Operacioni kundër FETO-s në Kosovë

04.04.2018 22:06
Rreshtat+- AShkronjat+- Printo
Operacioni kundër FETO-s në Kosovë

Nga Ayhan Demir *

Operacioni ndaj elementëve të FETO-s në Kosovë është prej ditësh një nga temat më të përfolura. Mbështetësit e Perëndimit dhe ushqyesit (ndihmësit e FETO-s) thonë: “Një operacion i tillë është në kundërshtim me Kushtetutën e Kosovës dhe me të drejtat e njeriut. Nuk është problemi nëse janë pjesëtarë të FETO-s ose terroristë, por shkelja e kushtetutës.”

Por le të pyesim: A është e vërtetë kjo? Apo janë kthyer në roje të Amerikës dhe në ushtarë për mbrojtjen e FETO-s. Le të japim disa shembuj në formën e përgjigjes ndaj këtyre pyetjeve.

Në vitin 2012 imami Ekrem Avdiu nga Mitrovica u arrestua nga amerikanët pasi u takua me një arab i cili kishte kryer dënimin në burgun e famshëm Guantenamo. Pasi u mbajt disa ditë i arrestuar në bazën ushtarake amerikane Bondsteel në Kosovë, u la i lirë.

Në të njëjtin vit, pjesëtari i Ushtrisë Çlirimtare të Kosovës (UÇK), Almir Drlanjin u arrestua në Ferizaj dhe iu dorëzua autoriteteve të Maqedonisë. Ai u dënua nga Maqedonia me burgim të përjetshëm.

Normalisht që këtyre shembujve mund t’ju shtojmë edhe të tjerë.

Në vitin 2017 Departamenti Amerikan i Luftës Kundër Drogës (DEA), zhvilloi një operacion në Kosovë ku arrestoi 4 persona.

Në vitin 2015 Agjencia Turke e Inteligjencës (MIT), arriti të shpëtojë një fëmijë kosovar në Siri me emrin Erion Ladrovçi dhe ia dorëzoi atë SHIK-ut.

Le të vazhdojmë përsëri të rifreskojmë kujtesën tonë…

SHIK-un e trajnoi MIT-i. Ndërsa Ushtrinë e Kosovës e trajnoi Ushtria Turke (TSK) dhe MIT-i, si dhe ende vazhdon trajnimi.

Tani le të pyesim: Kur të gjitha këto ndodhën, çfarë bënin ata që sot kritikojnë operacionin e përbashkët të SHIK dhe MIT? Nëse deri më sot nuk ju dilte zëri, përse sot bërtasin sikur t’i ketë shkelur dikush kallon.

Në fakt përgjigja është shumë e thjeshtë: Djali i Kryeministrit të Kosovës, Ramush Haradinaj, Gjin Haradinaj, shkollohet në shkollat e FETO-s, ashtu sikurse fëmijët e Hashim Thaçit, ministrit Besim Beqaj, Kryetarit të Parlamentit, Kadri Veseli, etj.

Por unë dua të flas më në detaje për Haradinajn pasi zëri i tij doli më i lartë se i të tjerëve.

Haradinaj i cili ka mbaruar vetëm shkollën fillore, para luftës së Kosovës nuk ishte gjë tjetër vetëm se një truprojë në diskot e Evropës. Pas nisjes së luftës ai u bë një nga komandantët më të njohur. Ai është ulur disa herë në bandën e të akuzuarve në Lahej, nga të cilat ka dalë i pa fajshëm.

Haradinaj i cili pas luftës themeloi një parti politike, nuk arriti kurrë të merrte më shumë se 10 për qind të votave. Teksa arriti të bëhej Kryeministër në dhjetor të vitit 2004, Haradinaj nuk mundi të durojë në këtë post më shumë se katër muaj, ndërsa arriti të zgjidhet si Kryeministër i qeverisë së pakicës në shtator të vitit 2017, por mesa duket edhe këtë herë do t’i mbetet dëshira në fyt.

Ai cilësohet nga populli i Kosovës si pijanec pasi nuk ka nguruar të konsumojë pije alkoolike edhe në parlament.

Por nuk mbaron me kaq, pasi Haradinaj cilësohet gjithashtu, si një “Kryeministër i skandaleve” pasi e kaluara e tij e provon një gjë të tillë.

Kur e pyesin se nga ka ardhur shtëpia e tij luksoze, ai thotë se atë ia kanë ndërtuar shokët e tij të luftës, për shembull… Ai posedon edhe një tjetër shtëpi të cilën e ka lëshuar me qira kundrejt 6 mijë eurosh e marrë kjo nga një poliklinikë private turke për sytë.

Ndërkohë që familjet kosovare mundohen në dyert e spitaleve shtetërore për të gjetur shërim, Haradinaj kurohet në spitale private.

Ndërkohë që populli i tij lufton me skamjen, Haradinaj harxhon 68 mijë euro për një pushim 7 ditor në Zvicër. Ndërsa ende është pa përgjigje se kush i ka shlyer këto shpenzime.

Republika e Kosovës e cila ka një buxhet të kufizuar sillet goxha bujare ndaj të krishterëve. Përmes një vendimi të Këshillit të Ministrave, Haradinaj, Kryeministri i një populli me 95 për qind muslimanë, i jep 250 mijë euro kishës katolike të Prizrenit, si dhe shkollës së rabinëve Loyola 750 mijë euro.

Përkundër kësaj, muslimanët e Prishtinës falin namazin e xhumasë jashtë në rrugë. Nëse ky veprim i Haradinajt ju ka befasuar sadopak mund t’ju çojmë në një reportazh të tij të dhënë para disa vitesh, ku thotë: “Unë kam lindur si musliman, por nuk e di që jam i tillë. Nuk kam shkuar kurrë në jetën time në një xhami”.

Haradinaj i cili nuk ka mundur të gjejë asnjëherë rrugën e xhamisë, si dhe ka harruar që është musliman, nuk ka se si të ketë dijeni për miqësinë turko-shqiptare dhe asaj vëllazërore Islame. Për këtë arsye kur Presidenti i Turqisë, Recep Tayyip Erdoğan tha “vëllezërit e mi shqiptarë” ai u përgjigj duke thënë se ai nuk është vëllai i tij.

Nuk mund të harrojmë edhe të tjerë të cilët zgjasin gjuhën ndaj Turqisë, si: Hashim Thaçi, Kadri Veseli dhe Enver Hoxhaj, prandaj më lejoni që të merrem në shkrimet e ardhshme me ta dhe për ta mbyllur:

Kushdo qoftë dhe çfarë do që të bëjë nuk mund të ndryshojë të vërtetën se populli i Kosovës e do Presidentin e Turqisë dhe popullin turk. Atdhedashësit e dy vendeve e dinë dhe e shprehin mirë fjalën, “Turqia është Kosovë dhe Kosova është Turqi”.

Në këtë situatë mund të themi…

Ato që duhet të kenë një përgjigje janë pyetjet, si: Ata të cilët mbajnë anën e FETO-s për një dorë para, si do të dalin përpara popullit të Kosovës? Ata të cilët frikësohen më shumë nga Amerika se sa nga Zoti i tyre, si do të kërkojnë votën popullit të Kosovës?

*Autori është analist i Ballkanit. Shkrimi u shkrua për të përditshmen “Yeni Akit” në Turqi.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Vuçiqi: Kush flet për Kosovën e Sanxhakun, flet kundër Serbisë

Vuçiqi: Kush flet për Kosovën e Sanxhakun, flet kundër Serbisë

Tomë Gashi: Blakajt mund t’i kenë sugjeruar shërbimet sekrete të besueshme të largohet nga Kosova (Video)

Tomë Gashi: Blakajt mund t’i kenë sugjeruar shërbimet sekrete të besueshme të largohet nga Kosova (Video)

Humb jetën tragjikisht 22 vjeçari nga Deçani

Humb jetën tragjikisht 22 vjeçari nga Deçani

Përfaqësuesi ligjor i Art Motion: Vendimi i KPM-së absolut nul – pa mbështetje në asnjë dispozitë ligjore (VIDEO)

Përfaqësuesi ligjor i Art Motion: Vendimi i KPM-së absolut nul – pa mbështetje në asnjë dispozitë ligjore (VIDEO)

Mustafa: Për LDK-në, e papranueshme të shtrohet çështja e kufijve

Mustafa: Për LDK-në, e papranueshme të shtrohet çështja e kufijve

Gent Begolli: E kam gjetur Telekomin me mbi 60 milionë euro borxhe, por ka shpresë

Gent Begolli: E kam gjetur Telekomin me mbi 60 milionë euro borxhe, por ka shpresë

Flet babai i Elez Blakajt: E kam idol Ramush Haradinaj, por të mos ma shajë djalin

Flet babai i Elez Blakajt: E kam idol Ramush Haradinaj, por të mos ma shajë djalin

“New York Times”: Ideja për ndarjen e Kosovës kthen fantazmat e vjetra në Ballkan

“New York Times”: Ideja për ndarjen e Kosovës kthen fantazmat e vjetra në Ballkan

Ramushi nuk zgjedh vend për gjumë: Fle si qengj në kraharorin e Hashim Thaçit (Foto)

Ramushi nuk zgjedh vend për gjumë: Fle si qengj në kraharorin e Hashim Thaçit (Foto)

Daçiq: FSK-ja nuk guxon të operojë në veri të Mitrovicës

Daçiq: FSK-ja nuk guxon të operojë në veri të Mitrovicës

Sherifi i Nismës i reagon Thaçit, “Propozimet për ndarje të Kosovës gjithmonë kanë ardhur nga Serbia”

Sherifi i Nismës i reagon Thaçit, “Propozimet për ndarje të Kosovës gjithmonë kanë ardhur nga Serbia”

Ambasadori i amerikan në Beograd tregon qëndrimin e SHBA-së për Thaçin dhe Vuçiqin

Ambasadori i amerikan në Beograd tregon qëndrimin e SHBA-së për Thaçin dhe Vuçiqin

Migrimi, një nga arsyet për rritje të papunësisë për tre përqind

Migrimi, një nga arsyet për rritje të papunësisë për tre përqind

Maqedonia me shkallën më të lartë të dhunës gjatë procesit të edukimit

Maqedonia me shkallën më të lartë të dhunës gjatë procesit të edukimit

Leonora Jakupi një ftesë për të gjithë në nder të babait

Leonora Jakupi një ftesë për të gjithë në nder të babait

Sami Lushtaku: Sylejman Selimi nuk është në burg, e kanë kidnapuar

Sami Lushtaku: Sylejman Selimi nuk është në burg, e kanë kidnapuar