Ministri i Punëve të Jashtme të Kosovës Behgjet Pacolli është i bindur se në koalicionin qeverisës nuk ka mosmarrëveshje.
Kryetari i AKR’së që në qeverinë e udhëhequr nga Ramush Haradinaj mban edhe pozitën e zëvendëskryeministrit thotë se për shkak të taksës, nuk ka pasur asnjë plasaritje brenda koalicionit.
“Nuk kam vërejt asnjëherë ndonjë plasaritje. Ju garantoj se sa i përket taksës nuk ka pasur asnjë plasaritje në Qeverinë e Kosovës në koalicionin ekzistues”, tha Pacolli për televizionin publik të Kosovës.
Pacolli është i bindur se kjo qeveri do të përfundojë mandatin kushtetues.
“E kam një përshtypje që ky do të jetë një prej koalicioneve të vetme ndoshta që do ta çon mandatin e vetë deri në fund”, shtoi ai.