Ngecjet në reformat evropiane janë vitet e humbura për Kosovën

21.02.2020 09:24
Rreshtat+- AShkronjat+- Printo
Ngecjet në reformat evropiane janë vitet e humbura për Kosovën

Kosova është vonuar me zbatimin e reformave evropiane, thonë si zyrtarët e Bashkimit Evropian ashtu edhe përfaqësues të qeverisë dhe organizatave joqeveritare.

Zyrtarët e Bashkimit Evropian në Prishtinë, disa herë kanë thënë se është shumë e rëndësishme që institucionet të zënë hapin në përmbushjen e kritereve të kërkuara nga Bashkimi Evropian.

Kurse së fundmi, edhe ministri i Integrimit Evropian, Blerim Reka, në një intervistë për Radion Evropa e Lirë tha se Kosova ka ngecur shumë me zbatimin e reformave evropiane dhe se aktualisht ende kërkohet zbatimi i çështjeve që ishin planifikuar të përmbyllen para dy apo tri vjetëve.

Demush Shasha nga Instituti i Kosovës për Politika Evropiane (EPIK), thotë për Radion Evropa e Lirë, se mungesa e vullneti politik po ndikon që institucionet e Kosovës të mos përmbushin Agjendën e Reformave Evropiane.

“Nëse e marrim vetëm agjendën evropiane të reformave e shohim se ka një mungesë të vullnetit politik për t’i shtyrë përpara këto reformat në rrugën tonë integruese. Një nga obligimet tona në kuadër të agjendës evropiane të reformave ka qenë që të kemi institucione profesionale të pavarura publike. Ajo çka ka bërë qeveria e kaluar për dy vjet me radhë, është një politizim i skajshme i institucioneve, qofshin ato të pavarura apo ato ekzekutive”, tha Shasha.

Shasha thekson se puna shumë e ngadaltë në drejtim të reformave drejt rrugës integruese të Kosovës është në kontrast të thellë me zhvillimet edhe në rajon. Sipas tij, derisa Shqipëria ka përfunduar një proces të shpejt të vetting-ut, Maqedonia e Veriut ka zgjidhur çështjen e emrit, Kosova në këtë drejtim nuk po arrin as kriteret më elementare t’i përmbushë.

“Kosova nuk është në gjendje të përmbushë as minimumin e kërkesave në rrugën e saj integruese, siç është zgjedhja e personave në pozitat publike mbi proceduarat e meritokracisë”, tha Shasha.

Agjenda për Reforma Evropiane (ERA) ka për qëllim përcaktimin e prioriteteve për përmbushjen e obligimeve të Marrëveshjes së Stabilizim Asocimit (MSA), si marrëveshja e vetme kontraktuale mes Kosovës dhe Bashkimit Evropian.

Objektiv parësor i këtyre reformave është caktimi i prioriteteve në fushat e caktuara në kuadër të MSA-së dhe zbatimi i aktiviteteve konkrete për përmbushjen e tyre.

Besnik Vasolli, njohës i integrimeve evropiane, tha për Radion Evropa e Lirë, se pas hyrjes në fuqi të Marrëveshjes së Stabilizim Asocimit, Agjenda e Reformave Evropiane ka qenë një mundësi për të treguar seriozitetin dhe përkushtimin për zbatimin e reformave të nevojshme.

“Kemi një ngecje shumë të madhe në zbatimin e kritereve, të cilat në masë të madhe janë teknike. Do të thotë nuk ka asgjë politike që do të mund të konsideroheshin si të dëmshme për Kosovën, por përkundrazi ato të gjitha do ta ndihmonin Kosovën duke e bërë një vend më të mirë për qytetarët e saj”, tha Vasolli.

Ai thekson po ashtu se vlerësimet negative nga Bashkimi Evropian vijnë pikërisht nga moszbatimi i kërkesave të shtruara si në procesin e liberalizmit të vizave, e po ashtu edhe për çështjet e tjera që kanë të bëjnë me përafrimin e Kosovës më BE-në. Sipas tij, zbatimi i rekomandimeve do të ishte mundësi për Kosovën.

“Ato janë mundësi të cilat humbin dhe shpeshherë ne nuk i kuptojmë që nëse nuk ndërmarrim disa reforma, në fakt e dëmtojmë vendin më shumë prej mundësive që i humbim sesa prej pasojave që mund t’i kemi”, tha Vasolli.

Ndërkaq Demush Shasha nga Instituti i Kosovës për Politika Evropiane, thotë se është e pakuptimtë që të kërkohet procesi i liberalizmit të vizave apo përkrahje tjera nga BE-ja, përderisa në anë tjetër Kosova nuk mund të zbatojë as minimumin e reformave të kërkuara.

“Duhet të ketë një hipokrizi të madhe ku me një anë ti kërkon diçka nga partnerët ndërkombëtarë, ndërsa në anën tjetër nuk je në gjendje të bësh as minimumin e reformave në rrugën integruese”, u shpreh Shasha.

Ministri për Integrime Evropian në Qeverinë e Kosovës, Blerim Reka tha në një intervistë për Radion Evropa e Lirë se Agjenda për Reforma Evropiane është dashur të përfundonte në vitin 2017, ndërsa “ne hymë në vitin 2020 e ende nuk kanë përfunduar as gjysmën e kërkesave me prioritet”.

Agjenda për Reforma Evropiane (ERA) është dokument i përbashkët i Republikës së Kosovës dhe Bashkimit Evropian për përmbushjen e detyrimeve që dalin nga MSA-ja, respektivisht për zbatimin e reformave prioritare që kërkojnë vëmendjen e nivelit më të lartë politik.

Fokusi i ERA-s është në reformat kyçe ekonomike, për fuqizimin e sundimit të ligjit dhe konsolidimin e qeverisjes së mirë. Në këtë drejtim, prioritetet e ERA-s shërbejnë si kornizë afatmesme, ndërsa plani i veprimit si kornizë afatshkurtër. Pas dakordimit të prioriteteve dhe hartimit të planit të veprimit zbatimi i ERA-s ishte lansuar zyrtarisht nga autoritetet e Kosovës dhe ato të Bashkimit Evropian më 11 nëntor 2016, në takimin e parë të dialogut të nivelit të lartë mes BE-së dhe Kosovës. Dokumenti i ERA-s ishte miratuar nga Qeveria e Kosovës, më 9 nëntor 2016 dhe nga kuvendi më 15 shkurt 2017.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Vuçiq e pyet Hotin a di serbisht, shikoni si përgjigjet Kryeministri i Kosovës

Vuçiq e pyet Hotin a di serbisht, shikoni si përgjigjet Kryeministri i Kosovës

Blerim Latifi ka dy fjalë për xhaminë që po ndërtohet në Prishtinë

Blerim Latifi ka dy fjalë për xhaminë që po ndërtohet në Prishtinë

Vdes një polic nga Coronavirusi

Vdes një polic nga Coronavirusi

Baton Haxhiu thotë se PDK duhet të futet në Qeveri

Baton Haxhiu thotë se PDK duhet të futet në Qeveri

Lladrovci: “Unë dhe Trump jemi si të njëjtë”

Lladrovci: “Unë dhe Trump jemi si të njëjtë”

Thaçi: Unë e përfundova dëshminë, nëse gjykatësi dhe prokurori janë të paanshëm përfundimi është se s’kam kryer krime

Thaçi: Unë e përfundova dëshminë, nëse gjykatësi dhe prokurori janë të paanshëm përfundimi është se s’kam kryer krime

Matoshi: Kosova notë proteste Brukselit, Komisioneri për Zgjerim duhet ta sqarojë skandalin në Ambasadën e Serbisë

Matoshi: Kosova notë proteste Brukselit, Komisioneri për Zgjerim duhet ta sqarojë skandalin në Ambasadën e Serbisë

Lajçak tregon për temat që u biseduan në takimin Hoti-Vuçiq

Lajçak tregon për temat që u biseduan në takimin Hoti-Vuçiq

​Hoti pas takimit me Vuçiqin: Kishte progres rreth njohjes reciproke

​Hoti pas takimit me Vuçiqin: Kishte progres rreth njohjes reciproke

Jashari publikon projektin e qeshmes publike në Skenderaj

Jashari publikon projektin e qeshmes publike në Skenderaj

Gastronomët e Gjakovës ofrojnë shujta falas për mjekët kujdestarë

Gastronomët e Gjakovës ofrojnë shujta falas për mjekët kujdestarë

Gjilani pret rezultatet e Covid-19 për 72 persona

Gjilani pret rezultatet e Covid-19 për 72 persona

Rukiqi: Qeveria t`i kompensojë bizneset për dëmet që u janë shkaktuar

Rukiqi: Qeveria t`i kompensojë bizneset për dëmet që u janë shkaktuar

​Ahmeti: Të hënën fillojmë me testimet serologjike për COVID

​Ahmeti: Të hënën fillojmë me testimet serologjike për COVID

Hoti: vetmja zgjidhje është njohja reciproke në mes Kosovës e Serbisë

Hoti: vetmja zgjidhje është njohja reciproke në mes Kosovës e Serbisë

​Qytetarët sërish në Hagë në mbështetje të Thaçit (Foto)

​Qytetarët sërish në Hagë në mbështetje të Thaçit (Foto)