Në rrezik traktati INF për raketat bërthamore me rreze të mesme

06.12.2018 01:11
Rreshtat+- AShkronjat+- Printo
Në rrezik traktati INF për raketat bërthamore me rreze të mesme

Presidenti Putin ka kërcënuar se do të tërhiqet nga traktati për eliminimin e raketave me rreze të mesme veprimi, një pakt historik i nënshkruar në fund të Luftës së Ftohtë mes Shteteve të Bashkuara dhe Bashkimit Sovjetik. Paralajmërimi rus pason akuzat e Sekretarit të Shtetit Mike Pompeo se Rusia e ka shkelur traktatin dhe se Uashingtoni i jep Moskës 60 afat për të dëshmuar se zbaton kushtet e specifikuara, përndryshe Amerika do ta braktisë paktin.

Presidenti rus Vladimir Putin paralajmëroi Shtetet e Bashkuara se nëse tërhiqen nga traktati INF për eliminimin e raketave me rreze të mesme veprimi dhe nëse fillojnë të prodhojnë raketat e ndaluara, Rusia do të përgjigjet me të njëjtën monedhë.

“Është e qartë dhe e dinë të gjithë se deklarata e Sekretarit Pompeo është e vonuar. Pala amerikane e kishte thënë që më parë se donin ta braktisnin traktatin dhe më pas filluan të kërkojnë një justifikim për këtë hap. I vetmi justifikim që nxorën ishte se ne rusët po e shkelnim traktatin. Dhe si zakonisht, nuk mbështesin pretendimin në prova”.

Deklaratat e udhëheqësit rus për agjencitë ruse të lajmeve pasojnë komentet e Sekretarit amerikan të Shtetit, Mike Pompeo dje në Bruksel në takimin e ministrave të jashtëm të NATO-s.

“Shtetet e Bashkuara deklarojnë sot se e kanë kapur Rusinë në shkelje të traktatit dhe në përgjigje të kësaj situate do të pezullojmë detyrimet tona duke filluar pas 60 ditësh, nëse Rusia nuk rifillon të përmbushë plotësisht dhe në mënyrë të verifikueshme kushtet e traktatit. Ne i marrim këto hapa për një numër arsyesh. Së pari, veprimet e Rusisë minojnë rëndë sigurinë kombëtare të Shteteve të Bashkuara si dhe të aleatëve e partnerëve tanë”.

Shtetet e Bashkuara u kanë paraqitur aleatëve në NATO prova të grumbulluara nga shërbimet e zbulimit që tregojnë se raketat e reja ruse tokë-tokë mund t’i japin mundësi Moskës të ndërmarrë një sulm bërthamor në Evropë.

Rusia mohon të ketë shkelur paktin e rëndësishëm bërthamor.

Po dje në Bruksel, zoti Pompeo tha para një audience skeptike evropiane se sistemi i krijuar pas Luftës II Botërore, “na zhgënjeu, si ne, edhe ju”. Ai përmendi në kritikat e tij ndër të tjera Kombet e Bashkuara dhe Bashkimin Evropian.

“Kur shkelen traktatet, dhunuesit duhen vënë para përgjegjësisë, traktatet duhen rishikuar ose braktisur. Fjalët duhet të kenë domethënie. Prandaj administrata jonë ose do të braktisë në mënyrë legjitime ose do të rinegociojë traktate të vjetëruara, apo të dëmshme tregtare si dhe marrëveshje të tjera ndërkombëtare që nuk i shërbejnë interesit tonë kombëtar, apo interesave të aleatëve tanë”.

I pyetur për reagimet e tij ndaj kapjes së tre anijeve ukrainase nga Rusia në Detin Azov, Sekretari Pompeo tha se ekziston konsensus i plotë se veprimet ruse janë të paligjshme:

“Shpresojmë se Rusia do të lirojë menjëherë detarët që ka ndaluar dhe së bashku me partnerët do të përgatisim një numër masash për t’i treguar Rusisë që kjo sjellje është thjesht e papranueshme”.

Presidenti Donald Trump përmendi incidentin në Detin Azov si arsye për anulimin e takimit që kishte planifikuar të zhvillonte me Presidentin Putin javën e kaluar në Argjentinë.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Në Serbi e quajnë provokim kërkesën e banorëve të Luginës për t’u bashkuar me Kosovën

Në Serbi e quajnë provokim kërkesën e banorëve të Luginës për t’u bashkuar me Kosovën

Në institucionet arsimore parauniveristare vendosen kutitë e ankesave

Në institucionet arsimore parauniveristare vendosen kutitë e ankesave

Lahi Brahimaj ftohet nga Gjykata Speciale

Lahi Brahimaj ftohet nga Gjykata Speciale

Përfundon takimi i Ekipit Negociator: Platforma i dërgohet Kuvendit në fundjavë

Përfundon takimi i Ekipit Negociator: Platforma i dërgohet Kuvendit në fundjavë

Kosova nuk duhet t’i rrezikojë interesat strategjike amerikane

Kosova nuk duhet t’i rrezikojë interesat strategjike amerikane

Një muaj paraburgim për tentim vrasje në Pejë

Një muaj paraburgim për tentim vrasje në Pejë

Nis takimi i Ekipit Negociator, diskutohet për finalizimin e Platformës për dialogun

Nis takimi i Ekipit Negociator, diskutohet për finalizimin e Platformës për dialogun

PSD-ja pret që platforma për dialog të përkrahet nga LDK-ja e LVV-ja

PSD-ja pret që platforma për dialog të përkrahet nga LDK-ja e LVV-ja

Marrëdhëniet Kosovë – Mali i Zi shënojnë përparim

Marrëdhëniet Kosovë – Mali i Zi shënojnë përparim

Vuçiq takohet me ambasadorin e Gjermanisë, këto ishin temat e diskutimit për Kosovën

Vuçiq takohet me ambasadorin e Gjermanisë, këto ishin temat e diskutimit për Kosovën

Në prioritetet e SHSKUK-së futet edhe Klinika e Ortopedisë

Në prioritetet e SHSKUK-së futet edhe Klinika e Ortopedisë

Ismaili: LDK-ja për 10 vjet shkatërroi sistemin shëndetësor, sot flet për kolaps

Ismaili: LDK-ja për 10 vjet shkatërroi sistemin shëndetësor, sot flet për kolaps

Vuçiq: Serbia e gatshme për dialog pasi Kosova ta heqë taksën

Vuçiq: Serbia e gatshme për dialog pasi Kosova ta heqë taksën

OAK: Bizneset e Kosovës po përballen me probleme të mëdha

OAK: Bizneset e Kosovës po përballen me probleme të mëdha

“SHBA-ja nuk dëshiron që tërë veriu t’i jepet Serbisë”

“SHBA-ja nuk dëshiron që tërë veriu t’i jepet Serbisë”

Daçiq: Qëkur jam ministër, 9 shtete e kanë njohur Kosovën, 13 sosh e kanë çnjohur

Daçiq: Qëkur jam ministër, 9 shtete e kanë njohur Kosovën, 13 sosh e kanë çnjohur