WhatsApp vazhdon të prezantojë funksione të reja në Android dhe në aplikacionin iOS. Tani,përditësimi i fundit i WhatsApp iOS sjell modalitetin Picture-in-Picture dhe përmirësime të tjera. Azhornimi i ri i WhatsApp iOS sjell disa veçori për administratorët e grupit duke u dhënë atyre më shumë kontroll.
Modaliteti i ri Picture-in-Picture do të mbështesë dy shërbime për momentin, Instagram dhe Facebook. Tani kur merrni një lidhje me një video të organizuar nga një prej këtyre shërbimeve, do të mund ta luani atë në WhatsApp. Për më tepër, përdoruesit tani mund të vazhdojnë të shikojnë videon gjatë lundrimit në një tjetër bisedë dhe të ndajnë përshtypjet tuaja me miqtë tuaj.
Për më tepër, përditësimi i WhatsApp iOS sjell disa funksione të lidhura me administratorin. Nëse jeni administrator i ndonjë grupi ju mund të hiqni të drejtat e admin nga pjesëmarrësit e tjerë. Për të hequr të drejtat e admin, duhet të zgjedhësh “Largo si Admin” në menunë “Info grupi”.
Për më tepër, administratorët e grupit tani do të jenë në gjendje të zgjedhin se cilët mund të ndryshojnë subjektin, ikonën dhe përshkrimin e një grupi. Opsioni i ri është i disponueshëm në cilësimet e Grupit. /PCWorld Albanian
