xhaferin, njofton Klan Kosova.
“I nderuar ta mirëpres në Kullën e Hilmiut në Gllogjan, Talat Xhaferin, Kryetarin e Kuvendit të Maqedonisë së Veriut”.
“Bisedë vëllazërore për zhvillimet në Kosovë dhe në shtetin fqinj, me fokus interesat e shqiptarëve”.
“Vlerat e idealit të lirisë, demokracisë dhe përparimit janë elemente të pandryshueshme të qenësisë sonë kombëtare”, ka shkruar Haradinaj në rrjetin social Facebook.