Pendarovski: Ende s’ka vdekur ideja e rrezikshme e shkëmbimit të territoreve Kosovë-Serbi

29.10.2019 21:11
Rreshtat+- AShkronjat+- Printo
Pendarovski: Ende s’ka vdekur ideja e rrezikshme e shkëmbimit të territoreve Kosovë-Serbi

Presidenti i Maqedonisë së Veriut, Stevo Pendarovski, ka thënë se ideja për shkëmbimin e territoreve mes Kosovës dhe Serbisë nuk ka vdekur ende.

Pendarovski, në emisionin “Përballë” të gazetarit Lutfi Dervishi, në RTSH, ka thënë se kjo ide vazhdon të diskutohet nga politikanë e ekspertë të rajonit.

“Jo, ende jo [nuk ka vdekur ideja e shkëmbimit të territoreve]. Ju e dini që kjo ide erdhi publikisht nga nivelet më të larta të mundshme politike, erdhi nga ish-këshilltari për Sigurinë kombëtare i presidentit amerikan, z. John Bolton. Ai tashmë nuk është pjesë e administratës për arsye krejt të tjera, por aty-këtu dëgjoj njerëz nga rajoni, politikanë, ekspertë, që ende rreken me këtë ide”, ka thënë Pendarovski, ndërsa ka theksuar se “kjo është ide e rrezikshme”.

Ai ka thënë se mënyra për t’i bindur bashkëbiseduesit, gjegjësisht Kosovën dhe Serbinë, se kjo është një ide e rrezikshme, është se shpërndarja etnike e popullsisë në rajon nuk guxon të ndodhë pasi që ajo sjell efektin domino.

“Së pari, nuk mund të ndjekësh shpërndarjen etnike të popullsisë në rajon. Nëse ti e nis diku, për shembull në Kosovë dhe do të vijosh pastaj me zona të tjera, çdokush e di që në Ballkanin Perëndimor dhe në Evropë në vetvete, ne jemi heterogjenë në pikëpamjen etnike dhe fetare. Prandaj, teza ime kryesore është se do të doja të shihja që problemi i Kosovës, problemi ndërkombëtar i Kosovës, të zgjidhet. Pse?! Sepse të dyja këto vende janë fqinjët tanë të drejtpërdrejtë. Ne kemi vendosur marrëdhënie diplomatike me Kosovën. E njëjta gjë me Serbinë. Është jashtëzakonisht e rëndësishme për ne që të kemi marrëdhënie dypalëshe shumë të mira me të dyja vendet, dhe për ata që të kenë marrëdhënie shumë të mira dypalëshe me njëri-tjetrin. Por nuk është gjë e mirë që të mbyllësh një problem, problemin e Kosovës dhe të hapësh 2 apo 3 probleme të tjera në rajon”, tha kreu i shtetit maqedonas, Stevo Pendarovski.

Edhe presidenti maqedonas është i mendimit që pa përfshirjen serioze të SHBA-së nuk ka zgjidhje të krizave.

“Ju e dini, sikundër dhe unë, që rreth 30 vjetët që kanë kaluar na kanë treguar se pa një përfshirje serioze të SHBA-së nuk është e mundur që BE-ja e vetme t’i zgjidhë krizat dhe problemet e kësaj natyre. Ne patëm një krizë tonën në vitin 2001, patëm konflikt në territorin tonë dhe pas kësaj nënshkruam marrëveshjen kornizë të Ohrit dhe atëherë ndërmjetësuesi i BE-së punonte ngushtësisht me ndërmjetësin amerikan. Unë nuk mendoj që pa një përfshirje aktive nga Uashingtoni, do të shohim një zgjidhje të qëndrueshme të këtij procesi”, deklaroi presidenti maqedonas, Pendarovski.

Ai tha se e di pak shqipen, ndërsa shtoi se do t’i nxisë edhe maqedonasit që ta mësojnë atë.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Ndërtuesit reagojnë ndaj rritjes së çmimit të çimentos nga “Sharrcem”

Ndërtuesit reagojnë ndaj rritjes së çmimit të çimentos nga “Sharrcem”

Zyrtari i Departamentit të Shtetit: Rregullojeni sundimin e ligjit, nuk do t’ju ndihmojmë gjithmonë

Zyrtari i Departamentit të Shtetit: Rregullojeni sundimin e ligjit, nuk do t’ju ndihmojmë gjithmonë

10 ftesa për tri javë nga Specialja, Gucati paralajmëron protesta

10 ftesa për tri javë nga Specialja, Gucati paralajmëron protesta

Gjukanoviq dhe Vuçiq, qëndrime të kundërta për Ligjin e lirive fetare

Gjukanoviq dhe Vuçiq, qëndrime të kundërta për Ligjin e lirive fetare

Në MPB u mbajt takimi i radhës i Këshillit Shtetëror për Siguri Kibernetike

Në MPB u mbajt takimi i radhës i Këshillit Shtetëror për Siguri Kibernetike

Partia Demokratike i shtohet koalicionit të partive shqiptare në Serbi

Partia Demokratike i shtohet koalicionit të partive shqiptare në Serbi

Dënohet me kusht i akuzuari që pranoi se me dokument fals përfitoi pension të veteranit të luftës

Dënohet me kusht i akuzuari që pranoi se me dokument fals përfitoi pension të veteranit të luftës

Grenell kërkon nga Serbia të ndalojë fushatën lobuese kundër Kosovës

Grenell kërkon nga Serbia të ndalojë fushatën lobuese kundër Kosovës

Grenell e Kosnett takojnë Kurtin

Grenell e Kosnett takojnë Kurtin

Trump presidenti i parë që merr pjesë në protestën vjetore kundër abortit “Marshi për Jetën”

Trump presidenti i parë që merr pjesë në protestën vjetore kundër abortit “Marshi për Jetën”

Raporti i vendeve më të korruptuara në botë, Kosova e 101-ta, Shqipëria 106-ta…

Raporti i vendeve më të korruptuara në botë, Kosova e 101-ta, Shqipëria 106-ta…

TI: Kosova, përkeqësim në luftën kundër korrupsionit – shansi te VV-ja

TI: Kosova, përkeqësim në luftën kundër korrupsionit – shansi te VV-ja

Grenell, Thaçit: Progresi në dialogun me Serbinë përfshin heqjen e tarifave

Grenell, Thaçit: Progresi në dialogun me Serbinë përfshin heqjen e tarifave

Dua Lipën dhe Bebe Rexhën i bën bashkë në një skuadër “The Voice” në Amerikë

Dua Lipën dhe Bebe Rexhën i bën bashkë në një skuadër “The Voice” në Amerikë

Muhaxheri thotë se LDK nuk mori vota në emër të ndryshimit, por në emër të qëndrueshmërisë

Muhaxheri thotë se LDK nuk mori vota në emër të ndryshimit, por në emër të qëndrueshmërisë

Bahtiri lidhet live në emision, thotë se Thaçi do të japë dorëheqje për shkak të Speciales

Bahtiri lidhet live në emision, thotë se Thaçi do të japë dorëheqje për shkak të Speciales