Prishtina fiton miqësoren ndaj Tiranës, het-trik nga Korenica

E publikuar: 06/08/2018 01:46
Rreshtat+- AShkronjat+- Printo

Prishtina ka fituar miqësoren ndaj Tiranës me rezultat 1-3.

Skuadra nga kryeqyteti i Kosovës dominoi në këtë takim të zhvilluar në stadiumin ‘Selman Stermasi’, posaçërisht në pjesën e parë.

Ai që i dha fitore Prishtinës në këtë takim ishte Meriton Korenica me het-trikun e tij.

Golin e parë e shënoi në minutën e 10-të, ndërsa dy të tjerët në minutat 21′ dhe 25′.

Në fund të pjesës së parë Tirana iu afrua golit dy herë, duke goditur shtyllën, por nuk arritën të tundin rrjetën.

Golin e vetëm për skuadrën nga Shqipëria e shënoi Albi Doka në minutën e 50-të .

Vlen të theksohet se Prishtina pas një jave luan ndaj Dritës për Superkupën e Kosovës. /Telegrafi/