Sergio Ramos ka kërkuar falje pas episodit dhe reagimit negativ ndaj bashkëlojtarit të tij Sergio Reguilon.
Reguilon e ka goditur aksidentalisht Ramosin në stërvitjen e sotme të klubit mbretëror.
Pas kësaj goditje të lehtë me dorë në fytyrë, mbrojtësi spanjoll reagoi ashpër duke e shqelmuar atë me top dhe duke debatuar pastaj me të.
Ky episod i ndodhur në stërvitje ka treguar edhe një herë se te Real Madridi nuk ka qetësi pas rezultateve të fundit negative.
Megjithatë, nuk ka vonuar shumë dhe kapiteni i Real Madridit ka kërkuar ndjesë te Reguilon pas reagimit të tij të paqëndrueshëm që bëri ndaj tij.
Reguilon ishte i lumtur që çështja mori fund dhe këtë e tregoi gjatë një postimi në rrjetet sociale.
Siempre con mi equipo y con mi capitán, a por la victoria mañana! 💪🏻 https://t.co/Nddgmwd7ob
— Sergio Reguilón (@sergio_regui) October 22, 2018
“Gjithmonë me ekipin tim dhe kapitenin tim, le të fitojmë nesër”, ka shkruar Reguilon në postimin e tij.
Ndryshe, Real Madridi është nikoqir i Viktori Plzen në ndeshjen e së martës mbrëma, e cila fillon nga ora 21:00. /Telegrafi/
