Vegjetarianet e organizatës PETA, protestuan të zhveshura kundër përdorimit të lëkurës së kafshëve në industrinë e tekstilit, para ndërtesës ku filloi Java e Modës në Londër.

Me moton ‘Vishni Lëkurën Tuaj’ të shkruar në trup, aktivistet inkurajuan që të mos përdoret lëkura, leshi, gëzofi, apo materiale tjera që merren prej gjallesave të ndryshme, transmeton Telegrafi.

Grupi i mbështetëseve të organizatës PETA, sfiduan motin e ftohtë, derisa përfunduan protestën, ku bënin thirrje të përdoren materialet e prodhuara artificialisht.

“Qoftë gëzof nga ndonjë dhelpër e frikësuar, agora lepuri apo ndonjë këlyshi të butë, nuk është material i prodhuar dhe nuk na përket neve ta marrim” ka thënë Elisa Allen, drejtuese e organizatës PETA.

Me këtë rast, është kërkuar që të përdoren mjete të shumta që janë në treg, për të shmangur përdorimin e pjesëve të kafshëve, si leshi apo jelet.

Më parë, nën sloganin “nuk është e jona të vishemi me kafshë” oshtë realizuar një fushatë, ku tregohet se si disa kafshë jetojnë në hapësira mizore, derisa rriten për t’ju marrë lëkurën apo rrjepur gëzofin. /Telegrafi/