Ngritet niveli i vaksinimit pas përhapjes së fruthit në Maqedoninë e Veriut

20.04.2019 15:14
Rreshtat+- AShkronjat+- Printo
Ngritet niveli i vaksinimit pas përhapjes së fruthit në Maqedoninë e Veriut

Vaksinim i detyrueshëm, kontrolle të vazhdueshme në teren, veçanërisht në shkollat fillore dhe kopshte për fëmijë, ndalim i të gjitha vizitave në kopshtet e fëmijëve si dhe spitale, si dhe krijimi i mundësisë për vaksinim edhe mbi moshën 14 vjeç në qendrat e shëndetit publik, janë një pjesë e masave që ka ndërmarrë Ministria e Shëndetësisë së Maqedonisë së Veriut, pasi Komisioni për Sëmundje Ngjitëse, të martën shpalli epidemi të fruthit në gjithë territorin e vendit për të parandaluar shtrirjen e kësaj sëmundjeje ngjitëse.

Nga fillimi i këtij viti, në Maqedoninë e Veriut janë regjistruar katër viktima nga fruthi, kurse mbi 1 mijë raste janë regjistruar të infeksionit nga fruthi, 60 për qind prej të cilëve janë jashtë Shkupit.

Sipas të dhënave zyrtare, fruthi si sëmundje ngjitëse më së shumti ka prekur fëmijët.

“Më duhet të theksoj se fruthi është sëmundje serioze që mund të lë pasoja afatgjate në shëndetin e njeriut, mbase edhe mund të ketë epilog fata. Këto masat e ndërmarra janë ndërmarrë që të parandalohet shtrirja e më tejshme e sëmundjes, andaj ftoj që të gjitha organet kompetente me përpikmëri t’i respektojnë”, thotë Vladimir Mikiq, mjek-epidemiolog.

Pas shfaqjes së fruthit në një numër të lartë në opinion është nxitur një debat i ashpër se pse një numër kaq i madh i fëmijëve në Maqedoninë e Veriut kanë mbetur të pavaksinuar.

Prindërit thonë se nuk janë kundër vaksinimit por duan të dinë saktë cilësinë e vaksinave duke larguar çdo dilemë të shfaqur rreth kualitetit të vaksinave.

Pas shfaqjes së aferës rreth kualitetit të vaksinave, një grup i prindërve ndërmorrën iniciativë për ndryshimin e ligjit që parasheh vaksinim të obligueshëm të të gjithë fëmijëve para se ata të përfshihen në sistemin arsimor.

“Nuk jemi kundër vaksinave, por dëshirojmë që prindërit të jenë të sigurtë rreth çdo dileme që është shfaqur me kualitetin e vaksinave dhe jo ata t’i vaksinojnë fëmijët nën presionin e ligjit”, kishte theksuar Elene Pavleska, pjesë e iniciativës së prindërve që propozuan ndryshimin e Ligjit që rregullon çështjen e vaksinimit të fëmijëve.

Ndërkaq, Ylber Besimi, nënkryetar i Odës së Mjekëve, sqaron për Radion Evropa e lirë se cilësia e vaksinave është në rregull dhe i gjithë problemi ka lindur si rrjedhojë e paqartësive të shprehura në opinion rreth efekteve të vaksinave.

“Për fat të mirë ne tani kemi vaksina shumë kualitative dhe deklaratat se nga vaksinimi, paraqiten ndryshime qoftë gjenetike apo mutacione, si dhe shkaktojnë sëmundje, kjo aspak nuk qëndron dhe rekomandimi im si mjek është që çdo dyshim apo dilemë që kanë prindërit duhet ta diskutojnë dhe të konsultohen me persona kompetentë”, thotë Besimi.

Nga e premtja ka filluar vaksinimi i nxënësve të cilët si kanë pranuar vaksinat, në të gjitha shkollat fillore dhe ato të mesme.

Ministri i Arsimit në Maqedoni, Arbër Ademi, për mediat ka theksuar se arsimi fillorë është i detyrueshëm në bazë të ligjeve ekzistuese por gjithashtu edhe me vlerat Kushtetuese nuk guxon të cenohet dhe dëmtohet shëndeti publik

“Edhe në ligjin ekzistues për arsimin fillor, por edhe në draft-ligjin të cilin jemi duke e punuar ekziston detyrimi për prindërit që me rastin e regjistrimit të fëmijëve në shkollat fillore t’u ofrojnë prova, dëshmi se e kanë kryer vaksinimin e fëmijëve të tyre”, ka Ademi.

Ndonëse edhe kundrejt aksioneve të dikasterit të shëndetësisë vlerësohet se numri i fëmijëve të pavaksinuar mbetet i lartë, gjë që kërcënon imunitetin e përgjithshëm të fëmijëve në Maqedoninë e Veriut, ngase vetëm 82,83 për qind e fëmijëve kishin pranuar vaksinat.

Sipas dikasterit të shëndetësisë, pas dhënies së alarmit tani në Shkup dhe jashtë Shkupit janë vaksinuar 45 për qind nga përqindja e përgjithshme e fëmijëve të pavaksinuar.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Çështjet e mosmarrëveshjeve ndërmjet Bullgarisë dhe Serbisë

Çështjet e mosmarrëveshjeve ndërmjet Bullgarisë dhe Serbisë

Miliarderi amerikan akuzohet për trafikim vajzash

Miliarderi amerikan akuzohet për trafikim vajzash

Korrupsioni dhe mungesa e reformave ulin besimin ndaj Qeverisë

Korrupsioni dhe mungesa e reformave ulin besimin ndaj Qeverisë

Lajmi i fundit: Serbia thotë se pamundësoi pranimin e Administratës Tatimore të Kosovës në IOTA

Lajmi i fundit: Serbia thotë se pamundësoi pranimin e Administratës Tatimore të Kosovës në IOTA

Dhjetëra mijëra qytetarë protestojnë të qetë në Tiranë

Dhjetëra mijëra qytetarë protestojnë të qetë në Tiranë

Opozita e vendosur të mos ia krijojë kuorumin koalicionit qeverisës

Opozita e vendosur të mos ia krijojë kuorumin koalicionit qeverisës

Fitorja e Mitsotakis ngre pikëpyetje në zbatimin e Marrëveshjes së Prespës

Fitorja e Mitsotakis ngre pikëpyetje në zbatimin e Marrëveshjes së Prespës

Prej nga po furnizohet veriu me mallra?

Prej nga po furnizohet veriu me mallra?

Një vit masë edukative në burg të miturit që sulmoi romen në Ferizaj

Një vit masë edukative në burg të miturit që sulmoi romen në Ferizaj

MJEKU NGA FERIZAJ KËRKON 100 MIJË EURO KOMPENSIM

MJEKU NGA FERIZAJ KËRKON 100 MIJË EURO KOMPENSIM

Momenti kur rrufeja godet aeroplanin në të cilin kishte edhe kosovarë

Momenti kur rrufeja godet aeroplanin në të cilin kishte edhe kosovarë

Ministria e Drejtësisë akuzon VV-në se njerëzit e saj kanë përfituar “miliona nga monopoli në noteri”

Ministria e Drejtësisë akuzon VV-në se njerëzit e saj kanë përfituar “miliona nga monopoli në noteri”

Gjithçka lidhet me një grua, Del në dritë sekreti që e torturoi Enver Hoxhën deri ditën që ndërroi jetë

Gjithçka lidhet me një grua, Del në dritë sekreti që e torturoi Enver Hoxhën deri ditën që ndërroi jetë

Thaçi, letër Trumpit për 4 Korrikun: I përkushtuar të arrijmë marrëveshje paqësore me Serbinë

Thaçi, letër Trumpit për 4 Korrikun: I përkushtuar të arrijmë marrëveshje paqësore me Serbinë

Përplasen mes vete zyrtarët e LDK-së dhe AAK-së në Facebook

Përplasen mes vete zyrtarët e LDK-së dhe AAK-së në Facebook

Thimonier: Franca mbështet Maqedoninë e V. në rrugën drejt BE-së

Thimonier: Franca mbështet Maqedoninë e V. në rrugën drejt BE-së