Një grua 43 vjeçe vritet në Pejë, policia nis hetimet

E publikuar: 24/08/2019 17:11
Rreshtat+- AShkronjat+- Printo

Një grua e moshës 43 vjeçe është vrarë sot në Pejë. Burime të Express kanë thënë se dyshimet e para janë se vrasësi është burri i gruas.

Policia e Kosovës ka konfirmuar për Express se një grua e moshës 43 vjeçare është gjetur e vdekur në Pejë.

“Sot më 24 8 rreth orës 12.50 një qytetar ka informaur policinë se në rrugën “Remzi Hasani” në Pejë një person i gjinisë femërore ka qenë e shtrieë në rrugë dhe është identifikuar. Sh.R e lindur më 1975 nga Gjakova”, thuhet në përgjigjen e Policisë së Kosovës për Gazetën Express.

Policia bashkë me autoambulancën e kanë dërguar viktimën në spital ku është konstatuar edhe vdekja e saj prej mjekëve.

“Njësitë relevante kanë dalë në vendin ne ngjajres. Është njoftuar prokurori i shtetit. Është shikuar vendi i ngjarjes”, thuhet më tej në përgjigje.

Ndërkohë, burime të Express brenda hetuesisë kanë thënë se gruaja dyshohet se është vrarë nga burri i saj.

E njëjta është e komnunitetit rom.

Të njëjtin rast e ka raportuar edhe gazetari nga Peja, Adnan Hysenaj.