Organizatat e shoqërisë civile në Kosovë thonë se izolimi i saj tashmë ka filluar të ndikojë negativisht në të gjitha lëvizjet në shoqëri, dhe të lërë gjurmë të pakthyeshme në proceset zhvillimore.
Ato i bëjnë thirrje Bashkimit Evropian të trajtojë Kosovën si vendet tjera në rajon ndërsa kanë organizuar nënshkrimin e një peticioni nëpërmjet të cilit po kërkohet përshpejtimi i procesit të liberalizimit të vizave.
Kosova është vendi i vetëm në Evropën Juglindore, qytetarët e së cilës nuk mund të udhëtojnë pa viza në vendet e Bashkimit Evropian.
