Një person është plagosur në Prizren gjatë ditës së sotme.
Sipas njoftimit të Policisë së Rajonit të Prizrenit, rreth orës 11:30 është pranuar një informatë se në rrugën “Ali Hadri” ka pasur të shtëna me armë.
Pas marrjes së informatës policia ka dalë menjëherë në vendin e ngjarjes.
Sipas raporteve fillestare dyshohet se një mosmarrëveshje në mes dy personave ka eskaluar në përdorimin e armës nga i dyshuari me ç’ rast është plagosur një person.
I plagosuri është dërguar në Emergjencën e Spitalit Rajonal në Prizren për trajtim mjekësor.
Hetuesit policorë kanë arritur ta arrestojnë të dyshuarin e më pas kanë kryer bastisje në shtëpinë e tij ku janë gjetur dhe sekuestruar pesë armë të brezit, një elektroshok dhe sasi e konsiderueshme e fishekëve të kalibrave të ndryshëm.
I dyshuari sipas policisë është ndaluar nën masën e arrestit.
