Edhe këtë javë kanë vazhduar largimet e punëtorëve nga puna në Aeroportin Ndërkombëtar të Prishtinës “Adem Jashari”.
Këtë të premte, nuk u janë rinovuar kontratat edhe 23 punëtorëve të tjerë.
Sipas përfaqësuesve Shoqatës Sindikale të Aeroportit Ndërkombëtar, punëtorët u larguan pa paralajmërim.
Në gjashtë muajt e fundit, numri i punëtorëve të larguar nga puna në ANP ka arritur në 29.
Edhe këta të fundit, sipas Sindikatës u larguan pse një numër i tyre ishin pjesë e protestës së gushtit të 2019-s.
E për shkak të kësaj, Latifi thotë se nuk përjashtohen as grevat e protestat e punëtorëve.
Sindikata, për situatën e krijuar, ka kërkuar ndihmë edhe nga Inspektorati i Punës, madje presin që javën e ardhshme edhe të takohen me ta.
Gjatë së shtunës, KTV-ja ka provuar të marrë përgjigje edhe nga menaxhmenti i Aeroportit Ndërkombëtar, po ata nuk janë përgjigjur gjatë ditës.
Gjatë janarit, janë larguar nga puna edhe tre punëtorë të tjerë të ANP. Atyre u është thënë që duhet të zhvendosen në sektorin e mirëmbajtjes ose do t’u ndërpritet kontrata.
Sindikata shton se presione të tilla u bëhen në mënyrë të vazhdueshme punëtorëve të Aeroportit.
