Pakënaqësi me masat ekonomike për përballjen me koronavirusin

01.04.2020 15:43
Rreshtat+- AShkronjat+- Printo
Pakënaqësi me masat ekonomike për përballjen me koronavirusin

Masat ekonomike që janë miratuar nga qeveria për disa nga odat ekomomike dhe një pjesë të ekspertëve nuk janë të mjaftueshme në përballje me krizën ekonomike, pas përhapjes së koronavirusit edhe në Maqedoninë e Veriut.

Qeveria, të martën miratoi 17 masa të ndryshme në vlerë prej 200 milionë eurosh për të ndihmuar ekonominë dhe bizneset, ndërsa ka vendosur edhe uljen e pagave në nivelin e pagës minimale për të gjithë zyrtarët e emëruar në të gjitha nivelet e pushtetit qendror dhe lokal, kredi për ndërmarrjet e vogla dhe të mesme, ndihmë për punonjësit e kulturës, sportit dhe mediave në nivelin e pagës minimale, e masa tjera.

Nga Lidhja e Odave Ekonomike thonë se masat nuk janë edhe aq të favorshme, pasi nuk ofrohet një stabilitet apo siguri për ndërmarrjet e vogla dhe të mesme, të cilat janë edhe më të goditura nga kriza. Kryetarja e kësaj shoqate, Daniella Arsovska tha se këta sektorë duhet të ndihmohen me kredi më të larta, se ato të miratuara e që sillen prej tre mijë deri më 30 mijë euro.

“Konsideroj se gjendja te ne është kritike, e cila do mund të ndërlikohet edhe më shumë në kuptimin se mosreagimi i duhur mund të nxisë probleme në zbatimin edhe të këtyre masave. Duhet ta kemi të qartë se nëse kompanitë nuk ndihmohen urgjentisht, nuk do të ketë as edhe një kompani që do të gjenerojë fonde në buxhet dhe nuk do të ketë njeri që do të mund t’i shlyejë detyrimet. Ne besojmë se kompanitë e mëdha do ta gjejnë mënyra për të kapërcyer gjendjen, por ndërmarrjet e vogla, të mesme, sipërmarrësit dhe vetpunësuarit, do të thotë të gjithë ata që kanë pasur probleme deri më tani, tani janë në gjendje shumë të rëndë. Bëhet fjalë për ndërmarrja me shumë të punësuar”, thotë Arsovska.

Nga vendimi për uljen e pagave të zyrtarëve, qeveria synon të kursejë katër milionë euro që do të destinohen për sektorë të tjerë, por pa dhënë ndonjë shifër se sa shtetit do t’i kushtojnë të ardhurat e punonjësve të administratës, të cilët nuk janë përfshirë në masën e shkurtimit të rrogave. Bëhet fjalë për rreth 140 mijë të punësuar në administratë.

Një nga masat e qeverisë që është pranuar nga bankat ka të bëjë me shtyrjen e kësteve të kredive prej tre deri në gjashtë muaj. Por, gjatë kësaj periudhë klientëve do të obligohen të paguajnë normën e interesit dhe e cila do të shpërndahet në këstet mujore pas normalizimit të gjendjes. Kjo ka nxitur reagime nga klientët dhe njohësit e çështjeve ekonomike.

“Nëse shihen masat që janë propozuar e që janë miratuar, mendoj se në pjesën e bankave nuk kemi një zgjidhje të mirë sepse do t’i rëndojë qytetarët me kamata. Do të ishte më mirë të mos llogaritet norma e interesit, do të thotë zgjidhja duhet të jetë pezullimi i plotë i kredisë për një periudhë të caktuar kohore, pra qytetarët gjatë kësaj periudhe të mos paguajnë kredinë, por edhe kamatën, pasi nuk do kishte kuptim një zgjidhje e tillë”, thotë analisti ekonomik Branimir Jovanoviq.

Por, kryeministri i Qeverisë teknike të Maqedonisë së Veriut, Oliver Spasovski thotë se masat janë më të mirat e mundshme për momentin dhe kanë të bëjnë me periudhën prej dy muajsh.

“Jam i bindur se do të kapërcejmë këtë situatë. Kjo është një sfidë nga e cila nuk mund të ikim. Besoj se të gjithë së bashku të arrijmë që së pari të ruajmë shëndetin e qytetarëve tanë, por edhe të mbajnë gjallë ekonominë”, ka deklaruar kryeministri Oliver Spasovski.

Opozita ka akuzuar se qeveria nuk ka ndërmarrë masa me kohë dhe se tërë kapacitetet i kishte përqendruar në fushatën elektorale për zgjedhjet, që tashmë janë anuluar.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


BE-ja pret zgjedhjet në Serbi për të rinisur dialogu, për skenën e përçarë politike në Kosovë nuk flet

BE-ja pret zgjedhjet në Serbi për të rinisur dialogu, për skenën e përçarë politike në Kosovë nuk flet

Në Infektivë janë 15 persona me koronavirus, 2 në gjendje të rëndë

Në Infektivë janë 15 persona me koronavirus, 2 në gjendje të rëndë

Von Cramon pas deklaratës së Borrellit: Shkëmbimet territoriale në Evropë janë të rrezikshme

Von Cramon pas deklaratës së Borrellit: Shkëmbimet territoriale në Evropë janë të rrezikshme

Sot 87 persona të shëruar dhe vetëm një i infektuar me koronavirus

Sot 87 persona të shëruar dhe vetëm një i infektuar me koronavirus

Vjosa Osmani: Për ndryshim të kufijve! Kosova është projekt i paprekshëm

Vjosa Osmani: Për ndryshim të kufijve! Kosova është projekt i paprekshëm

Ish/këshilltari thotë se u sakrifikua nga Kurti

Ish/këshilltari thotë se u sakrifikua nga Kurti

3.520 numri i vdekjeve nga COVID-19 në Turqi

3.520 numri i vdekjeve nga COVID-19 në Turqi

Pas 150 vjetëve shfaqet ariu në një park natyror në Spanjë

Pas 150 vjetëve shfaqet ariu në një park natyror në Spanjë

Reagon Thaçi : Komisioni i Venecias kundërshtoi kërkesën e Qeverisë për çështjen e mandatarit

Reagon Thaçi : Komisioni i Venecias kundërshtoi kërkesën e Qeverisë për çështjen e mandatarit

Bartja e maskave të reja

Bartja e maskave të reja

Çfarë po ndodh me vaksinën për COVID-19?

Çfarë po ndodh me vaksinën për COVID-19?

Regjistrohet numri më i ulët me koronavirus në dy muaj e fundit në Itali

Regjistrohet numri më i ulët me koronavirus në dy muaj e fundit në Itali

Midis 867 rasteve të reja të konfirmuara mw koronavirus, 73% (631) janë profesionistë të shëndetësisë në vend, Spanjë

Midis 867 rasteve të reja të konfirmuara mw koronavirus, 73% (631) janë profesionistë të shëndetësisë në vend, Spanjë

Sekretari i OECD, i thotë Kurtit se është i gatshëm t’i ndihmojë Kosovës pas pandemisë

Sekretari i OECD, i thotë Kurtit se është i gatshëm t’i ndihmojë Kosovës pas pandemisë

Në Gjevgjeli marrin nga 1.000 euro gjobë personat që luanin valle

Në Gjevgjeli marrin nga 1.000 euro gjobë personat që luanin valle

Deputeti i PDK’së: Ka manipuluar me shifrat e të infektuarve dhe të vdekurve me koronavirus, Arben Vitia

Deputeti i PDK’së: Ka manipuluar me shifrat e të infektuarve dhe të vdekurve me koronavirus, Arben Vitia