Ngecje në realizimin e investimeve kapitale në Maqedoninë e Veriut

11.05.2019 16:51
Rreshtat+- AShkronjat+- Printo
Ngecje në realizimin e investimeve kapitale në Maqedoninë e Veriut

Maqedonia e Veriut me shumë vështirësi po arrin të realizojë investimet kapitale, të projektuara në bazë të buxhetit të shtetit për vitin 2019.

Të dhënat flasin se gjatë tremujorit të parë, nga arka e shtetit kanë arritur të realizohem vetëm 26 milionë euro nga 423 milionë eurot sa ishin paraparë për investimet kapitale në infrastrukturë, gazifikim, ndërtimin e shkollave, spitaleve e shumë investime të tjera.

Nëse krahasohet me vitin e kaluar, investimet kapitale për këtë vit janë më të ulëta, përkatësisht 6,2 për qind, teksa më 2018, në tremujorin e parë ishin realizuar 7,46 për qind e investimeve kapitale.

Ndonëse udhëheqësit shtetërorë janë zotuar se ky vit do të jetë vit i ekonomisë, njohësit e çështjeve ekonomike, thonë se Qeveria që udhëhiqet nga Zoran Zaev, duhet të angazhojë ekspertë në lëmin e ekonomisë dhe jurispodencës, që t’i jepet shtytje projekteve të planifikuara. Në të kundërtën, sipas tyre, pjesa më e madhe e projekteve do të mbeten vetëm në letër.

“Shkaku kryesor për mosrealizimin e investimeve kapitale është mungesa e kapaciteteve administrative të institucioneve për t’i hartuar projektet si bazament, prej ku duhet të fillojë realizimi i projekteve. Është fakt se Maqedonia e Veriut gjatë kësaj periudhe ka qenë e bllokuar me shumë probleme të tjera të natyrës politike, por kjo nuk e arsyeton lënien anash të realizmit të projekteve ekonomike, si rrjedhojë e ngecjes së reformave ekonomike”, thotë për Radion Evropa e Lirë, ish-ministri i Financave, Xhevdet Hajredini.

Nga ana tjetër, kryeministri i Maqedonisë së Veriut, Zoran Zaev në fund të prillit deklaroi se ndjek me vëmendje për çdo javë dinamikën e realizimit të projekteve kapitale dhe se u shpreh i kënaqur nga raportet e detajuara që ka parë.

Ai shtoi se pret që realizimi i projekteve kapitale të intensifikohet në katërmujorin e dytë dhe të tretë të vitit.

Por, Marjan Petreski, ekspert i ekonomisë, për Radion Evropa e Lirë thotë se realizimi i investimeve kapitale edhe më tej mbetet peng i mungesës së kapaciteteve të institucioneve për t’i planifikuar të njëjta dhe më pas për t’i realizuar ato.

“Për hir të vërtetës, problemi me planifikimin e investimeve ishte i pranishëm edhe më herët. Gjithmonë projektohen vlera të larta të investimeve kapitale, megjithëse që në tetor apo nëntor, kur projektohet buxheti për vitin e ardhshëm, dihet mirëfilli se nuk do të mund të realizohen tërësisht investimet e kapitale sipas projeksionit të Qeverisë”, thotë Petreski.

Petreski thotë se për të shmangur problemet e kësaj natyre, nevojitet një debat i gjerë mes ekspertëve dhe Qeverisë për të përcaktuar se për çfarë investimesh kapitale ka më shumë nevojë vendi dhe më pas të diskutohet për kapacitetet e institucioneve për realizimin e tyre. Sipas tij, në njëfarë forme, Qeveria e ka pranuar se nuk ka kapacitete teknike për të realizuar projektet kapitale.

“As qeveria e kaluar dhe as kjo qeveri nuk hapi një debat rreth investimeve kapitale për të detektuar anomalitë që paraqiten rreth realizimit të këtyre mjeteve. Tanimë është shumë e qartë se bëhet fjalë për mungesë të kapaciteteve të institucioneve që të realizojnë projektet adekuate, dhe për këtë duhet kuadër profesional dhe jo persona të deleguar nga partia”, thotë Petreski.

Ish-ministri i Financave, Xhevder Hajredini thotë se edhe kjo përbërje qeveritare, promovimin e projektet kapitale e fut në llogari të interesave të ngushta partiake.

“Përdorimi i parametrave ekonomik për propagandë partiake është jashtëzakonisht kundërproduktive. Ndërkohë që kemi një nivel tejet të ulët të realizimeve kapitale, kryeministri del dhe prononcohet se këtë gjendje do ta kompensojmë gjatë tremujorit të ardhshëm, pa bërë ndryshime thelbësore që kjo të mund të realizohet. Për mua këto prononcime pa bazë edhe më shumë do të rrisin dëshpërimin e qytetarëve” , thotë Hajredini.

Ndryshe, autoritetet e vendit në fillim të vitit u arsyetuan se për nivelin e ulët të realizimit të investimeve kapitale fajin e kishte moti i ligë.

Ndërkohë që në bazë të projeksioneve buxhetore janë ndarë mjete për investime në infrastrukturën hekurudhore, gazifikimin e vendit si dhe fillimin e punës me ndërtimin e Qendrës së re Klinike në Shkup dhe Shtip.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Gjykata merr vendim për Burdushin

Gjykata merr vendim për Burdushin

Reformat në drejtësi, të domosdoshme për datën e bisedimeve me BE-në

Reformat në drejtësi, të domosdoshme për datën e bisedimeve me BE-në

Haradinaj: Ndërkombëtarët bënin presion për taksën si Serbia

Haradinaj: Ndërkombëtarët bënin presion për taksën si Serbia

Hoti ngushëllon familjarët e të aksidentuarve në Rahovec, kërkon nga komuna të shpall një ditë zie

Hoti ngushëllon familjarët e të aksidentuarve në Rahovec, kërkon nga komuna të shpall një ditë zie

Betejë diplomatike për anëtarësimin e Kosovës në INTERPOL

Betejë diplomatike për anëtarësimin e Kosovës në INTERPOL

Kolona të gjata në Merdare, katër orë pritje

Kolona të gjata në Merdare, katër orë pritje

Kadetët e FSK-së përfunduan me sukses ushtrimin ndërkombëtar „ Kampi Veror2019“ në Krivollak të Maqedonisë së Veriut

Kadetët e FSK-së përfunduan me sukses ushtrimin ndërkombëtar „ Kampi Veror2019“ në Krivollak të Maqedonisë së Veriut

Kosnett reagon për dorëheqjen e Haradinajt: Do t’ju vëzhgojmë si do të zgjidhet situata

Kosnett reagon për dorëheqjen e Haradinajt: Do t’ju vëzhgojmë si do të zgjidhet situata

Hoxhaj: Nuk duhet të marrim vendime, pasi e dërgojmë veten në Gjykatën Kushtetuese

Hoxhaj: Nuk duhet të marrim vendime, pasi e dërgojmë veten në Gjykatën Kushtetuese

Hahn në Beograd: Dialogu Kosovë-Serbi, bërthamë e përparimit

Hahn në Beograd: Dialogu Kosovë-Serbi, bërthamë e përparimit

Paqartësi në mbledhje të Qeverisë, diskutohet se si mund të ndahen mjete për KQZ-në, kur Qeveria është në dorëheqje

Paqartësi në mbledhje të Qeverisë, diskutohet se si mund të ndahen mjete për KQZ-në, kur Qeveria është në dorëheqje

Arrestohen dy të dyshuar në Vushtrri për sulm ndaj personit zyrtar

Arrestohen dy të dyshuar në Vushtrri për sulm ndaj personit zyrtar

Haradinaj drejton mbledhjen e Qeverisë nga e cila dha dorëheqje

Haradinaj drejton mbledhjen e Qeverisë nga e cila dha dorëheqje

Një muaj paraburgim për tre të rinjtë që u ndaluan me narkotikë dhe revole pa leje

Një muaj paraburgim për tre të rinjtë që u ndaluan me narkotikë dhe revole pa leje

Zaev: Në rastin e Tomor Morinës do të respektohet ligji

Zaev: Në rastin e Tomor Morinës do të respektohet ligji

Haradinaj në takim lamtumirës me ambasadorin Chabert: Kosova e konsideron Francën aleat të saj

Haradinaj në takim lamtumirës me ambasadorin Chabert: Kosova e konsideron Francën aleat të saj