Policia e Kosovës njofton se ka ndërmarrë veprime konkrete në lidhje me gjetjen e 23 vjeçarit nga Lipjani Shqipdon Alija, i cili raportohet i zhdukur nga data 14 tetor 2019.
Me këtë rast policia njofton se që nga dita e raportimit, njësitet e hetimeve kanë ndêrmarrë një varg veprimesh si:
-intervistime të personave që mund të ndihmojnë në gjetjen e vendndodhjes së personit;
– kontrollimi i hyrje- daljeve, në të gjitha pikat kufitare;
-kërkime në zona që personi kishte frekuentuar zakonisht (ambiente të mbyllura dhe të hapura përfshirë edhe vendet ku personi kishte punuar);
– analizimi i video incizimeve të zonave të ndryshme;
– analizimi dhe hetimi i çdo lloj informacioni që lidhet me personin, etj.
Veprimet dhe kërkimet policore, janë duke vazhduar intenzivisht, mirëpo njëkohësisht kërkojmë nga të gjithë ata që mund të ndihmojnë në identifikimin e vendndodhjes së tij, të informojnë Policinë e Kosovës në linjën emergjente 192, apo në numrin 0800 19999.