Pacientja që përjetoi tmerrin në Spitalin Amerikan në Prishtinë

24.06.2016 13:05
Rreshtat+- AShkronjat+- Printo
Pacientja që përjetoi tmerrin në Spitalin Amerikan në Prishtinë

Një vajzë rreth moshës 30 vjeçare nga Prishtina, e cila nuk dëshiron t’i behët publik emri, ka rrëfyer tmerrin qe ka përjetuar para pak ditësh në Spitalin Amerikan në Kosovë. Pacientja vuante nga gurët në veshkë. Thotë se e ka zgjedhur këtë spital duke besuar në namin që e ka por nuk ka besuar se do t’i ndodh e kundërta, shkruan Infokusi.com

“Nuk më ka shkuar mendja që do të dal jo vetëm pa u shëruar por edhe e ofenduar, sharë dhe traumatizuar nga sjelljet dhe fyerjet që m’i kanë bërë stafi mjekësor”, kështu nisi rrëfimin N.N nga Prishtina.

Ajo thotë se duke e parë kaosin në klinikat e shtetit dhe për të iu shmangur kirurgjisë së hapur për shkak të mungesës së aparaturës ka zgjedhur Spitalin Amerikan edhe pse me kosto të lartë. Ajo posedonte sigurim shëndetësor në njërën nga kompanitë kosovare dhe siç thotë ajo se deri në momentin kur kanë marrë përgjigje pozitive nga sigurimi sjelljet e stafit menaxhes kanë qenë mjaft civilizuese. Çmimi që ka paguar sigurimi për intervenim “nefrolitotemia percutanae” ishte mbi 4000 euro. Pasi paguante për çdo muaj sigurimin shëndetësor dhe për të pasur një tretman më të mirë me aparaturën teknologjike të fundit, ajo ia kishte besuar intervenimin stafit përgjegjës mjekësor të kësaj klinike.

“Më kishin vendosur kapelën e gjelbër në kokë dhe kur hyra në sallën e operacionit dëgjova fyerjet nga mjeku anestezist duke i thënë stafit, ‘kapjani këto q.. nane flokë’. U mundova të reagoj me duar por anestezioni kishte filluar efektin dhe nuk kisha forcë të kthehem prapa”, ka treguar ajo.

Intervenimi kishte zgjatur pothuajse 3 orë dhe menjëherë pas intervenimit mjeku përgjegjës i kishte informuar familjarët e pacientes që operacioni është kryer me sukses. Pacientja thotë se qëndroi në spital për 3 ditë dhe kujdesi i motrave medicionale ka qenë shumë i mirë. Por në ditën e fundit nga mjeku specialist është urdhëruar që t’i bëhet rëntgeni i abdomenit.

Pacientja tregon se edhe përkundër insistimit të saj që ta shoh raportin nga radiologu një gjë e tillë i është mohuar. Ajo është lëshuar në shtëpi me fletë lëshim për suksesin e intervenimit, por pa përshkrim të raportit të radiologut. Kontrolli i është thënë të bëhet pas 7 ditëve. Në shtëpi, siç tregon pacientja edhe pse iu është përshkruar antibiotikë ajo për 3 ditë rresht ka pasur temperaturë dhe ka filluar të vërej që diçka nuk po shkon mirë me shëndetin e saj. Menjëherë thotë se i është drejtuar spitalit amerikan dhe nga mjeku specialist mori informatën që ende ka gurë në veshka dhe tani duhet të vazhdohet me metodën ESËL.

“U trondita dhe u zhgënjeva shumë dhe mjekut me tha që as ai nuk është i kënaqur me punën që ka bërë. Nëse nuk je e kënaqur, merri dokumentet dhe shko te një mjek më i besueshëm, me tha mjeku. Ne kaq kemi mundur të bëjmë- tha mjeku i cili e kreu intervenimin”, tregon pacientja N.N.

Pas 10 ditëve gjendja shëndetësore u përkeqësua dhe përsëri ishte e detyruar të shkoj në urgjencën e Spitalit Amerikan si pasojë e dhimbjeve dhe gjendjen e mbante stabile vetëm me ndihmën e analgjetikëve të fortë. Duke u gjendur në udhëkryq dhe nuk dinte se ku të vazhdonte tutje ajo vendos ta ndërronte urologun dhe sipas rekomandimit të tij ishte shtrirë për hospitalizim në një klinikë tjetër private. Atje është vazhduar me intervenimin utoroskopik dhe ESËL dhe për këtë ka paguar plus edhe 1170 euro tjera.

“Mos u bofshi për mjek dhe dashtë Zoti që kurrë të mos bini viktimë e mjekëve në Kosovë”, thotë në fund të rrëfimit të saj pacientja e cila për një muaj të tërë kishte përjetuar dhimbje shpirtërore dhe emocionale. Tani ajo është duke u konsultuar me një avokat për të shqyrtuar mundësinë për ngritur padi ndaj Spitalit Amerikan në Kosovë. /INFOKUSI.com/.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Jankoviq: Serbia e ka humbur Kosovën në të ’90-tat

Jankoviq: Serbia e ka humbur Kosovën në të ’90-tat

Votat me kusht ia sjellin fitoren AAK’së edhe në Istog

Votat me kusht ia sjellin fitoren AAK’së edhe në Istog

Dënohen me burg dhe me gjobë të akuzuarit për fajde dhe keqpërdorim detyre

Dënohen me burg dhe me gjobë të akuzuarit për fajde dhe keqpërdorim detyre

AGK lansoi raportin e dytë për lirinë e mediave dhe sigurisë së gazetarëve

AGK lansoi raportin e dytë për lirinë e mediave dhe sigurisë së gazetarëve

31 shtete pjesëmarrëse në konkursin e fotografisë në Preshevë

31 shtete pjesëmarrëse në konkursin e fotografisë në Preshevë

Pas më shumë se dy javësh, të enjten Kuvendi mban seancën e radhës

Pas më shumë se dy javësh, të enjten Kuvendi mban seancën e radhës

KEDS investoi 320 mijë euro tek Çarshia e Gjakovës

KEDS investoi 320 mijë euro tek Çarshia e Gjakovës

Presidenti Thaçi: Kosova dëshmoi edhe një herë zgjedhje të nivelit më të lartë profesional

Presidenti Thaçi: Kosova dëshmoi edhe një herë zgjedhje të nivelit më të lartë profesional

Kurteshi: Vetëvendosja nuk u rrit mjaftueshëm për të fituar në Gjilan

Kurteshi: Vetëvendosja nuk u rrit mjaftueshëm për të fituar në Gjilan

Zyrtari Kryesor Operues i MCC-së sot lanson programin 49 milionë dollarësh për Kosovën e varfër

Zyrtari Kryesor Operues i MCC-së sot lanson programin 49 milionë dollarësh për Kosovën e varfër

Ish-kryetari i Gjilanit sulmon PDK-në, thotë se i ndihmoi tinëz Hazirit të bëhet kryetar

Ish-kryetari i Gjilanit sulmon PDK-në, thotë se i ndihmoi tinëz Hazirit të bëhet kryetar

Garë e ngushtë – në pritje të numërimit të votave me kusht

Garë e ngushtë – në pritje të numërimit të votave me kusht

HWPL: Sot mbahet Përhapja e Kulturës së Paqes

HWPL: Sot mbahet Përhapja e Kulturës së Paqes

Delawie: Zgjedhjet e sotme, dëshmi e zhvillimit demokratik të Kosovës

Delawie: Zgjedhjet e sotme, dëshmi e zhvillimit demokratik të Kosovës

Rikthimi i fuqishëm i AAK-së në skenën politike

Rikthimi i fuqishëm i AAK-së në skenën politike

EXIT POLL-i: Agim Aliu fiton në Ferizaj

EXIT POLL-i: Agim Aliu fiton në Ferizaj