Pesë vjet punë, miliona euro të shpenzuara dhe punëtorë të vdekur – fakte interesante rreth Autostradës “Arbën Xhaferi”

30.05.2019 11:55
Rreshtat+- AShkronjat+- Printo
Pesë vjet punë, miliona euro të shpenzuara dhe punëtorë të vdekur – fakte interesante rreth Autostradës “Arbën Xhaferi”

Punimet për ndërtimin e Autostradës “Arbën Xhaferi” e cila është lëshuar për qarkullim të mërkurën (29 maj 2019) kishin filluar në vitin 2014, por mungesa e mjeteve financiare kishte bërë që punimet për ndërtimin e saj të vonoheshin për rreth gjashtë muaj.

Autostrada që e lidh Prishtinën me Shkupin, e cila më vonë është emëruar me emrin e njërit prej figurave të shquara shqiptare “Arbën Xhaferi” kishte filluar si ide në vitin 2007 dhe nënshkrimi i kontratës me konsorciumin amerikano-turk “Bechtel-Enka” ishte bërë tek më 1 korrik të vitit 2014, në kohën kur ministër i Infrastrukturës ishte Fehmi Mujota.

Pastaj ishte vazhduar edhe në kohën e Lutfi Zharkut dhe shumica e punimeve ishin përfunduar në kohën e ministrit aktual të Infrastrukturës, Pal Lekaj, shkruan Telegrafi.

Kjo autostradë e cila është projekti më i rëndësishëm pas Rrugës së Kombit, që e lidh Republikën e Kosovës dhe të Shqipërisë, është zhvilluar si ide, por edhe si projekt në tri qeveri të Kosovës, Qeveria Thaçi 2, Qeveria Mustafa dhe Qeveria Haradinaj.

Autostrada “Arbën Xhaferi” me gjatësi prej 65.5 kilometra në fillim ishte thënë se buxhetit të vendit dhe taksapaguesve kosovarë do t’i kushtonte rreth 600 milionë euro, por në fund kostoja e saj ka shkuar në 706 milionë euro, pra mbi 106 milionë euro më shumë sesa planifikimet.

Pra një kilometër autostradë sipas një përllogaritje të thjeshtë në këtë rrugë e cila e lidh Kosovën me Maqedoninë Veriore dhe korridorin 10, ka kushtuar 10.77 milionë euro.

Ceremonia e nënshkrimit të kontratës për Autostradën Prishtinë-Hani i Elezit (1 korrik 2014)

Më 1 korrik të vitit 2014, Ministria e Infrastrukturës e cila drejtohej nga Fehmi Mujota kishte njoftuar nëpërmjet një komunikate se kostoja fikse e Autostradës Prishtinë-Hani i Elezit do të kushtonte afër 600 milionë euro.

“Ministria e Infrastrukturës bën të ditur sot (1 korrik 2014) se Projekti i Autostradës Prishtinë-Hani i Elezit do të realizohet bazuar në standardet ndërkombëtare dhe ka një çmim fiks prej 599,944,263.54 euro”, ishte thënë në komunikatën për media, shkruan Telegrafi.

Karakteristikë tjetër e Autostradës “Arbën Xhaferi” është se ajo ka urën më të gjatë në rajon me një gjatësi prej 5.7 kilometra pa ndërprerje, kurse lartësia e urës gjarpërore është 83 metra.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Policia e Kosovës me aksion në Vushtrri

Policia e Kosovës me aksion në Vushtrri

LDK dhe VV kanë vendosur: Stadiumi kombëtar në Prishtinë, jo në Drenas

LDK dhe VV kanë vendosur: Stadiumi kombëtar në Prishtinë, jo në Drenas

Jevtiqi S’jemi dorë e zgjatur e Beogradit, thotë se ishte kundër regjimit të Millosheviqit

Jevtiqi S’jemi dorë e zgjatur e Beogradit, thotë se ishte kundër regjimit të Millosheviqit

“Edi Rama nuk gaboi me hartën, ai thjesht ka provokuar”

“Edi Rama nuk gaboi me hartën, ai thjesht ka provokuar”

Me vendim të Pacollit, biznesmeni Shkëlqim Devolli emërohet Konsull Nderi në Malin e Zi

Me vendim të Pacollit, biznesmeni Shkëlqim Devolli emërohet Konsull Nderi në Malin e Zi

Këto janë punët më të paguara në Zvicër për vitin 2019

Këto janë punët më të paguara në Zvicër për vitin 2019

Nënshkruhet memorandumi i bashkëpunimit mbi qeverisjen korporative të bankave

Nënshkruhet memorandumi i bashkëpunimit mbi qeverisjen korporative të bankave

Lutfi Haziri: Nuk ka asnjë lloj ngërçi mes LDK dhe VV, jemi drejt ndërtimit të koalicionit

Lutfi Haziri: Nuk ka asnjë lloj ngërçi mes LDK dhe VV, jemi drejt ndërtimit të koalicionit

Meta e kallëzoi penalisht, reagon Dvorani: Ilir Meta apo Presidenti i Republikës i bën akuzat?

Meta e kallëzoi penalisht, reagon Dvorani: Ilir Meta apo Presidenti i Republikës i bën akuzat?

Dialogu dhe roli i presidentit, temë e takimit të radhës Kurti – Mustafa

Dialogu dhe roli i presidentit, temë e takimit të radhës Kurti – Mustafa

Udhëheqja e OSBE nga Shqipëria/ Presidenti Tsereteli: Palët politike të bëjnë më të mirën

Udhëheqja e OSBE nga Shqipëria/ Presidenti Tsereteli: Palët politike të bëjnë më të mirën

Admirali Foggo bën thirrje për formimin e Qeverisë së re

Admirali Foggo bën thirrje për formimin e Qeverisë së re

Ujësjellësi paralajmëron konsumatorët: Pajisuni me ujëmatës

Ujësjellësi paralajmëron konsumatorët: Pajisuni me ujëmatës

Kurti po heq dorë, ideja për Bashkim Kombëtar momentalisht e paarritshme

Kurti po heq dorë, ideja për Bashkim Kombëtar momentalisht e paarritshme

Guvernatori Mehmeti: Bashkëpunimi mes bankave qendrore e bënë më të lehtë tejkalimin e sfidave

Guvernatori Mehmeti: Bashkëpunimi mes bankave qendrore e bënë më të lehtë tejkalimin e sfidave

Aktakuzë për organizim dhe pjesëmarrja në grup terrorist

Aktakuzë për organizim dhe pjesëmarrja në grup terrorist