Caroline Hirt nga Kolorado e Shteteve të Bashkuara, ka qenë shumë e lumtur që në ditën e parë të kopshtit, ka veshur fustanin që i përkiste stërgjyshes së saj.
Martha Esch ka pasur këtë veshje, kur ka shkuar në ditën e parë në kopsht më 1950, ndërsa të njëjtin fustan ia ka veshur edhe të bijës, transmeton Telegrafi.
Ajo e ka përcjellë te mbesa shumë vite më vonë, që e ka bërë si traditë për ta bartur në tri gjeneratat e reja që pasuan.
Martha që e veshi e para
Për shtatë dekada, kjo rrobë verore është veshur nga 19 trashëgimtare, në shtatë shtete të ndryshme.
Të njëjtin fustan e kishte veshur edhe nëna saj
“E kemi një traditë të krijuar spontanisht, që na është bërë shumë e vlefshme. Nuk kam dëgjuar ndonjëherë për veprim të njëjtë”, ka thënë nëna e Hirt lidhur me rastin.
Kushërira që e veshi para disa viteve
Fustanin që e konsiderojnë edhe si fatsjellës, ata do t’ia veshin edhe tri vajzave që janë nën katër vjet dhe fillojnë kopshtin viteve që vijnë. /Telegrafi/
