Në kazermën “Adem JASHARI”u mbajt ceremonia ushtarake në nderim të 21- vjetorit të “Epopesë së UÇK-së”

05.03.2019 14:38
Rreshtat+- AShkronjat+- Printo
Në kazermën “Adem JASHARI”u mbajt ceremonia ushtarake në nderim të 21- vjetorit të “Epopesë së UÇK-së”

Në kazermën „Adem Jashari“ të FSK-së, në Prishtinë, sot u mbajt manifestimi qendror në shënimin e 21 vjetorit të „Epopesë së UÇK-së“, në nderim dhe përkujtim të Komandantit Legjendar Adem Jashari, familjes Jashari dhe gjithë dëshmorëve të kombit të rënë për lirinë dhe pavarësinë e vendit.

  Manifestimi, më 5,6 dhe 7 mars 2019, për shënimin e Epopesë ë UÇK-së, po mbahet nën përkujdesjen e kryeministrit të Qeverisë së Kosovës, z. Ramush Haradinaj. 

  Në ceremoni ishin të pranishëm presidenti i Kosovës Hashim Thaçi, kryeministri i Kosovës, Ramush Haradinaj, ministri i Mbrojtjes Rrustem Berisha, komandanti i FSK-së, gjenerallejtënant Rrahman Rama, Rifat Jashari, vëllai i komandantit legjendar Adem Jasharit, si dhe personalitete shtetërore dhe ushtarake të Kosovës, ministra  dhe diplomat, përfaqësues të familjeve të dëshmorëve, deputet, veteranë, invalidë, qytetarë dhe nxënës të shkollave fillore dhe të mesme të Kosovës.

  Pas revistës që iu bë kuadrateve të FSK-së, nga presidenti  Hashim Thaçi dhe komandanti i FSK-së, gjenerallejtënant Rrahman Rama, dhe pas intonimit të himnit shtetëror dhe atij kombëtar; presidenti Thaçi, kryeministri Haradinaj, ministri i Mbrojtjes Berisha, komandanti i FSK-së, gjeneral Rama dhe kryetari i veteranëve të UÇK-së, z. Ngucati vendosën kurora me lule pranë Obeliskut të dëshmorëve, në kujtim dhe nderim të gjithë dëshmorëve të kombit të rënë për liri.

  Në fjalën e tij, presidenti i Kosovës, Hashim Thaçi, pos tjerash tha:„ Sot kujtojmë sakrificën e pashembullt të familjes Jashari në krye me komandantin legjendar Adem Jashari.
Kjo sakrificë sublime, bëri kthesë të jashtëzakonshme në nivel kombëtar dhe ndërkombëtar të çështjes së Kosovës. Bota filloi ta kuptojë drejtë Kosovën. Epopeja e UÇK-së dëshmoi se kthim prapa nuk kishte në luftën tonë për liri dhe çlirim. UÇK-ja u bë projekti më madhor kombëtar në historinë e kombit shqiptar“. Presidenti Thaçi, më tej, tha se: „Sot dhe gjithmonë nderojmë të gjithë dëshmorët e lirisë, invalidët, veteranët dhe gjithë qytetarët që sakrifikuan për çlirimin e Kosovës. Nderojmë diasporën, që dhanë gjithçka për liri. Kujtojmë 13500 civilë shqiptarë të vrarë, rreth 400 masakra kundër shqiptarëve, rreth 20000 gra të dhunuara shqiptare”.

  Presidenti Thaçi, tha se „Në këtë përvjetor për herë të parë Epopenë e UÇK-së, po e shënojmë me ushtrinë e Kosovës, të njohur edhe ndërkombëtarisht si forcë moderne, profesionale dhe shumetnike. Ecja e Kosovës përpara është e pandalshme. Po konsolidohemi në rrafshin e brendshëm dhe atë ndërkombëtar. Të bashkuar si popull dhe institucione kemi energji që të bëjmë hapa gjigantë. Të bashkuar miqtë do të na përkrahin edhe më shumë”, ka përfunduar fjalën e tij, duke shtuar se në të ardhmen e afërt Kosova do të bëhet pjesë e NATO-s, Bashkimit Evropian, OKB-së dhe do t’i forcojë raportet speciale me Shtetet e Bashkuara të Amerikës“.   
  

  Ndërsa, kryeministri i Republikës së Kosovës, Ramush Haradinaj, në fjalën e tij, tha: „Në marsin e 1998-ës midis Evropës u shua një familje e tërë, por bota e lirë u zgjua dhe nuk lejoi të zhdukej një popull, i cili, nga historia evropiane dhe botërore kishte mësuar ndër breza të jetojë i lirë, në vend të vetin, me nder dhe dinjitet dhe duke i respektuar të tjerët që jetojnë pranë tij.

  Heronjtë dhe dëshmorët e Kosovës, veçanërisht Jasharët dhe Komandanti legjendar Adem Jashari, na kanë dhënë këtë leksion: Vetëm një popull që është i gatshëm ta mbrojë lirinë me çmimin e jetës, e ka të ardhmen e sigurt“!

Kurse për themelimin e Ministrisë së Mbrojtjes dhe Ushtrisë, kryeministri Haradinaj, shtoi: „Vota për Ministrinë e Mbrojtjes, për Forcën e Sigurisë dhe Kosovës dhe për Shërbimin për këtë forcë, e lartësoi emrin e atdheut. Të zgjedhurit e popullit të Kosovës, me 107 vota i thanë po një projekti nacional që vjen në formë euroatlantike, që ka qëllim paqen dhe që i dedikohet paqes. Shërbimi në Forcën e Kosovës do të jetë nder e privilegj, por edhe patriotizëm i gjithë qytetarëve që jetojnë në Kosovë edhe atyre të komuniteteve etnike.
Sot, këtu, ri-takohen në rresht të gjithë brezat e çlirimtarëve të Kosovës, të mishëruar në flamurin e ushtrisë sonë të paqes dhe flamurtari i parë, eprori i të gjithë eprorëve, gjenerali ynë, gjenerali i gjithë gjeneralëve, Komandanti ynë Adem Jashari.

Ushtria e Kosovës vjen në paqe dhe ajo nuk do të përdoret kundër popullit të Kosovës, as në jug dhe as në veri. Por ajo do të jetë aty për paqe për të gjithë që jetojnë në Kosovë.

Në miqësi të përhershme me Amerikën dhe në partneritet me aleatët tanë strategjik, ne do t’ia dalim ta bëjmë Kosovën çfarë e ëndërruan çlirimtarët“, tha në fund kryeministri i Kosovës, z. Haradinaj.

  Në ceremoninë ushtarake foli edhe Rifat Jashari, vëllai i komandantit Adem Jashari. Ai duke uruar të gjithë, për formimin e ushtrisë së Kosovës, tha se; dëshiron që këta ushtarë të jenë të gatshëm gjithmonë të mbrojnë territorin e Kosovës, siç e ka mbrojtur Ushtria Çlirimtare e Kosovës. Ai e përmbylli fjalën e tij, duke falënderuar të gjithë miqtë tanë, Shtetet e Bashkuara të Amerikës dhe të gjitha shtet tjera, që na kanë ndihmuar dhe shpresoj që prapë do të na ndihmojnë tha Rifat Jashari.

  Në fund, Trupa muzikore e FSK-së, ekzekutoi disa pika muzikore.

Manifestimi për Epopenë e UÇK-së, vazhdon më 6 dhe 7 mars, me homazhet në Kompleksin Memorial në Prekaz, Akademinë Përkujtimore kushtua “Epopesë së UÇK-së, si dhe me Natën e Zjarreve”. /Infosot/    

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kiçmari: S’ka më keq për një ambasador sesa presidenti e kryeministri të kenë qëndrime të kundërta

Kiçmari: S’ka më keq për një ambasador sesa presidenti e kryeministri të kenë qëndrime të kundërta

Kabashi: Komandanti më dha urdhër të vras dy persona (Video)

Kabashi: Komandanti më dha urdhër të vras dy persona (Video)

Jovanoviq: Serbisë me Kosovën i duhet paqja, jo territori i saj

Jovanoviq: Serbisë me Kosovën i duhet paqja, jo territori i saj

Haradinaj: Çështja e kufirit me Malin e Zi është ende në proces

Haradinaj: Çështja e kufirit me Malin e Zi është ende në proces

“Nëse s’do ta shpëtoja, Haradinaj do të dënohej në Hagë”

“Nëse s’do ta shpëtoja, Haradinaj do të dënohej në Hagë”

Vuçiq për Kosovën: Zgjedhim midis gënjeshtrave të ëmbla dhe të vërtetës së hidhur

Vuçiq për Kosovën: Zgjedhim midis gënjeshtrave të ëmbla dhe të vërtetës së hidhur

Vuçiq: Shqiptarët kanë mbështetje më të madhe se Merkel e Makron

Vuçiq: Shqiptarët kanë mbështetje më të madhe se Merkel e Makron

Thaçi inkurajon Parlamentin e Kosovës dhe atë të Shqipërisë të nxjerrin deklaratën e bashkimit

Thaçi inkurajon Parlamentin e Kosovës dhe atë të Shqipërisë të nxjerrin deklaratën e bashkimit

Nis ndërtimi i 15 shtëpive të reja në Pejë për familjet në nevojë

Nis ndërtimi i 15 shtëpive të reja në Pejë për familjet në nevojë

Veseli kërkon hetime të plota për aferën ‘Spitali’ – përgjegjësi nga organet e rendit dhe ligjit

Veseli kërkon hetime të plota për aferën ‘Spitali’ – përgjegjësi nga organet e rendit dhe ligjit

Kosova në Euro 2020? Përgjigjet Lorik Cana!

Kosova në Euro 2020? Përgjigjet Lorik Cana!

Aktakuzë për rrezikim të trafikut publik dhe mbikëqyrje të pandërgjegjshme

Aktakuzë për rrezikim të trafikut publik dhe mbikëqyrje të pandërgjegjshme

Haradinaj kundër idesë së Thaçit për bashkim me Shqipërinë: Duam vetëm fqinjësi të mirë

Haradinaj kundër idesë së Thaçit për bashkim me Shqipërinë: Duam vetëm fqinjësi të mirë

A rrezikohet zgjerimi i BE-së pas zgjedhjeve Parlamentare?

A rrezikohet zgjerimi i BE-së pas zgjedhjeve Parlamentare?

Arrestohen dy persona të dyshuar për veprën penale ‘përdorim i armës apo mjetit të rrezikshëm’

Arrestohen dy persona të dyshuar për veprën penale ‘përdorim i armës apo mjetit të rrezikshëm’

Certifikohen rezultatet e zgjedhjeve të komunave veriore

Certifikohen rezultatet e zgjedhjeve të komunave veriore