Përkujtohet dëbimi i 7 mijë hebrenjve nga Maqedonia e Veriut

27.01.2020 18:26
Rreshtat+- AShkronjat+- Printo
Përkujtohet dëbimi i 7 mijë hebrenjve nga Maqedonia e Veriut

Në ditën ndërkombëtare të përkujtimit të viktimave të Holokaustit, udhëheqësit e Maqedonisë së Veriut, kanë përkujtuar dëbimin e 7 mijë hebrenjve nga Shkupi, Manastiri dhe Shtipi në vitin 1943, drejt kampit të përqendrimit në Treblinka.

Kryeministri i Maqedonisë së Veriut, Oliver Spasovski, gjatë akademisë përkujtimore të organizuar nga Akademia e Shkencave, kushtuar viktimave të Holokaustit, tha se kjo ngjarje ishte një tragjedi kolektive që sipas tij ende është e freskët në kujtesën e qytetarëve të vendit dhe të gjithë atyre që kanë shpëtuar familjet hebraike dhe atyre që u kanë mbijetuar tmerreve të Holokausitt.

“Obligimi ynë politik dhe moral është ta ruajmë të vërtetën e Holokaustit, me qëllim që kjo tragjedi të mos përsëritet më. Obligimi ynë është që me të gjitha forcat të luftojmë antisemitizmin, mohimin dhe tentimet për të shtrembëruar të vërtetën e Holokaustit”, tha Spasovski.

Ndërkaq, kryetarja e minoritetit hebre në Maqedoni të Veriut, Berta Romano-Nikoliq ka theksuar se duhet mësuar leksioni i hidhur që solli Holokausti, që të mos përsëritet më një tragjedi e tillë.

“Vetëm përkujtimi dhe empatia ndaj ngjarjeve të Holokaustit nuk e parandalojnë rilindjen e sërishme të tmerrit të quajtur Holokaust”, tha Romano-Nikoliq.

Kryetari i Akademisë së Shkencave të Maqedonisë së Veriut, Lupço Kocarev ka kujtuar shuarjen e lagjeve të tëra të populluar me hebrenj në shumë qytetet të Maqedonisë së Veriut.

“Për fat të mirë, në Maqedoninë e Veriut ka mbijetuar identiteti hebraik edhe pse në territorin e Maqedonisë së Veriut, mbi 98 për qind e hebrenjve ishin likuiduar”, tha Kocarev.

Ndërkaq, Skender Asani, drejtor i Institutit për trashëgimi dhe kulturore të shqiptarëve në Maqedoninë e Veriut, tha për Radion Evropa e Lirë thotë se institucionet shtetërore dhe shkencore në vend, për 75 vjet nuk kanë hedhur dritë ndaj një fakti të rëndësishëm, atë se ishin shqiptarët ata që i shpëtuan nga deportimi familjet hebraike, duke i nisur për në Kosovë dhe Shqipëri.

“Para një dekadë u hap muzeu i Holokaustit këtu, por për fat të keq edhe ky institucion nuk e luajti rolin e duhur në zbardhjen e shumë ngjarjeve të cilat kanë ndodhur gjatë Luftës së Dytë Botërore. Kjo shtroi nevojën për krijimin e një departamenti të veçantë në kuadër të Institutit për trashëgimi kulturore dhe Shpirtërore të shqiptarëve në Maqedoninë e Veriut, që është i thirrur, që në aspektin edukativ dhe hulumtues të nxjerrë në pah gjithë atë që ka ndodhur gjatë Luftës së Dytë Botërore me hebrenjtë këtu në Maqedoni të Veriut”, thotë Asani.

Ai bën të ditur se në saje të bashkëpunimit të institucionit që drejton dhe muzeut të Holokaustit në Uashington janë duke u publikuar shumë libra, memoare dhe faktografi rreth të vërtetës së fatit të familjeve hebraike gjatë Luftës së Dytë Botërore dhe rolit të shqiptarëve në këtë drejtim.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Mimoza Kusari thotë se Isa Mustafa dhe Avdullah Hoti shtypin mendimin ndryshe brenda LDK’së

Mimoza Kusari thotë se Isa Mustafa dhe Avdullah Hoti shtypin mendimin ndryshe brenda LDK’së

OBSH: 180 vaksina antiCOVID-19 në zhvillim

OBSH: 180 vaksina antiCOVID-19 në zhvillim

The Economist: Një mbështetje e çuditshme e Izraelit nga Serbia dhe Kosova

The Economist: Një mbështetje e çuditshme e Izraelit nga Serbia dhe Kosova

Kurti për vizitë në Gjermani, takon politikanë të landeve Baden-Wuerttemberg dhe Bavari

Kurti për vizitë në Gjermani, takon politikanë të landeve Baden-Wuerttemberg dhe Bavari

Mustafa për Osmanin: I pranoj mendimet ndryshe, por jo veprimet ndryshe

Mustafa për Osmanin: I pranoj mendimet ndryshe, por jo veprimet ndryshe

Vuçiqi: Netanyahut do t’ia shpreh mospajtimin rreth njohjes së Kosovës

Vuçiqi: Netanyahut do t’ia shpreh mospajtimin rreth njohjes së Kosovës

Mustafa: Kurti dhe Osmani e kanë ditur që në ShBA nuk do të ketë ndarje

Mustafa: Kurti dhe Osmani e kanë ditur që në ShBA nuk do të ketë ndarje

​Tahiri: Parlamenti Evropian konfirmoi mbështetjen për liberalizimin e vizave

​Tahiri: Parlamenti Evropian konfirmoi mbështetjen për liberalizimin e vizave

Vetëvendosje: Krimi e korrupsioni problematikat kryesore të Kosovës, Qeveria Kurti do t’i luftojë ato

Vetëvendosje: Krimi e korrupsioni problematikat kryesore të Kosovës, Qeveria Kurti do t’i luftojë ato

Grenell: Kosovës dhe Serbisë në tallje u propozova që Ujmanin ta quajmë Liqeni Trump

Grenell: Kosovës dhe Serbisë në tallje u propozova që Ujmanin ta quajmë Liqeni Trump

​BE kërcënon me veprime ligjore ndaj Britanisë së Madhe për shkak të Brexit

​BE kërcënon me veprime ligjore ndaj Britanisë së Madhe për shkak të Brexit

Raka flet për fillimin e mësimit: Rreziku i infektimit nëpër shkolla ekziston

Raka flet për fillimin e mësimit: Rreziku i infektimit nëpër shkolla ekziston

Hungaria blen automjete luftarake gjermane Lynx për dy miliardë euro

Hungaria blen automjete luftarake gjermane Lynx për dy miliardë euro

Kryeministri i Greqisë: Kemi nevojë për dialog me Turqinë, por jo nën tytën e armës

Kryeministri i Greqisë: Kemi nevojë për dialog me Turqinë, por jo nën tytën e armës

Hoti ua çon Osmanit dhe Thaçit marrëveshjen e Uashingtonit

Hoti ua çon Osmanit dhe Thaçit marrëveshjen e Uashingtonit

Hyseni i kërkon ambasadorit Rohde mbështetjen e mëtejme gjermane për dialogun

Hyseni i kërkon ambasadorit Rohde mbështetjen e mëtejme gjermane për dialogun