Nënkryetari i LDK’së: Orientimisht mund ta mbajmë këtë muaj Kuvendin e Përgjithshëm

07.07.2019 13:00
Rreshtat+- AShkronjat+- Printo
Nënkryetari i LDK’së: Orientimisht mund ta mbajmë këtë muaj Kuvendin e Përgjithshëm

Zgjedhjet e Kryetarit të ri të LDK’së do të bëhet posa të përfundojnë zgjedhjet nëpër degë. Nënkryetari i LDK’së, Agim Veliu ka konfirmuar për Express se Kuvendi i Përgjithshëm i LDK’së do të mbahet posa të përfundojnë zgjedhjet edhe në Mitrovicë, Vushtrri, Ferizaj dhe në Degën e Tretë të LDK’së.

Kryetari i ri i LDK’së në Podujevë, Agim Veliu ka konfirmuar për Express e zgjedhjet në LDK orientimisht do të përfundojnë këtë muaj. Ka thënë se s’ka asnjë arsye të shtyhen më shumë posa të përfundojë procesi zgjedhjet në degët e mbetura të LDK’së.

“Jemi kah fundi i zgjedhjeve”, ka thënë Veiu, të dielën për Express.

“Orientimisht mund t’i përfundojmë zgjedhjet këtë muaj”, ka shtuar ai.

LDK ka nisur zgjedhjet para disa muajsh. Të shtunën kanë përfunduar zgjedhjet në Pejë, Istog e Kamenicë. Kanë mbetur të papërfunduara vetëm në Mitrovicë, Vushtrri, Ferizaj dhe në Degën e Tretë të LDK’së. Në disa prej këtyre degëve të mbetura ka pasur probleme gjatë procesit zgjedhor.

“S’ka asnjë arsye të shtyhen zgjedhjet në parti”, ka thënë Veliu, kur është pyetur nëse ka pasur ndonjë

Express ka shkruar sot se Isa Mustafa para disa ditësh kishte mbledhur në Parti tre vendimmarrësit tjerë të LDK’së: Lutfi Hazirin, Haki Rugovën dhe Agim Veliun.

Burime të Express kanë treguar se shefi i LDK’së është pajtuar me tre vartësit e tij që zgjedhjet t’i përfundojnë gjatë këtij muaji.

Arsye janë përgatitjet për rrëzimin e Qeverisë dhe zgjedhjet e reja.

“Krejt kjo për t’u bërë gati për zgjedhjet nacionale”, ka thënë një zyrtar i LDK’së.

Sidoqoftë, në garë për Shef të LDK’së, në terren janë duke punuar Agim Veliu e Lutfi Haziri. Është duke u përmendur edhe Avdullah Hoti por se ky i fundit prej humbjes se zgjedhjeve ka mbetur i heshtur brenda LDK’së.

Ndërkohë, Vjosa Osmani ende po vazhdon të jetë opsion për Kryetare të LDK’së por përkrahësit e saj s’kanë arritur të fitojnë nëpër degët e Partisë.

Në garë vazhdon të jetë edhe ish-Kryetari i LDK’së, Fatmir Sejdiu, i cili është mirëpritur të shtunën në Prizren.

Isa Mustafa ishte votuar për Kryetar të LDK’së para katër vitesh kur kishte vendosur që me aklamacion të votohej për Shef partiak. Atëkohë, e kishte eliminuar nga gara Vjosa Osmanin, e cila s’kishte arritur të plotësonte kriterin për t’i hyrë garës, ku kërkoheshin nënshkrimet e 50 plus një të delegatëve të LDK’së.

Sivjet zgjedhjet në LDK kanë nisur më 8 mars. Janë paraparë të përfundojnë në fund të verës, megjithëse, ka pasur paralajmërime se mund të shtyhen edhe deri në vjeshtë, kur edhe pritet të ketë mocion për rrëzimin e Qeverisë.

Aktualisht, Shef i LDK’së është Isa Mustafa, i cili më herë ka mbajtur pozita pasluftës si anëtar i Bordit të UP’së, Kryetar i Prishtinës, Këshilltar i Presidentit, Kryeministër. Para luftës kishte mbajtur pozitën e Ministrit të Financave në Qeverinë e Bujar Bukoshit. Edhe para kësaj kohe, në kohën e sistemit komunist jugosllav, Mustafa kishte mbajtur pozitën Kryetarit të Këshillit Ekzekutiv të kryeqytetit prej vitit 1984-88. Më pas, ishte pjesë e Qeverisë së drejtuar nga Jusuf Zejnullahu, 1989-1990.

Isa Mustafa, Shef i LDK’së ishte bërë duke rrëzuar Fatmir Sejdiun dhe duke sharë SHIK’un dhe PDK’në me të cilët kishte lidhur marrëveshje më vonë për t’u bërë Kryeministër. Mustafa e kishte bërë ish-Shefin e SHIK’ut, Kadri Veselin Kryetar të Paralmentit e Hashim Thaçin President. Ndërkohë, më vonë Kryetari i PDK’së e kishte rrëzuar nga pozita e Kryeministrit.

Zyrtarë të LDK’së kanë thënë se Isa Mustafa po synon të bëhet President i Republikës në një marrëveshje edhe me ndonjërin prej zyrtarëve të partisë së tij që po synon të bëhet Shef i Partisë.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Shkarkimi i bordit të Telekomit, Hoti paralajmëron: Ky ishte vetëm fillimi

Shkarkimi i bordit të Telekomit, Hoti paralajmëron: Ky ishte vetëm fillimi

AGK: Kryeministri Rama nis fushatë degraduese edhe ndaj medieve në Kosovë

AGK: Kryeministri Rama nis fushatë degraduese edhe ndaj medieve në Kosovë

Hasani: Kurti duhet të merret edhe me zyrtarët serbë që marrin paga, pa shkuar asnjë ditë në punë

Hasani: Kurti duhet të merret edhe me zyrtarët serbë që marrin paga, pa shkuar asnjë ditë në punë

Veliu: Anëtarësimi në INTERPOL dhe EUROPOL mbetet prioritet i imi si ministër

Veliu: Anëtarësimi në INTERPOL dhe EUROPOL mbetet prioritet i imi si ministër

Haradinaj: Albin Kurti ka shfuqizuar vendimet e Isa Mustafës

Haradinaj: Albin Kurti ka shfuqizuar vendimet e Isa Mustafës

Të enjten, shi dhe borë – çfarë moti do të kemi në Kosovë gjatë ditëve pasuese?

Të enjten, shi dhe borë – çfarë moti do të kemi në Kosovë gjatë ditëve pasuese?

Pas reagimit të “Maraklive t’kerreve” BQK premton lehtësira për sigurimin e veturave

Pas reagimit të “Maraklive t’kerreve” BQK premton lehtësira për sigurimin e veturave

PSD: Kurti do ta menaxhojë pak më mirë korrupsionin, por nuk do ta transformojë sistemin

PSD: Kurti do ta menaxhojë pak më mirë korrupsionin, por nuk do ta transformojë sistemin

Bulizmi i pranishëm në të gjitha nivelet e sistemit arsimor në Kosovë

Bulizmi i pranishëm në të gjitha nivelet e sistemit arsimor në Kosovë

Serbia arreston pesë persona për trafikim me migrantë

Serbia arreston pesë persona për trafikim me migrantë

Haradinaj: Ky është qëndrimi im dhe i AAK-së për dialogun me Serbinë

Haradinaj: Ky është qëndrimi im dhe i AAK-së për dialogun me Serbinë

Shoqata e prokurorëve: Kërcënimet nuk na lëkundin

Shoqata e prokurorëve: Kërcënimet nuk na lëkundin

Qeveria themelon Këshillin Organizativ për shënimin e Epopesë së UÇK-së

Qeveria themelon Këshillin Organizativ për shënimin e Epopesë së UÇK-së

Qeveria Kurti shkarkon bordin drejtus të PTK’së

Qeveria Kurti shkarkon bordin drejtus të PTK’së

Policia e Kosovës dhe institucionet kompetente janë duke kryer hetime intensive lidhur me rastin në Gjilan

Policia e Kosovës dhe institucionet kompetente janë duke kryer hetime intensive lidhur me rastin në Gjilan

12 vite burgim dhe 10 mijë euro dy të akuzuarve për grabitje

12 vite burgim dhe 10 mijë euro dy të akuzuarve për grabitje