Në mbledhjen e kabinetit qeveritar është aprovuar Propozim-vendimi për themelimin e Qendrës Përkujtimore të Holokaustit Shqiptar “Bllacë 1999”.
Kryeministri Ramush Haradinaj, tha se nuk dihet ende për koston.
Ndërsa, Enver Hoxhaj tha se ka pasur një takim edhe me zëvendës-kryeministrin e Maqedonisë, Bujar Osmanin. Ai ka pasur një sugjerim.
“Fjala holokaust të zëvendësohet më gjenocid”, tha ai.
Mes tjerash, është aprovuar me pesë abstenime, edhe Propozim-vendim për rritjen e numrit të këshilltarëve në Ministrinë e Zhvillimit Rajonal.
Për 11 vjetorin e Pavarësisë së Kosovës, në mbledhjen e kabinetit qeveritar është diskutuar edhe për ndarjen e mjeteve financiare për aktivitetet e shënimit të 11 vjetorit të Pavarësisë.
Kryeministri i Kosovës, Ramush Haradinaj tha se do të ndahen 500 mijë euro për të shënuar këtë ditë.
“Këto mjete do të kalojnë si subvencione te Ministria e Kulturës, Rinisë dhe Sportit”, tha Haradinaj.
