Pëson aksident me veturë Ermal Fejzullahu

E publikuar: 22/05/2020 22:25
Rreshtat+- AShkronjat+- Printo

Këngëtari Ermal Fejzullahu ka njoftuar ndjekësit e tij se ditën e sotme (e premte) ka pësuar aksident rrugor.

Një gjë të tillë e ka bërë përmes rrjetit social Instagram, ku ka publikuar një video teksa flet për gjendjen e tij.

“Desha t’ju njoftoj se kam qenë pjesë e një aksidenti, së bashku me disa pjesëtarë të familjes, të gjithë jemi shëndosh e mirë, nuk është diçka për t’u bërë tragjike”, ka thënë ai

Përmes mesazhit të dhënë, këngëtari ka falënderuar të gjithë ata që kanë treguar shqetësim për ngjarjen që i ka ndodhur.

“Ju falënderoj të gjithë juve që keni treguar shqetësim dhe që keni treguar kujdes të veçantë. Ju dua të gjithëve, uroj të keni shëndet dhe të kaloni një ditë sa më të mirë”, përfundoi Ermali.