Partitë në pushtet mbeten pakicë në KQZ

28.03.2019 16:35
Rreshtat+- AShkronjat+- Printo
Partitë në pushtet mbeten pakicë në KQZ

Presidenti i Kosovës, Hashim Thaçi, ka emëruar tetë anëtarët e rinj të Komisionit Qendror të Zgjedhjeve.

Këto emërime kanë zhbllokuar punën e këtij organi, i cili për më gjatë se një vit ishte jofunksional, pikërisht për shkak të mungesës së anëtarëve.

Vendimi i presidentit Thaçi për këto emërime pasoi reagimin e Ambasadës së Shteteve të Bashkuara të Amerikës në Prishtinë, ku mes tjerash thuhej se “dështimi për t’i bërë emërimet, e ka lënë KQZ-në të paaftë për të kryer funksionet e saj themelore”.

Nga tetë anëtarët e rinj, dy janë nga Lidhja Demokratike e Kosovës, dy nga Lëvizja Vetëvendosje dhe katër nga komunitetet jo shumicë. Ndërkaq, aty mungojnë edhe përfaqësuesit e partive politike në pushtet.

Këto të fundit, kërkojnë nga presidenti që në KQZ, të përfaqësohen si parti politike dhe jo si koalicion, ngase përfaqësimi si koalicion, i privon disa prej tyre që të sigurojnë ulëse në këtë organ.

Në kuadër të koalicionit në pushtet, janë tri parti politike më të mëdha, që pretendojnë se kanë vende në KQZ. Ato janë: Partia Demokratike e Kosovës, Aleanca për Ardhmërinë e Kosovës dhe Nisma Socialdemokrate. Por, atyre u kanë mbetur edhe dy vende në KQZ. Në zgjedhjet parlamentare, këto parti politike kanë garuar si koalicioni PAN, andaj edhe presidenti është nisur nga ky parim, duke u ndarë atyre së bashku dy vende në KQZ.

Kryetari i Partisë Demokratike të Kosovës, Kadri Veseli, nuk i ka treguar arsyet pse partitë e koalicionit nuk i kanë dërguar emrat e tyre për dy vendet e mbetura bosh, por ka thënë se nuk sheh lëkundje të koalicionit për shkak të garës rreth përfaqësimit në KQZ.

“Koalicioni qeverisës gjithmonë lëkundet prej vetvetes…, kur i vjen koha edhe lëkundet. Por, besoj se ende është duke qëndruar”, ka thënë Veseli.

Në anën tjetër, nënkryetari i Aleancës për Ardhmërinë e Kosovës, Ahmet Isufi, ka paralajmëruar se nëse kjo parti politike nuk siguron përfaqësim në KQZ, atëherë do t’i drejtohet Gjykatës Kushtetuese.

“Nëse presidenti nuk iu dërgon gjashtë grupeve parlamentare emrat, ashtu siç i ka kërkuar emrat e tyre dhe ashtu siç e parasheh Ligji për zgjedhjet, atëherë normalisht që do t’i drejtohemi Gjykatës Kushtetuese”, ka deklaruar Isufi.

Edhe shefi i Grupit Parlamentar të Nismës Socialdemokrate, Bilall Sherifi, ka deklaruar se mbetja jashtë KQZ-së e disa partive në pushtet, do të nënkuptonte nevojën për ri-emërime në këtë organ.

“Nëse kjo çështje vendoset në mënyrë arbitrare dhe pa një vendim të Gjykatës Kushtetuese, atëherë kjo përbërje e KQZ-së do të jetë përbërja më jetëshkurtër e KQZ-ve të Kosovës deri më tash”, ka theksuar Sherifi.

Përveç partive të koalicionit qeverisës, vendin e vet në KQZ e kërkon edhe subjekti tjetër opozitar, Partia Socialdemokratike, e cila po ashtu nuk ka përfaqësim aty.

Ndërkohë, kryetarja e Komisionit Qendror të Zgjedhjeve, Valdete Daka, tha se me emërimet e sotme, Komisioni Qendror i Zgjedhjeve është bërë funksional.

“Me këto emërime, KQZ-ja do të funksionalizohet dhe gjatë ditës së sotme dhe ditëve në vijim, do t’i përfundojmë të gjitha çështjet që kanë mbetur pa u përfunduar”, ka theksuar Daka, raporton rel.

Komisioni Qendror i Zgjedhjeve, menjëherë pas dekretimit të anëtarëve të rinj, ka mbajtur mbledhjen e parë me përbërjen e re, ku është marrë vendim për zëvendësimin e këshilltarëve nëpër kuvende komunale.

KQZ-ja ka miratuar fondin prej 4 milionë e 200 mijë eurosh, që i takon subjekteve parlamentare për vitin 2019.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


‘Kali i Trojës’ brenda Bashkimit Evropian!

‘Kali i Trojës’ brenda Bashkimit Evropian!

Serbia i liroi para kohe të dënuarit që ekzekutuan familjën Bogujevci!

Serbia i liroi para kohe të dënuarit që ekzekutuan familjën Bogujevci!

Zyba ka kërkuar shkarkimin e kryeshefes ekzekutive të Inspektoratit të Policisë së Kosovës

Zyba ka kërkuar shkarkimin e kryeshefes ekzekutive të Inspektoratit të Policisë së Kosovës

Albena Reshitaj, kërcënon me protesta

Albena Reshitaj, kërcënon me protesta

Qytetarët ankohen: Kryeministër, shih skelat pa mbrojtëse, të çarat i mbushin me shkumë e ikin

Qytetarët ankohen: Kryeministër, shih skelat pa mbrojtëse, të çarat i mbushin me shkumë e ikin

Ymeri: Albin, e ke gabim që ke ndryshuar veç pse jeni kryeministër

Ymeri: Albin, e ke gabim që ke ndryshuar veç pse jeni kryeministër

Ali Berisha: Do ta mbrojmë me të gjitha format demokratike taksën 100 për qind

Ali Berisha: Do ta mbrojmë me të gjitha format demokratike taksën 100 për qind

Trump: Kjo është lista e kandidatëve për Drejtor të Inteligjencës

Trump: Kjo është lista e kandidatëve për Drejtor të Inteligjencës

Mallkimi im për Serbinë: i paç në krye politikanët që i patëm ne për 20 vjet!

Mallkimi im për Serbinë: i paç në krye politikanët që i patëm ne për 20 vjet!

Babai i futbollistit serb thotë se i biri do të luajë për Kosovën, për përjashtimin nga puna nuk flet

Babai i futbollistit serb thotë se i biri do të luajë për Kosovën, për përjashtimin nga puna nuk flet

Mjeku ‘popullor’ shqiptar që shëron me të prekur, 5 mijë € për të ngelur me shtatzanë

Mjeku ‘popullor’ shqiptar që shëron me të prekur, 5 mijë € për të ngelur me shtatzanë

Historiani: Krimet u harruan në emër të vllaznim-bashkimit në Jugosllavinë komuniste, por po na përsëritën tash

Historiani: Krimet u harruan në emër të vllaznim-bashkimit në Jugosllavinë komuniste, por po na përsëritën tash

MKRS-së: Reagimi ka me qenë i ashpër për rastin e futbollistit Ilija Ivic

MKRS-së: Reagimi ka me qenë i ashpër për rastin e futbollistit Ilija Ivic

Skandali diplomatik: Presidenti e dha lajmin e rrejshëm për njohjen nga Xhamajka

Skandali diplomatik: Presidenti e dha lajmin e rrejshëm për njohjen nga Xhamajka

Reagon “Petrol Company”

Reagon “Petrol Company”

Isa Mustafa kërkon që masa e reciprocitetit te koordinohet me SHBA’në

Isa Mustafa kërkon që masa e reciprocitetit te koordinohet me SHBA’në