Të dielën, disa persona (të mitur) janë përleshur mes vete në qendër të Pejës – si pasojë njëri nga ta është lënduar me mjete të mprehta.
Rastin e ka bërë të ditur zëdhënësi i policisë për rajonin e Pejës, Driton Rugova.
Ai ka thënë se lidhur me rastin janë njoftuar rreth orës 21:50 dhe me të pranuar informatën, njësitë policore janë nisur për në vendin e ngjarjes.
“Një person ka pësuar lëndime trupore dhe i njëjti është dërguar për tretman mjekësor”, tha Rugova.
“Të dyshuarit tanimë të njohur për policinë janë në arrati dhe policia po bën të pamundurën për t’i kapur”, ka deklaruar Rugova./FO/
