Zv.kryeministri për Çështje Evropiane Bujar Osmani, në një intervistë për TV21 ka folur në lidhje me hapjen e kufijve dhe lehtësimin e masave për lëvizjen e qytetarëve.
Ai tha se ditëve në vijim do të vendoset për hapjen e kufijve, duke pasur parasysh parametrat epidemiologjik, përcjell Telegrafi Maqedoni.
“Edhe për kufijtë, presim ditëve në vijim të dalin me protokoll dhe do të diskutojmë. Në bazë të parametrave epidemiologjik, gjithmonë”, tha mes tjerash Osmani.
Ndryshe, kufijtë Maqedonia e Veriut i mbylli më 17 mars për parandalimin e përhapjes së coronavirusit. Në atë ditë u mbyllën edhe dy aeroportet, i Shkupit dhe ai i Ohrit.
