Në një pjesë malore, që besohet se ndodhet në pjesën veriore të Shteteve të Bashkuara, është parë një skenë shumë e pazakontë.

Gruaja e shtrirë, e ushqente me luleshtrydhe të ngrira një ari gjigant, që qëndronte i qetë pranë saj, transmeton Telegrafi.

Kameramani që duket se është po aq i guximshëm sa ajo, i filmonte nga afër, ndërsa fokusonte putrat e mëdha dhe të gjithë madhësinë e trupit.

Ende nuk dihet nëse ajo është ndonjë mirëmbajtëse e kafshësh, apo si e qetësoi ariun që besohet se jeton në mal.

Arinjtë ngjyrë kafe janë vetmitarë dhe rrallë shoqërohen me specie të llojit të veta, e aq më pak me njerëz.

Janë vendase të pjesës veriore të Shteteve të Bashkuara dhe Azisë, ndërsa gjenden në disa zona të Kanadasë. /Telegrafi/