Njerëzit e mençur janë më të prirë të vuajnë nga sëmundjet mendore

E publikuar: 15/08/2018 07:14
Rreshtat+- AShkronjat+- Printo

Hulumtuesit kanë anketuar 3715 anëtarë të ‘MENSA-së’, ku të pasurit një nivel të inteligjencës (IQ) mbi 130 është kriter për t’u bërë anëtar, transmeton Telegrafi.

Rezultatet e tyre kanë treguar se njerëzit inteligjentë kanë një tru ‘hipernervoz’.

Kjo do të thotë se truri i tyre është më i alarmuar se çfarë po ndodhë rreth tyre, e kjo ndikon që sistemi i tyre qendror nervor të jetë më reaktiv.

Reagimet mund të jenë si frikësimi nga një zhurmë, etj.

Shkencëtarët thonë se personat inteligjentë kanë dy deri në katër herë më shumë shanse të diagnostikohen me ndonjë sëmundje mendore – siç është ADHD, shqetësimi, depresioni, etj. – krahasuar me ata të cilët kanë inteligjencë më të vogël.

Vlen të ceket se rezultatet e këtij anketimi janë publikuar në ‘Science Direct’.