Në odat shqiptare janë marrë vendime me rëndësi historike

02.12.2019 20:38
Rreshtat+- AShkronjat+- Printo
Në odat shqiptare janë marrë vendime me rëndësi historike

Odat shqiptare historikisht kanë qenë vende ku burrat kanë marrë vendime të mëdha e të rëndësishme jo vetëm familjare e shoqërore, por edhe kombëtare. Për shekuj të tërë odat kanë qenë edhe simbol i burrërisë, i besës dhe mikpritjes shqiptare. Tani odat janë vetëm vlera të trashëgimisë kulturore.

Oda të tilla ka pasur edhe në rrethinat e Gjilanit. Në fshatin Cernicë ka qenë e njohur oda e Mulla Halimit, e ndërtuar në fillim të shekullit XX, të cilën e mbajti gjallë tribuni Ramiz Cernica, deri më 1964, kur u shpërngul në Fshatin e Vjetër, komuna e Ferizajt.

Ajo kishte, përveç trapazanëve e minderit, edhe oborr të veçantë, ku miqtë mund të hynin edhe pa thirrur, sepse gjithnjë oda ishte e hapur. Kjo odë nuk ekziston më.

Ramiz Cernica ka qenë një tribun i njohur popullor i kësaj ane, i cili luftoi për bashkimin e trojeve shqiptare. Ai e donte popullin e vet, por nuk urrente popujt tjerë. Kjo ishte veti e burrave të mëdhenj si Ramiz Cernica, që ishin rritur në këto oda shqiptare, ku merreshin vendime të mëdha e të rëndësishme.

Në vitin 1945, Ramizi, si delegat i rrethit të Gjilanit në konferencën e Prizrenit, u deklarua kundër aneksimit të Kosovës nga ana e Serbisë, duke shprehur njëkohësisht vullnetin e popullit të Kosovës për bashkim me Shqipërinë. Ai la pas një “JO” historike në raport me Serbinë, e cila u ngulit thellë në shpirtin dhe mendjen e popullit dhe një “PO” të madhe për bashkim me Shqipërinë. Ëndrra për një komb të bashkuar vazhdon edhe sot.

Në fshatin Cërnicë të Gjilanit gjendet Oda e Mulla Vehbiut, më vonë pronë e nipit të tij, Fevzi Hoxha dhe tani, e djemve të tij. Oda është ndërtuar në vitin 1928. Sipërfaqja e odës është rreth 50 m/2. Në enterier janë ruajtur elementet origjinale, si jyklyku që përdorej për vendosjen e dyshekëve dhe jorganëve, trapazanët në të dy anët e odës, në hyrje të saj.

Oda ka qenë e rrethuar me mindere, ka pasur dollapë ku janë mbajtur takëmet e kafesë, sheqeri, duhani etj. Kafeja e duhani ishin “almise” të domosdoshme në një odë burrash. Me to nisej muhabeti e mbanin kuvend burrat e fisit.

Odat, zakonisht bëheshin në fund të oborrit, afër rrugës, për të pasur më lehtë qasjen mysafirët, të cilët kanë mundur të kthejnë edhe vonë natën.

Në rajonin e Gjilanit ka pasur edhe oda tjera që kanë qenë të njohura, qoftë si oda burrash, qoftë si oda të miqve. Një odë e këtillë etnologjike ka ekzistuar edhe në fshatin Llashticë. Njihet si oda e Bejtullah Selimit, ose siç quhej ndryshe Bejta i Llutës. Kjo odë e ndërtuar në mbarim të shekullit XIX, nuk ekziston më.

Në vitet e mëvonshme, odat kanë filluar të braktisen, si njësi më vete, duke ndërtuar brenda shtëpive të banimit dhoma të veçanta për miq e mysafirë./mediafokus/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


146 raste aktive, në Pejë ankohen se IKSHPK po vonon rezultatet e testimeve

146 raste aktive, në Pejë ankohen se IKSHPK po vonon rezultatet e testimeve

Chelsea e mund Norwichin, kualifikimi në Ligën e Kampionëve gjithnjë e më afër

Chelsea e mund Norwichin, kualifikimi në Ligën e Kampionëve gjithnjë e më afër

Veliu: Do të angazhohem për më të mirën në luftën kundër ekstremizmit dhe terrorizmit

Veliu: Do të angazhohem për më të mirën në luftën kundër ekstremizmit dhe terrorizmit

Qeveria Trump tërhiqet nga vendimi për të privuar nga vizat studentët e huaj

Qeveria Trump tërhiqet nga vendimi për të privuar nga vizat studentët e huaj

Ndalohen 60 persona pa maska në kryeqytet, gjobat nisin nga 500 euro

Ndalohen 60 persona pa maska në kryeqytet, gjobat nisin nga 500 euro

Hyseni: Aleanca Surroi–Kurti dhe VV në emër të keqqeverisjes lufton UÇK-në

Hyseni: Aleanca Surroi–Kurti dhe VV në emër të keqqeverisjes lufton UÇK-në

​Daut Haradinaj: Zyrtarë të qeverisë Kurti janë takuar fshehtas me zyrtarë serbë, le ta pyesin AKI-në iu tregon

​Daut Haradinaj: Zyrtarë të qeverisë Kurti janë takuar fshehtas me zyrtarë serbë, le ta pyesin AKI-në iu tregon

Edhe 13 viktima nga COVID-19, në 24 orët e fundit në Serbi

Edhe 13 viktima nga COVID-19, në 24 orët e fundit në Serbi

Gucati: Gjykata Speciale po e sulmon direkt UÇK’në, jo vetëm Thaçin dhe Veselin

Gucati: Gjykata Speciale po e sulmon direkt UÇK’në, jo vetëm Thaçin dhe Veselin

Rrëfimi prekës i mjekut nga “vija e frontit” të luftës me Covid-19

Rrëfimi prekës i mjekut nga “vija e frontit” të luftës me Covid-19

Daut Haradinaj flet për aktakuzën ndaj Thaçit dhe Veselit nga Gjykata Speciale

Daut Haradinaj flet për aktakuzën ndaj Thaçit dhe Veselit nga Gjykata Speciale

Itali, regjistrohen 114 raste të reja me koronavirus

Itali, regjistrohen 114 raste të reja me koronavirus

​Zemaj akuzon Vitinë se bleu barna me çmim 500 % më shtrenjtë, lëndën e dërgon në prokurori

​Zemaj akuzon Vitinë se bleu barna me çmim 500 % më shtrenjtë, lëndën e dërgon në prokurori

Trump dhe Erdogan diskutojnë për situatën në Libi

Trump dhe Erdogan diskutojnë për situatën në Libi

Macron premton 100 miliardë euro shtesë për rimëkëmbjen ekonomike

Macron premton 100 miliardë euro shtesë për rimëkëmbjen ekonomike

​217 pacientë me Covid-19 në oksigjenoterapi, 11 të intubuar

​217 pacientë me Covid-19 në oksigjenoterapi, 11 të intubuar