Pos At.Madridit e Milanit, edhe Galatasaray kërkon shërbimet e Fabregasit

E publikuar: 25/10/2018 14:32
Rreshtat+- AShkronjat+- Printo

Galatasaray do të bëjë një ofertë në adresë të skuadrës së Chelseat për Cesc Fabregasin.

Mesfushori 31-vjeçar ka luftuar për të bindur trajnerin Maurizio Sarri se e meriton një vend në formacionin fillestar të këtij sezoni, por që duket se nuk ka arritur ta bëjë një gjë të tillë.

Spanjolli do t’i mbarojë kontrata me anglezët në fund të sezonit dhe pritet që të largohet nga londinezët.

Atletico Madrid, AC Milan dhe klubet e MLS kanë treguar interesim për fituesin e Kupës së Botës në vitin 2010.

Dhe sipas The Sun, Galatasaray është shtuar në listën e gjatë të ekipeve që po kërkojnë shërbimet e lojtarit.

Gjigantët turq këtë sezon po marrin pjesë në Ligën e Kampionëve dhe aktualisht janë në krye të Super Ligës turke.

Ndryshe, spanjolli deri më tani ka pasur 132 paraqitje për Chelsean dhe ka shënuar 15 gola. /Telegrafi/