Parlamenti i Shqipërisë kalon Vettingun me shumicë votash

E publikuar: 22/05/2017 23:10
Rreshtat+- AShkronjat+- Printo

Kuvendi i Shqipërisë miratoi me 123 vota pro ligjin e Vettingut që i hap udhë ngritjes së komisioneve ad-hoc në kuadër të reformës në drejtësi.

“E kam pritur shumë këtë moment kur të dilja nga dera e Parlamentit dhe t’u thoja shqiptarëve që vettingut do të fillojë dhe që tanimë reforma në drejtësi nuk ndalet. Është një moment shumë emocionues sepse është një moment që të bën të thuash me plot gojë që politika është një forcë për mirë kur përdoret për qëllime të mira”, tha Kryeministri shqiptar, Edi Rama në fund të seancës së jashtëzakonshme të Kuvendit.

Votimit i vettingut i paraprinë ndryshimet në Kodin Penal, sipas marrëveshjes së arritur mes mazhorancës dhe opozitës për kriminalizimin e shit-blerjes së votës si dhe disa ndryshime në ligjin për financimin e partive politike dhe për mediat audiovizive.

U votuan gjithashtu edhe Klement Zguri në krye të Komisionit Qendror të Zgjedhjeve dhe Denar Biba, që kalon anëtar i Komisionit.