Opozita bllokada nuk do t’i shkaktojë dëme Kosovës më shumë se “Zajednica” [video]

E publikuar: 06/10/2015 19:23
Rreshtat+- AShkronjat+- Printo

Bllokada që opozita po ia bën Kuvendit mund ta rrezikojë Kosovën edhe në proceset integruese. Këtë frikë e ka shprehur ministri i Integrimeve, Bekim Çollaku.

Ai ka folur për mediat kosovare, duke kërkuar nga të gjithë akterët politikë të mos krijojnë pengesa në procesin integrues të vendit, sepse kjo do të pengonte procesin e integrimeve të Kosovës, raporton KTV.

Por, opozita thotë se më shumë Kosova do të dëmtohet nga marrëveshjet e Brukselit, prandaj nuk i shohin si penguese në procesin e integrimeve veprimet e tyre.

Dardan Molliqaj i Vetëvendosjes i ka quajtur të pavërteta shpjegimet se Kosova do të integrohet përmes dialogut të Brukselit. Ai thotë se Kosova pesë vjet bëri koncesione e Serbia e ka statusin e kandidatit dhe datën e negociatave me BE-në.

Edhe shefja e deputetëve të AAK-së, Donika Kadaj Bujupi, thotë se asgjë më shumë nuk do ta penalizojë Kosovën nëse këto marrëveshje do të implementohen, transmeton Koha.net.

Pavarësisht se çfarë thotë pushteti, opozita nuk e ka në plan të zmbrapset nga qëndrimet e saj dhe këtë bllokadë ka paralajmëruar se do ta bëjë edhe në seancën e 8 tetorit.