Ministri në detyrë i Punëve të Jashtme, Behgjet Pacolli, ka pritur në një takim kortezie ambasadorin e ri të Norvegjisë në Republikën e Kosovës, Jens Erik Grondahl, duke i shprehur mirëseardhje në Kosovë.
Në takim të dy bashkëbiseduesit shkëmbyen pikëpamjet mbi mbarëvajtjen e zhvillimeve politike në Kosovë, rajon dhe më gjerë.
Pacolli vuri në dukje marrëdhënien bilaterale dhe partneritetin strategjik në mes dy vendeve dhe dy popujve. Gjatë takimit, ministri Pacolli, i ka konfirmuar vullnetin e Kosovës, për thellimin e mëtejmë të raporteve miqësore ndërmjet dy vendeve.