Për disa përfaqësues serbë bëhet i vështirë kalimi në Serbi

11.01.2019 10:06
Rreshtat+- AShkronjat+- Printo
Për disa përfaqësues serbë bëhet i vështirë kalimi në Serbi

Pas ndalesave e peripecive, me të cilat u ballafaquan kohë pas kohe pjesëtarët serbë të Forcës së Sigurisë së Kosovës gjatë kalimit nga Kosova për në Serbi, kohët e fundit edhe disa përfaqësues politikë serbë, po përjetojnë ndalesa e pengesa të njëjta.

Pas deputetit dhe kryetarit të Partisë së Pavarur Liberale, Sllobodan Petroviq, i cili ishte ndaluar kohë më parë, të enjten, autoritetet serbe kanë ndaluar edhe një zyrtar tjetër të kësaj partie.

Nebojsha Jakovljeviq, këshilltar në Ministrinë e Punës dhe Mirëqenies Sociale në Qeverinë e Kosovës, është ndaluar për disa orë dhe është marrë në pyetje.

Avokati i Popullit në Kosovë, Hilmi Jashari, tha për Radion Evropa e Lirë, se ndalesat e tilla të qytetarëve pa një urdhëresë nga ndonjë institucion i rendit apo i sistemit të drejtësisë, paraqesin shkelje të të drejtave të njeriut.

“Standardet ndërkombëtare janë shumë decidive sa u takon situatave të ngjashme si kjo dhe ka shumë standarde që i zbatojnë mekanizmat e ndryshëm ndërkombëtarë. Asnjë ndalesë e tillë nuk do të duhej të bëhej, sidomos nëse është përjashtimisht ndonjë vendim i gjykatës, e cila autorizon një ndalesë e tillë”.

“Çfarëdo ndalesë tjetër konsiderohet si vendim arbitrar dhe që cenon lirinë e lëvizjes dhe lirinë e personit dhe si e tillë, është në kundërshtim me standardet ndërkombëtare që vlejnë për rajonin e Këshillit të Evropës dhe shteteve që janë anëtare, në këtë rast edhe Serbia, e cila nga viti 2004, është pjesë e mekanizmave ndërkombëtar për mbrojtjen e të drejtave të njeriut”, tha Jashari.

Sipas tij, për këto raste, institucionet e Kosovës mund të bëjnë ankesa në Komitetin për Mbrojtjen Kundër Torturës në Këshillin e Evropës apo edhe në Komisionin për Mbrojtjen e të Drejtave të Njeriut po në Këshillin e Evropës.

Partia e Pavarur Liberale udhëhiqet nga Sllobodan Petroviq, i vetmi nga 10 deputetët serbë në Kuvendin e Kosovës, që nuk i takon Listës Serbe, subjekt që ka mbështetjen e drejtpërdrejtë të Beogradit. Edhe Petroviq, më 8 dhjetor, ka qenë i ndaluar dhe intervistuar për më gjatë se katër orë në Merdare.

Në një deklaratë për Radion Evropa e Lirë, Petroviq tha se kjo nuk është hera e parë që pjesëtarët e Partisë Liberale ndalohen në vendkalimin kufitar dhe, sipas tij, bëhet fjalë për “maltretim politik të atyre që mendojnë ndryshe politikisht”.

“Ky është një presion politik dhe për këtë arsye, veprojnë në këtë mënyrë. Kjo duhet gjykuar në çdo formë. Duhet që përfundimisht t’i dilet në rrugë kësaj mënyre të maltretimit të njerëzve, veçanërisht të atyre që janë zgjedhur nga qytetarët. Jakovljeviq është nisur në mëngjes me fëmijën e tij, për në spital, ku ka pasur kontroll të caktuar në ora 10. Ndërkaq, është ndaluar në orën 4 të mëngjesit”, bëri të ditur Petroviq.

Ai shtoi se lidhur me këtë çështje do të takojë përfaqësuesit e bashkësisë ndërkombëtare në Kosovë.

Edhe kryeministri i Qeverisë së Kosovës, Ramush Haradinaj, ka reaguar duke kërkuar që autoritetet serbe t’i ndalojnë praktikat e tilla.

Kryeministri Haradinaj ndalimin në Merdare nga autoritetet e Serbisë të Nebojsha Jakovljeviqit e ka dënuar dhe e ka cilësuar si vendim të “papranueshëm dhe të dënueshëm”.

“Qeveria e Kosovës, dënon ashpër këtë formë të presionit dhe kërcënimit nga ana e Serbisë për qytetarët e komunitetit serb të Kosovës. Ky veprim, nuk është i vetmi dhe as i izoluar, por është pjesë e një fushate të orkestruar të pushtetit serb, për ta kërcënuar drejtpërdrejt sigurinë e vendit tonë”, ka thënë kryeministri i Kosovës.

Javën e kaluar, gjithashtu në Merdare, është ndaluar dhe është marrë në pyetje edhe nënkryetari i Partisë së Pavarur Liberale dhe zëvendësministri i Kulturës në Qeverinë e Kosovës, Boban Stankoviq.

Gjatë verës së vitit 2018, me probleme të tilla janë ballafaquar edhe pjesëtarët serbëtë Forcës së Sigurisë së Kosovës. Disa prej tyre, më pas i kanë braktisur radhët e FSK-së, ç’gjë nga autoritetet e Kosovës ishte konsideruar si pasojë e presioneve nga Beogradi zyrtar. /Rel

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Tema e Asociacionit mund të rikthehet në tavolinën e bisedimeve

Tema e Asociacionit mund të rikthehet në tavolinën e bisedimeve

Rita Ora përmend Kosovën dhe jep mesazhin e madh: Duhet të qep gojën dhe të këndoj

Rita Ora përmend Kosovën dhe jep mesazhin e madh: Duhet të qep gojën dhe të këndoj

Ministri serb krenohet me humbjet në Betejën e Pashtrikut dhe Koshares

Ministri serb krenohet me humbjet në Betejën e Pashtrikut dhe Koshares

Hoxhaj paralajmëron zvogëlim të qeverisë këtë mandat

Hoxhaj paralajmëron zvogëlim të qeverisë këtë mandat

Vuçiq: Serbia i ka mbrojtur interesat në Kosovë, serbët i dominojnë të gjitha institucionet e veriut

Vuçiq: Serbia i ka mbrojtur interesat në Kosovë, serbët i dominojnë të gjitha institucionet e veriut

Grabovci tërhiqet nga kandidatura për kryetar të PDK-së në Pejë

Grabovci tërhiqet nga kandidatura për kryetar të PDK-së në Pejë

“Shqipëria dhe Kosova në një shtet”, deklarata e presidentit Hashim Thaçi nga Kruma

“Shqipëria dhe Kosova në një shtet”, deklarata e presidentit Hashim Thaçi nga Kruma

I iku dënimit me burg, kthehet në Kosovë dhe bëhet inspektor

I iku dënimit me burg, kthehet në Kosovë dhe bëhet inspektor

Protestë paqësore e opozitës. Basha falenderon ndërkombëtarët: Kërkuan zgjedhje jo pa opozitën

Protestë paqësore e opozitës. Basha falenderon ndërkombëtarët: Kërkuan zgjedhje jo pa opozitën

Opozita në Shqipëri proteston dhe refuzon dialogun

Opozita në Shqipëri proteston dhe refuzon dialogun

Lista Serbe mbron Vuçiqin: Planet e opozitës për Kosovën rrenë e mashtrime

Lista Serbe mbron Vuçiqin: Planet e opozitës për Kosovën rrenë e mashtrime

Arrestohet pas 30 vjetësh për vrasjen e Haki Ukajt, dorasi më 2010 e kishte ndërruar identitetin

Arrestohet pas 30 vjetësh për vrasjen e Haki Ukajt, dorasi më 2010 e kishte ndërruar identitetin

LDK’ja thotë se pati alarmuar para 4 vjetësh për fajdetë

LDK’ja thotë se pati alarmuar para 4 vjetësh për fajdetë

Opozita në Serbi del me Deklaratë për pajtim mes serbëve e shqiptarëve

Opozita në Serbi del me Deklaratë për pajtim mes serbëve e shqiptarëve

Dodik: Më vjen mirë që Haradinaj po e trajton Republikën Serbe shtet

Dodik: Më vjen mirë që Haradinaj po e trajton Republikën Serbe shtet

Policia terrorizon spitalet – A po i drejtojnë pacientët për fekondim artificial drejt Shkupit?

Policia terrorizon spitalet – A po i drejtojnë pacientët për fekondim artificial drejt Shkupit?