Prokuroritë hajdute ngritin aktakuza kundër hajdutëve

13.10.2020 00:08
Rreshtat+- AShkronjat+- Printo
Prokuroritë hajdute ngritin aktakuza kundër hajdutëve

Nga Adem Breznica

Prokuroritë janë plagjiatoret më të mëdha të punës dhe mundit të të tjerëve në gjithë Kosovën institucionale. Ato nuk i japin përgjegjësi kurrkujt për vjedhjet e tyre masive të cilat i bëjnë në mënyrë të hapur, madje ndër sy dhe të vet gazetarëve e prokurorëve.

Vjedhjet, pra, janë krejt publike, transparente dhe më e keqja është se bëhen në mënyrë institucionale dhe në emër të drejtësisë…

Prokurorët “harrojnë” se ngritin aktakuza falë punës dhe hulumtimeve disa javore, mujore, e madje vjetore, të gazetarëve. Ndërsa,

– rrogat mesatare të prokurorëve e kalojnë shifrën e 1500 eurove, pa asnjë vonesë;

– ato të gazetarëve mezi arrijnë mesataren e 500 eurove, me njëqindenjë vonesa e peripeci të llojllojshme.

Dhe, krejt në fund, në vend se gazetarët me u ankua për plagjiaturë ndaj tyre nga ana e prokurorisë, ata “fryhen” e “shtyhen” ndërmjet vete se kujt prej tyre ua vodhi prokurori hulumtimin, në bazë të të cilit u ngrit kjo e ajo aktakuzë.

Atyre, madje, nuk u shkon ndërmend as propozimi i ndonjë (projekt)ligji, i përgatitur e përshtatur prej tyre, që do ta rregullonte këtë çështje, apo dhe propozimi për amandamentimin e ligjeve aktuale që do t’i qartësonin e forconin rolet dhe pozitat e ndara të gazetarëve e prokuroreve, qoftë edhe me marrëveshje zyrtare bashkëpunimi ndërmjet tyre.

Akoma më ironike se kaq është edhe fakti se gazetarët janë të parët të cilët atakohen nga krim(b)i që ua servirin për trajtim të mëtutjeshëm prokurorëve, pa e pasur mbrojtjen e askujt, madje as të Odës së Avokatëve të Kosovës.

Ndërkaq prokurorët gëzojnë privilegjin e mbrojtjes e bonuseve speciale, për shkak të kinse rrezikshmërisë së lartë që i përcjellë gjatë kryerjes së detyrës, respektivisht punës së tyre; e që në fakt nuk është e tyre por e vjedhur prej tyre.

/Adem Breznica, gazetar i pavarur/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Prokuroritë hajdute ngritin aktakuza kundër hajdutëve

Prokuroritë hajdute ngritin aktakuza kundër hajdutëve

RTK, Kurti dhe Vetëvendosja virtuale

RTK, Kurti dhe Vetëvendosja virtuale

UÇK është margaritar i qytetërimit evropian

UÇK është margaritar i qytetërimit evropian

‘Pasurinë na vodhën, ëndrrat na i dhunuan edhe Amerikën n’Serbi e çuan, idiotat’

‘Pasurinë na vodhën, ëndrrat na i dhunuan edhe Amerikën n’Serbi e çuan, idiotat’

Kryeministri Hoti duhet të shkarkohet dhe Vendi të shkon në zgjedhje të parakohshme Parlamentare

Kryeministri Hoti duhet të shkarkohet dhe Vendi të shkon në zgjedhje të parakohshme Parlamentare

Kë do ta ndrit Dritani?

Kë do ta ndrit Dritani?

Formimi i UÇK-së

Formimi i UÇK-së

Rutina institucionale, apo ndryshimi i qeverisjes në vend

Rutina institucionale, apo ndryshimi i qeverisjes në vend

Në përpjekje për të nderuar UÇK-në, mos e minoni trashëgiminë e saj të lirisë

Në përpjekje për të nderuar UÇK-në, mos e minoni trashëgiminë e saj të lirisë

Nëno unë vdiqa!

Nëno unë vdiqa!

Neuropsikiatri Afrim Blyta u drejtohet me një letër liderëve: A keni fytyrë, ndërgjegje, njerëzi

Neuropsikiatri Afrim Blyta u drejtohet me një letër liderëve: A keni fytyrë, ndërgjegje, njerëzi

Kosova ka nevojë për patriotizëm ndryshe

Kosova ka nevojë për patriotizëm ndryshe

Zanafilla e miqësisë Shqiptaro Amerikane

Zanafilla e miqësisë Shqiptaro Amerikane

Lulzim Basha, ose versioni modern i “ëndrrës për një karrike”!

Lulzim Basha, ose versioni modern i “ëndrrës për një karrike”!

Rrisni vigjilencën, mos të izolohemi sërish

Rrisni vigjilencën, mos të izolohemi sërish

Katrahura profesionale në Kosovë

Katrahura profesionale në Kosovë