Nuk i solli Kosovës investitorë strategjikë as Qeveria Kurti

30.05.2020 10:38
Rreshtat+- AShkronjat+- Printo
Nuk i solli Kosovës investitorë strategjikë as Qeveria Kurti

Ligji për Investime Strategjike, i aprovuar tri vjet më parë në Kuvendin e Kosovës, nuk i solli vendit ende asnjë investitor strategjik deri tash, edhe pse ka pasur disa aplikacione për këtë status nga disa kompani vendore e të huaja.

Ndërsa, as në 100 ditët e Qeverisë Kurti nuk është shqyrtuar asnjë aplikacion i kompanive për investitor strategjik.

Komuniteti i biznesit dhe kompanitë që synojnë të jenë investitorë strategjikë shprehen të shqetësuar me neglizhencën e institucioneve përkatëse dhe për keqtrajtim.

I habitur për mungesë të investimeve strategjike është shprehur edhe drejtori ekzekutiv i Odës Ekonomike Amerikane në Kosovë, Arian Zeka, i cili thotë se në vazhdimësi disa kompani kanë shprehur shqetësimin e tyre për sa i përket statusit të investitorit strategjik, të cilët nuk po arrijnë të marrin as përgjigje për aplikacionet e tyre nga ministria përkatëse.

Drejtori Zeka po ashtu thotë se në qeverinë e kaluar kishte ndodhur aplikacioni i parë për statusin e investitorit strategjik, por ajo kompani që e ka dorëzuar aplikacionin e parë, ende nuk ka marrë përgjigje.

“Ne tashmë kemi ligjin për investime strategjike që është në fuqi prej vitit 2017, në të njëjtën kohë me qeverinë e kaluar u patë dorëzuar aplikacioni i parë për statusin e investitorit strategjik. Si për ironi të fatit pikërisht ajo kompani që e ka dorëzuar aplikacionin e parë, ende nuk ka marrë përgjigje. Ne kemi marrë vazhdimisht shqetësime nga ana e kompanive për sa i përket statusit të investitorit strategjik, një përgjigje të cilën do ta merrnim prej ministrisë përkatëse, për çka këto përgjigje kanë munguar”, deklaron Zeka.

Ai më tej pohon se është i vetëdijshëm për situatën e fundit me pandeminë në vend, megjithatë sipas Zekës ministritë përkatëse do të kishin mundur ta vazhdonin punën e tyre qoftë edhe për rishikimin e aplikacioneve që janë dorëzuar për gjatë kësaj periudhe.

“Në bilancin 100 ditor të kësaj qeverie natyrisht njëra prej pyetjeve që ne dhe të tjerët që mund ta parashtronim është pse nuk janë trajtuar aplikacionet e investitorëve strategjik për gjatë kësaj periudhe. Pse është zhvendosur i tërë fokusi? Natyrisht ruajtja e shëndetit publik ka qenë primare, por megjithatë ne kemi dikastere të ndryshme qeveritare dhe besojmë si Odë Amerikane që ministritë e caktuara do të kishin mundur ta vazhdonin punën e tyre, edhe këtu po i referohem edhe rishikimit të aplikacioneve që janë dorëzuar për status të investitorit strategjik, e për gjatë kësaj periudhe të vitit 2020 realisht nuk kemi parë asnjë përgjigje të vetme”, deklaron ai.

Për më shumë se dy javë, KosovaPress ka kërkuar përgjigje nga Ministria e Ekonomisë, Punësimit, Tregtisë, Industrisë dhe Investimeve Strategjike(MEPTINIS), por nuk janë përgjigjur për çështjen e mungesës apo trajtimit të aplikacioneve për investitor strategjik.

Një ndër kompanitë në vend është edhe “Kosmonte Foods”, që ka aplikuar për investitor strategjik në shkurt të vitit 2019 dhe nuk ka marrë ende një përgjigje nga MEPTINIS-i lidhur më këtë aplikacion.

Edon Bibaj avokat i kompanisë “Kosmonte Foods”, thotë për KosovaPress se kanë plotësuar të gjitha dokumentet në bazë të asaj që ka qenë kërkesë specifike nga Agjencia KIESA për t’u shpallur si investitor strategjik në Republikën e Kosovës, por sipas tij, kanë hasur në vështirësi procedurale në vazhdimësi.

Avokati Bibaj pohon se me hyrjen në fuqi të ligjit për investime strategjike, kompania “Kosmonte Foods” e kishte mirëpritur këtë ligj dhe ka besuar fuqishëm se do të jetë plotësisht i implementueshëm, duke u bazuar në të mirat që mund t’i gëzojnë qytetarët e këtij vendi, për një zhvillim më të madh ekonomik dhe rritje të punësimit.

“Ka kaluar mbi 1 vit që kur ka aplikuar ‘Kosmonte Foods’ dhe ne ende nuk kemi marr përgjigje rreth kësaj çështjeje. Ndërsa interesi i kompanisë për t’u zhvilluar, për t’i kryer investimet kapitale të cilat i ka planifikuar në shtetin e Republikës së Kosovës dhe si pasojë e mos marrjes së përgjigjes përfundimtare për t’u shpallur apo mos t’u shpallur si investitor strategjik, nuk ka mundur t’i realizoj këto investime… Gjithashtu tash janë edhe disa investime të reja të planifikuara me investitorë të huaj, kryesisht slloven dhe gjerman”, thotë Bibaj.

Avokati i kësaj kompanie ka shtuar se me realizmin e këtyre investimeve ishte planifikuar rritja e numrit të punëtorëve 600 deri 700, derisa aktualisht janë 280 të punësuar në këtë ndërmarrje.

“Kosmonte fuuds”, Bibaj tha se është një ndër kompanitë më të mëdha në vend, njëherësh një ndër tatimpaguesit më të mëdhenj, e që bashkëpunon me 99 përqind të kompanive më të mëdha evropiane, e për synim ka që me disa prej këtyre kompanive të jetë bashkë investitor në Republikën e Kosovës.

Kujtojmë se vite më parë kishte interesim nga kompanitë e sektorit të energjisë për t’u shpallur investitor strategjik./kp

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Nuk i solli Kosovës investitorë strategjikë as Qeveria Kurti

Nuk i solli Kosovës investitorë strategjikë as Qeveria Kurti

E bën gruan për spital burri nga Fushë Kosovë

E bën gruan për spital burri nga Fushë Kosovë

Dy oficerë policie janë plagosur gjatë demonstratave,  raportoi nga vendngjarja gazetari i CNN

Dy oficerë policie janë plagosur gjatë demonstratave, raportoi nga vendngjarja gazetari i CNN

Policia: Janë arrestuar dy të dyshuarit sepse kanë shantazhuar një femër, duke i kërkuar 25 mijë euro

Policia: Janë arrestuar dy të dyshuarit sepse kanë shantazhuar një femër, duke i kërkuar 25 mijë euro

Vogel: SHBA-ja pret marrëveshje të shpejtë që ta shpallë Kosovën mision të përfunduar dhe të tërheqë trupat

Vogel: SHBA-ja pret marrëveshje të shpejtë që ta shpallë Kosovën mision të përfunduar dhe të tërheqë trupat

“Neue Zürcher Zeitung”: Në vendin mbase më të korruptuar të Europës, Kurti synoi t’i jap fund klientelizmit

“Neue Zürcher Zeitung”: Në vendin mbase më të korruptuar të Europës, Kurti synoi t’i jap fund klientelizmit

130 persona janë në izolim pasi që kanë kontaktuar të infektuarit në fabrikën e tekstilit

130 persona janë në izolim pasi që kanë kontaktuar të infektuarit në fabrikën e tekstilit

Trump, SHBA: E ndërprejmë përfundimisht marrëdhëniet me OBSH’në

Trump, SHBA: E ndërprejmë përfundimisht marrëdhëniet me OBSH’në

Një fjalë shmang Austrinë nga gabimi i madh në buxhetin e vendit

Një fjalë shmang Austrinë nga gabimi i madh në buxhetin e vendit

Fillojnë shkurtimin e stafit linjat ajrore  për shkak të Covid-19

Fillojnë shkurtimin e stafit linjat ajrore për shkak të Covid-19

Muja: Pritjet i kam pasur nga tre gjyqtarë të Kushtetueses

Muja: Pritjet i kam pasur nga tre gjyqtarë të Kushtetueses

Max paralajmëron projektin e ri me një fotografi provokuese

Max paralajmëron projektin e ri me një fotografi provokuese

Rihanna është shumë e lezetshme, por nuk di të këndojë!

Rihanna është shumë e lezetshme, por nuk di të këndojë!

12 klubet e Superligës rezultojnë negativ në koronavirus, gati për rikthimin e garës

12 klubet e Superligës rezultojnë negativ në koronavirus, gati për rikthimin e garës

Në SHBA, arrestohet polici që ia vuri gjurin në qafë zezakut

Në SHBA, arrestohet polici që ia vuri gjurin në qafë zezakut

Gashi, Kushtetuesja: Sqaroi se në Kosovë popullin e përfaqëson Kuvendi, e jo Qeveria e Presidenti

Gashi, Kushtetuesja: Sqaroi se në Kosovë popullin e përfaqëson Kuvendi, e jo Qeveria e Presidenti