Pse Kurani i ndaloi dhe i la “të prapambetura” artet e bukura?!

22.04.2020 01:17
Rreshtat+- AShkronjat+- Printo
Pse Kurani i ndaloi dhe i la “të prapambetura” artet e bukura?!

Shpjegim i thjeshtë:
Sepse pikturat, skulpturat dhe muzika iu dedikoheshin analfabetëve klasikë e jo njerëzve të ditur që zotëronin leximin e gjithë atyre teksteve e librave voluminozë nga të gjitha sferat e dijes.

Nga Adem Breznica

Shpjegim me dy fjalë-fjali:
Sepse kur vdiq Muhamedi a.s., shumica e pasuesve të tij dinin shkrim dhe këndim-lexim. Të llogarisim vetëm viktimat e luftës së Ebu Bekerit. Në betejën e parë me një armik të jashtëm u martirizuan 70 hafizë [nxënës të përmendshëm të Kuranit], që dmth se ushtarët më të thjeshtë e “më të padhimbshëm” te khalifit të parë ishin jo vetëm lexues por edhe zotërues të teksteve të gjëra e voluminoze.

Tutje, gjeneratat e para nuk kishin nevojë që muret e xhamive (vendtubim, kuvend), dhe as miniaturat e librave, t’i ilustronin me piktura e skulptura për t’iu rrëfyer besimtarëve (xhematit-masës) ngjarjet dhe veprat e Muhamedit a.s., sepse këtë e mësonin nga imam të dijshëm dhe nga librat që vet dinin t’i lexonin.

Gjithashtu imamët (prijësit-mësuesit-hoxhët) nuk kishin nevojë, që në agjendat e tyre të ngritjes së emocioneve ndër besimtarë, të fusnin veglat dhe as korin muzikorë. Atyre u mjaftonte melodia unike e Kuranit që nuk e ka shoqen dhe as nuk mund ta sfidojë kush, edhe nëse bëhen bashkë të gjitha harpat, instrumentet e koret muzikore për ta konkurruar.
Secili prej besimtarëve i lexonte ajetet (shenjat) e Kuranit në muret-muralet e xhamive (dhe jo vetëm) dhe secili që dëshironte dhe gjente kohe të lirë mund të thellohej e frymëzohej tutje në leximin e librave prej letre me bollëk… Sepse ishin njerëz të lexueshëm, njerëz të penës dhe dijes…

Dituritë e gravuara në gurë, drurë, dyllë, argjilë, papirus e pergamenë qenë privilegje të aristokratëve dhe priftërinjve drejtues për mijëra vjet pa iu dorëzuar masave të gjëra, madje as në kohët më të lulëzuara të disa prej shoqërive paraprake e paralele me atë islame. Islami është i pari sistem që njohjen e leximit dhe shkrimit e bëri fondament të tij për masat e gjera, deri në ngadhënjimin e kësaj vlere përmes bartëses së saj – letrës, në të gjitha shoqëritë.

Prandaj xhamitë vazhdojnë edhe sot e kësaj dite ta ruajnë me krenari burimin puro të Islamit (Paqes), që rrjedh nga vet emërtimi i Fjalës se Shenjt “Kuran” – “i lexueshëm”, dhe fjalës së parë të Kuranit “Lexo!”, duke i zbukuruar gjeometrikisht sheshet, muret dhe librat me fjalën e shkruar dhe jo të pikturuar e skulpturuar (edhe pse as këto nuk u lanë mënjanë) dhe as të ilustruar analfabetikisht…

Pra nuk bëhet fjalë që piktura, skulptura e muzika ta kenë iluminuar (ndriçuar) mendjen e njeriut homosapiens (njeriu koshient, i vetëdijshëm), sepse këto lloje të artit ekzistonin pashkëputshëm prej mijëra e mijëra vjetësh me radhë ndër të gjitha breznitë e njerëzimit, dhe si te tilla ato në të gjitha kohërat iu drejtuan me mesazhe e iluzione turmave analfabete për t’i drejtuar, e mbase edhe mbikëqyrur e kontrolluar; por ishte determinizmi i leximit masiv, që e obligoi Islami ndër masa si fondament të tij, ai faktori kyç që e nxori njerëzimin nga “temperaturat” e ngurta ngrirëse mijëvjeçare në ato të buta shkrirëse dhe të vakëta që i përjetojmë edhe ne sot e gjithë ditën…

Fundja e fundit, nuk ka asnjë tekst kuranor që i ndalon artet e bukura, ndërkaq klasifikimi “historiografik” se Kurani i ka ndaluar ato, dhe si rrjedhojë edhe i ka prapambetur, është mëse i shpifur.

Post Scriptum:

Këto sqarime i bëra duke marre shkas nga vandalizimi dhe djegia e xhamisë qindvjeçare në Drenicë si dhe tendencat e herëpashershme për ta shfaqur Islamin si kulturë të prapambetur, gjëra këto nxitëse për dhe në të tilla raste barbareske.

Kushdo që përpiqet t’i demonizojë burimet dhe rrjedhat e Islamit si të prapambetura, dhe të shkelura nga koha, gabohet proceduralisht dhe bënë shkelje të rëndë mbi kriterin bazë të shkencës: kritiken e pavarur dhe shumë dimensionale dhe krahasimtare. Përndryshe, gjurmët dhe dritën e kulturës islame nuk e errësojnë dot askush prej kushit.
E nëse ka diçka tendencioze, atëherë bëhet fjalë për çalim të rëndë humanist, iluminist e kultural, edhe pse mund të pretendohet se ato “spërkatje” bazohen mbi këto vlera.

No photo description available.
No photo description available.
Image may contain: table and indoor

/Adem Breznica, profesor i historisë dhe studiues i religjioneve komparative/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


A duhet të kenë frikë shtatzënat nga COVID-19?

A duhet të kenë frikë shtatzënat nga COVID-19?

Efektet e distancimit social – ndikimi në aspektin psikologjik dhe menaxhimi i tyre

Efektet e distancimit social – ndikimi në aspektin psikologjik dhe menaxhimi i tyre

Kryeparlamentarja Osmani më e lumtur se kurrë, këndon së bashku me vajzat e saj

Kryeparlamentarja Osmani më e lumtur se kurrë, këndon së bashku me vajzat e saj

Apple, Google, njoftim në telefon për ekspozimin ndaj koronavirusit

Apple, Google, njoftim në telefon për ekspozimin ndaj koronavirusit

Mjekët në Gjermani vijojnë të pozojnë nudo në shenjë proteste për mungesën e mjeteve mbrojtëse (Fotot)

Mjekët në Gjermani vijojnë të pozojnë nudo në shenjë proteste për mungesën e mjeteve mbrojtëse (Fotot)

Rusi/ 35 vjeçarja vret shoqen e saj, pjesët e trupit të viktimës përfundojnë në ushqim për qentë

Rusi/ 35 vjeçarja vret shoqen e saj, pjesët e trupit të viktimës përfundojnë në ushqim për qentë

A janë serbët njerëz!

A janë serbët njerëz!

Policia e interviston Gold AG për shkak të këngës së fundit

Policia e interviston Gold AG për shkak të këngës së fundit

Klubet që nuk preken nga kriza e Koronavirus sa i përket merkatos. Reali, Interi dhe…

Klubet që nuk preken nga kriza e Koronavirus sa i përket merkatos. Reali, Interi dhe…

Njerku i kapi duke kryer marrëdhënie intime, 16 vjeçarja dhe i dashuri punësuan dikë për ta vrarë

Njerku i kapi duke kryer marrëdhënie intime, 16 vjeçarja dhe i dashuri punësuan dikë për ta vrarë

Ina: Përjetova gjendje shoku, kur Geri doli në takim me Antonetën (Foto)

Ina: Përjetova gjendje shoku, kur Geri doli në takim me Antonetën (Foto)

Griezmann, Coutinho, Pochettino… Newcastle kërkon lavdinë

Griezmann, Coutinho, Pochettino… Newcastle kërkon lavdinë

Ja çka i ndërtoi gruas së tij!

Ja çka i ndërtoi gruas së tij!

Arrestohet punonjësja e supermarketit që falsifikoi testin e koronavirusit për t’iu shmangur punës

Arrestohet punonjësja e supermarketit që falsifikoi testin e koronavirusit për t’iu shmangur punës

Sallata 3 ngjyrëshe, më e shëndetshmja e stinës

Sallata 3 ngjyrëshe, më e shëndetshmja e stinës

Kamomil, qumësht dhe kanellë, kura natyrale që shëron trupin tuaj

Kamomil, qumësht dhe kanellë, kura natyrale që shëron trupin tuaj