OAK: Lirimi i lëndës së parë nga TVSH të vazhdojë edhe pas shfuqizimit të Projektligjit për rimëkëmbje ekonomike

03.12.2020 15:58
Rreshtat+- AShkronjat+- Printo
OAK: Lirimi i lëndës së parë nga TVSH të vazhdojë edhe pas shfuqizimit të Projektligjit për rimëkëmbje ekonomike

Oda e Afarizmit të Kosovës e ka mirëpritur përfshirjen e amendamentit për lirimin e lëndës së parë nga TVSH-ja në blerjet vendore, por kërkoi që vlefshmëria e tij të jetë edhe pas shfuqizimit të Projektligjit për rimëkëmbje ekonomike.

Ndërkohë bizneset që furnizohen me lëndë të parë kërkuan që norma e TVSh-së të ulet në 10 për qind në shitjet vendore, pasi kjo do të rrisë prodhimtarinë me 50 për qind dhe do të dyfishojnë numrin e punëtorëve.

Zëdhënësja e OAK-ut, Fjolla Smaili në një konferencë për medie kërkoi përkrahjen e prodhimit vendor deri në 10 për qind dhe subvencionim të eksportit me 10 për qind.

Ajo tha se fondi për garanci kreditore duhet të rritet në 300 milionë euro dhe njëkohësisht të ulet norma e interesit nga BQK-ja në 1.7 për qind, në mënyrë që të ulet normat e interesit nga bankat komerciale

“Oda e Afarizmit të Kosovës përshëndet vendimin e Komisionit Parlamentar për Buxhet dhe Transfere për lirimin e lëndës së parë nga TVSH-ja, përkrahja e ndërmarrjeve private dhe ndarja e pagave të sektorit privat që janë larguar, apo pezulluar nga puna gjatë pandemisë. Në amendamentin e dytë, paragrafi 1.6 thuhet se lënda e cila prodhohet nga veprimtaritë bizneseve, pavarësisht a eksportohet jashtë vendit apo jo, të lirohet nga TVSH. OAK kërkon që ky amendament sa më parë të hyjë në fuqi me qëllim të lehtësimit të të bërit biznes në vend, veçanërisht kur po përballemi me një situatë të vështirë. Njëherazi kërkojmë që vlefshmëria e këtij amendamenti të jetë edhe pas shfuqizimit të Projektligjit për rimëkëmbje ekonomike, i cili do të bëhet në mënyrë automatike më 31 dhjetor 2021”, tha Smaili.

Përfaqësuesi i biznesit “Art Aluminium”, Avni Halimi derisa tregoi disa nga sfidat që kanë pasur deri tash në furnizimin me lëndë të parë, tha se nëse lirohet TVSH-së në 10 për qind, atëherë ata do të rritin kapacitetet e prodhimit deri në 50 për qind.

“Ne lëndën e parë e importojmë prej vendeve të jashtme. Si lëndë e parë është linguota, gazi dhe ngjyra. Të gjitha këto, me përjashtim të linguotës, ne mund t’i blejmë edhe në Kosovë sikur të ishim të liruar prej TVSH-së, por për shkak të ligjit në Kosovë, ne detyrohemi të importojmë prej shteteve jashtë vendit për t’u liruar nga taksa. Kërkojmë nga qeveria të ketë një përkrahje direkt për prodhuesit e Kosovës. Ne propozojmë që norma e TVSH-së të ulet 10 për qind në shitje vendore për të pasur hapësirë në treg dhe për të pasur një treg më të lirë. Nëse kjo ndërmerret nga ana e qeverisë, ne e rrisim kapacitetin e prodhimit edhe për 50 për qind dhe krahas kësaj edhe numrin e punëtorëve dhe kapacitetet prodhuese”, tha ai.

Ndërsa, Afërdita Gashi përfaqësuese e kompanisë “Mc Unit” kërkoi nga institucionet që produktet që prodhohet si lëndë e parë në Kosovë të lirohen nga çdo taksë.

“Ne apelojmë tek institucionet e Kosovës që prodhuesit vendorë të kenë përparësi sikur prodhuesit në vendet e tjera të botës. Institucionet tona nuk i përkrahin mjaftueshëm kultivuesit e frutave. Kjo e bën që të ketë mungesa në tregun tonë, andaj shumica jemi të detyruar të bëjmë zgjidhje jashtë Kosovës. Ne si prodhues të lëngjeve me lëndë të parë furnizohemi minimum nga 4 shtete të ndryshme, gjë e cila e ngadalëson procesin e prodhimit. Apelojmë që çdo produkt që prodhohet për prodhim si lëndë e parë në Kosovë të lirohet nga çdo taksë. Kjo u ndihmon prodhuesve dhe bizneseve vendore”, tha ajo.

Komisioni për Buxhet dhe Transfere dje miratoi në Projektligjin për Rimëkëmbje Ekonomike me përfshirjen e katër amendamenteve të PDK-së, përfshirë edhe lirimin e TVSH-së për lëndën e parë.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


OAK: Lirimi i lëndës së parë nga TVSH të vazhdojë edhe pas shfuqizimit të Projektligjit për rimëkëmbje ekonomike

OAK: Lirimi i lëndës së parë nga TVSH të vazhdojë edhe pas shfuqizimit të Projektligjit për rimëkëmbje ekonomike

Termokos fal borxhet për subjektet afariste që nuk u lejuan të punojnë gjatë pandemisë

Termokos fal borxhet për subjektet afariste që nuk u lejuan të punojnë gjatë pandemisë

22 të vdekur e 627 raste të reja me COVID-19

22 të vdekur e 627 raste të reja me COVID-19

Specialja në pushim dimëror nga 21 dhjetori

Specialja në pushim dimëror nga 21 dhjetori

​Lagjja “Sofalia” në Prishtinë të shtunën mbetet pa ujë të pijshëm

​Lagjja “Sofalia” në Prishtinë të shtunën mbetet pa ujë të pijshëm

Shteti furnizohet me material për letërnjoftim e pasaporta

Shteti furnizohet me material për letërnjoftim e pasaporta

​ASK: Rriten çmimet e produkteve të importuara

​ASK: Rriten çmimet e produkteve të importuara

​Punëtorët teknikë dhe sigurimi fizik i qendrave spitalore nga e hëna në protestë

​Punëtorët teknikë dhe sigurimi fizik i qendrave spitalore nga e hëna në protestë

Maliqi: Personat me aftësi të kufizuar vazhdojnë të jenë të diskriminuar

Maliqi: Personat me aftësi të kufizuar vazhdojnë të jenë të diskriminuar

Delegacioni i Kosovës nesër në Kizhevak, deklarohen para mediave me përfaqësuesin serb

Delegacioni i Kosovës nesër në Kizhevak, deklarohen para mediave me përfaqësuesin serb

Hoti paralajmëron tryezë të partive politike për presidentin

Hoti paralajmëron tryezë të partive politike për presidentin

​Zemaj: Planifikohet që pajisjet lëvizëse për personat me aftësi të kufizuar të mbulohen nga shteti

​Zemaj: Planifikohet që pajisjet lëvizëse për personat me aftësi të kufizuar të mbulohen nga shteti

​OHTK për projektligjin për rimëkëmbjen: Të premten, shansi i fundit që deputetët të kthjellen

​OHTK për projektligjin për rimëkëmbjen: Të premten, shansi i fundit që deputetët të kthjellen

Apeli deklarohet për dënimin e Tasiq: S’është i akuzuar për vrasje apo tortura

Apeli deklarohet për dënimin e Tasiq: S’është i akuzuar për vrasje apo tortura

Hoti premton mbështetje për personat me nevoja të veçanta

Hoti premton mbështetje për personat me nevoja të veçanta

Ligji për Rimëkëmbje kalon edhe në një komision

Ligji për Rimëkëmbje kalon edhe në një komision