Pakistani proteston ndaj komenteve të Presidentit Trump në Twitter

02.01.2018 17:33
Rreshtat+- AShkronjat+- Printo
Pakistani proteston ndaj komenteve të Presidentit Trump në Twitter

Pakistani thirri ambasadorin e Shteteve të Bashkuara në Islamabad për të protestuar ndaj komenteve të Presidentit Donald Trump në Twitter, në të cilat ai akuzon Pakistanin për strehimin e terroristëve që luftojnë kundër forcave amerikane në Afganistanin fqinj.

Një zëdhënës i ambasadës amerikane në Islamabad tha se ambasadori David Hale u thirr në ministrinë e jashtme të hënën mbrëma për të diskutuar komentet në Twitter të Presidentit Trump me rastin e Vitit të Ri.

Në postimet e tij të para të vitit 2018, Presidenti shprehej me zemërim se Shtetet e Bashkuara i kanë dhënë “marrëzisht” Pakistanit mbi 33 miliardë dollarë ndihmë gjatë 15 viteve të fundit dhe si shkëmbim nuk kanë marrë “asgjë, përveç gënjeshtrave dhe mashtrimit, duke i konsideruar udhëheqësit e vendit tonë si budallenj”.

“Ata u japin strehë terroristëve të cilët ne i kemi luftuar në Afganistan, me shumë pak ndihmë nga të tjerët. Mjaft më!” e përfundonte Presidenti Trump komentin e tij në Twitter.

Uashingtoni ka akuzuar Pakistanin, veçanërisht institucionet e tij të sigurisë, për mos marrje të masave ose për ofrimin e ndihmës fshehurazi për talebanët afganë dhe rrjetin terrorist Hakani për të kryer sulme në rajonin kufitar kundër forcave afgane dhe forcave të udhëhequra nga Shtetet e Bashkuara.

Islamabadi i mohon akuzat për strehim të kryengritësve afganë, duke u ankuar nga ana tjetër se militantët po e përdorin vendin fqinj për të planifikuar sulme terroriste kundër Pakistanit.

Duke iu përgjigjur Presidentit Trump përmes një postimi në Twitter, ministri i jashtëm pakistanez Khawaja Asif tha të hënën se vendi i tij “do t’i tregojë botës të vërtetën … dallimin mes fakteve dhe trillimeve”.

Rafiq Dossani, analist i Korporatës Rand, i tha Zërit të Amerikës se ministri i jashtëm Asif dëshiron që bota ta dijë se Pakistani “është në vijën e parë të betejës kundër terrorizmit dhe ka paguar një çmim të lartë për problemet që janë krijuar shumë kohë më parë pa dëshirën e tij”, duke iu referuar pushtimit të Afganistanit në vitin 1979 nga ish-Bashkimi Sovjetik.

Zoti Dossani tha se pakistanezët “ndjehen të pakënaqur” se ajo që kanë humbur “është shumë më tepër se çdo vend tjetër”, ndërsa dështimet përmenden më shumë sesa sakrificat e tyre.

Komiteti i Sigurisë Kombëtare të Pakistanit, i përbërë nga udhëheqja e lartë civile dhe ushtarake e vendit, do të mbajë një takim urgjent për të diskutuar situatën pas komenteve të Presidentit Trump.

Presidenti Trump e shpalli politikën e tij të re ndaj Azisë Jugore në gusht të vitit të kaluar, duke fajësuar Pakistanin se u ofron “strehë të sigurta” për terroristët.

Administrata e Presidentit Trump njoftoi gjithashtu në atë kohë se po pezullonte 255 milionë dollarë ndihmë ushtarake deri sa Pakistani të ndërmerrte veprime kundër ekstremistëve.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Oluja kroate ia tregon vendin Rusisë (Video)

Oluja kroate ia tregon vendin Rusisë (Video)

Japoni, 49 të vdekur nga rrëshqitjet e dheut

Japoni, 49 të vdekur nga rrëshqitjet e dheut

Ramush Haradinaj i shkon në shtëpi Isa Mustafës

Ramush Haradinaj i shkon në shtëpi Isa Mustafës

Afganistan: vritet një ushtar amerikan i NATO-s

Afganistan: vritet një ushtar amerikan i NATO-s

Serbia vazhdon përpjekjet kundër Ushtrisë së Kosovës

Serbia vazhdon përpjekjet kundër Ushtrisë së Kosovës

Mbyllen hetimet për Shpend Ahmetin

Mbyllen hetimet për Shpend Ahmetin

Reagojnë gardianët: Edhe ne duam rritje të pagave

Reagojnë gardianët: Edhe ne duam rritje të pagave

Kuvendi përgatitet për pushime, ligjet barten për miratim në vjeshtë

Kuvendi përgatitet për pushime, ligjet barten për miratim në vjeshtë

Pse është e ndaluar të festohet me simbolin e shqiponjës?

Pse është e ndaluar të festohet me simbolin e shqiponjës?

Serbia nuk pret që Kosova të paraqesë statutin e Asociacionit brenda afatit

Serbia nuk pret që Kosova të paraqesë statutin e Asociacionit brenda afatit

Bytyqi panelist në punëtorinë “Mbulimi mediatik i Arsimit të Lartë në Kosovë: Sfidat dhe mësimet”

Bytyqi panelist në punëtorinë “Mbulimi mediatik i Arsimit të Lartë në Kosovë: Sfidat dhe mësimet”

Djali i Ramiz Lladrovcit për kryetar të Rinisë Demokratike

Djali i Ramiz Lladrovcit për kryetar të Rinisë Demokratike

A ka një vend tjetër afër Italisë, ku fjala Paqe mund të tingëllojë më fort se Kosova?

A ka një vend tjetër afër Italisë, ku fjala Paqe mund të tingëllojë më fort se Kosova?

Sekretari Pompeo i jep fund vizitës dy-ditore në Korenë e Veriut

Sekretari Pompeo i jep fund vizitës dy-ditore në Korenë e Veriut

Ministri malazez i Mbrojtjes i përgjigjet Vulinit: Kosova është shtet i pavarur

Ministri malazez i Mbrojtjes i përgjigjet Vulinit: Kosova është shtet i pavarur

Vetëvendosje ironizon keq me mirënjohjen e Lutfi Hazirit, ia jep një nga NASA

Vetëvendosje ironizon keq me mirënjohjen e Lutfi Hazirit, ia jep një nga NASA