Organizata Botërore e Shëndetësisë ka dhënë numrin e vdekjeve në bota nga ajri i ndotur. Sipas këtyre të dhënave, janë më shumë se 3 milionë njerëz që vdesin nga kjo dukuri.
Prej tyre 80 për qind vdesin nga sulmi në zemër dhe 20 për qind vdesin nga sëmundjet e organeve të frymëmarrjes.
Sipas OBSH-së niveli i cilësisë së ajrit duhet të jetë PM2.5, por nga 1 mijë e 600 qytete në botë vetëm 12 për qind kanë cilësinë e ajrit sipas OBSH-së.
Niveli mesatar i ndotjes nëpër vende të tjera është nga 4 deri 12 herë më shumë sesa niveli i cilësisë sipas OBSH-së.
Sipas matësve të Ambasadës së ShBA-së niveli i ndotjes në Prishtinë është nga niveli 150 deri 500. Cilësia e ajrit në Prishtinë sillet nga niveli (150) që referohet cilësisë së ajrit ‘të pashëndetshëm’ deri në nivelin (500)- ku cilësia e ajrit është ‘e rrezikshme’.
E para në botë sa i përket numrit të vdekjeve nga ndotja e ajrit është Kina, me 1 milion vdekje. India është e dyta me 600 mijë vdekje në vit. Kurse në ShBA më shumë se 38 mijë vdekje në vit shkaktohen nga ndotja e ajrit.
Transporti dhe energjia me burime të ripërtërishme do të ndikonin që të zvogëlohej niveli i ndotjes së ajrit./GazetaExpress/
