Në Gllogjan u varros veterani i UÇK-së Qerim Kelmendi

29.02.2020 17:16
Rreshtat+- AShkronjat+- Printo
Në Gllogjan u varros veterani i UÇK-së Qerim Kelmendi

Vetarani i UÇK-së, Qerim Kelmendi, i cili u vra mëngjesin e së enjtes, u varros sot me nderime shtetërore, në Kompleksin e Dëshmorëve të UÇK-së në Gllogjan.

Bashkëpunëtorë të tij, ish-luftëtarë të UÇK-së, familjarë, e qytetarë të shumtë, u mblodhën për t’i japur lamtumirën e fundit Kelmendit, i cili ishte prej pjesëtarëve të parë të UÇK-së. Për të u tha se ishte ideator, e punëkryes i radhëve të para të UÇK-së. Po ashtu, në tubimin mortor në Gllogjan, u tha se Qerim Kelmendi ishte erë për liri, e shpirtmadh.

Në emër të bashkëluftëtarëve, Daut Haradinaj, ish-gjeneral i UÇK-së, e sot deputet në Kuvendin e Kosovës, tha se do të qojnë përpara amanetin e Qerim Kelmendit.

“Ideator, kreator, e besa punëkryes i fillimit të luftës, i krijimit të radhëve të UÇK-së dhe i furnizimit t ë tyre, ishte Qerim Kelmendi. Sot është jo e lehtë me i thënë lamtumirë, por e di që shumë burra më të mirë se ne këtu e presin. Por kanë me mbet burra, që amanetin e tij e qojnë përpara”, tha ai, raporton KP.

Ndërsa Osman Kelmendi, vëllai i Qerim Kelmendit, tha se do familja do të marrë vetëm dhimbjen.

“Faleminderit për dhimbjen që po ndajmë bashkë, faleminderit për rreshtimin që po i bëhet vëllait tonë sot në krah të pushkëve çlirimtare të atdheut! Titulli i vetëm që ai e dëshiroi gjithë jetën e tij, dhe e mëshiroi me gjithë përkushtimin e tij. Era e xhaxhit, nga sot do të dua edhe unë si shokët e babit, edhe pse ata janë shokë dhe vetëm të tillë, dhe dinë të duan me zemrën e atdheut. Ti do të jesh pengu ynë, ylli unë i familjes. Qerim vëlla, rrugën tënde të jetës ta ndërprenë, kjo është humbje që ne nuk e deshëm. Nga kjo, ne familja do të marrim vetëm dhimbjen”, tha ai.

Ibish Neziraj, bashkëpunëtor i Qerim Kelmendit, tha se ai u vra nga ata që e kërkuan ta vrisnin në luftë. Ai shtoi se Qerim Kelmendi ishte dëshmitari më i besuar.

“Ai po largohet prej nesh pas vrasjes makabre dhe të pabesë, për të shkuar te shokët e tij. E vranë në paqe ata që kishin kërkuar për ta vrarë në luftë, e vranë të njëjtit bashkëpunëtorë qe e kërkuan ta vrisnin para fillimit të luftës dhe gjatë saj. Qerim Kelmendi ishte dëshmitari më i besuar, pasi jo vetëm kishte qenë pjesë, por edhe drejtues, e drejtuesit nuk duhet të jetojnë, sidomos kur emri i tyre sjell besim dhe ndershmëri. Do na mungojë Qerim Kelmendi, do i mungoi familjes së tij që e kishin dritë të syrit, do i mungoi vëllezërve dhe motrës që e kishin nderë dhe jetë, do i mungoi shokëve me të cilët ka luf tuar dhe ka qenë pjesë e lirisë së Kosovës, do i mungoi Kosovës dhe Shqipërisë si një burrë atdhetar, që e kishte mbi gjitha Kosovën dhe Shqipërinë”, tha ai.

 

E bashkëveprimtari i tij Blerim Muriqi, tha se mbi trojet shqiptare do të fryjë era e bashkimit dhe se këta që kanë mbetur, do t’i mposhtin armiqtë.

“Lamtumirë shpirtmadh, ta paçim hua kujtimin. Era e bashkimit do të fryjë mbi këto troje dhe ne do i mposhtim armiqtë e hijenat. E di se do të thuash ‘nuk është betim gjenerate’, por kurrë nuk do të mund te thuash se ‘ky nuk është betim kauze’. Lamtumirë era e mbetur e lirisë”, tha ai.

Gjithashtu sot në qendër të qytetit të Pejës u bënë homazhe për Qerim Kelmendin ish-luftëtarin e Ushtrisë Çlirimtare të Kosovës, i cili u vra mëngjesin e së enjtes.

Nën organizimin e OVL-UÇK në Dukagjin, qytetarë e ish-bashkëluftëtarë të Kelmendit, depu tetë e kryetar komunash u përkulën pranë trupit të pajetë të tij.

Qerim Kelmendi i cili ishte prej pjesëtarëve të parë të UÇK-së, u vra në orët e para të së enjtes pranë fshatit të tij Llabjan, ku trupi dhe vetura e tij u gjetën të djegur.

/Telegrafi/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Data e zgjedhjeve, peng i pandemisë në Maqedoninë e Veriut

Data e zgjedhjeve, peng i pandemisë në Maqedoninë e Veriut

Qeveria heq karantinën për Klinën, Vitinë e Malishevën

Qeveria heq karantinën për Klinën, Vitinë e Malishevën

Mbi 1 milion euro janë mbledhur taksa nga importi i mallrave nga Serbia, që nga reciprociteti

Mbi 1 milion euro janë mbledhur taksa nga importi i mallrave nga Serbia, që nga reciprociteti

Skenarët e mundshëm të krizës

Skenarët e mundshëm të krizës

Emini: Krijimi i qeverisë Hoti ka shumë gjasë të sjellë destabilizim

Emini: Krijimi i qeverisë Hoti ka shumë gjasë të sjellë destabilizim

Jovic pranon ofertën e Milanit, “topi” kalon te Real Madrid

Jovic pranon ofertën e Milanit, “topi” kalon te Real Madrid

A duhet të kenë frikë shtatzënat nga COVID-19?

A duhet të kenë frikë shtatzënat nga COVID-19?

Kurti: Aryeja e dërgimit të kërkesës për opinion në Komisionin e Venedikut

Kurti: Aryeja e dërgimit të kërkesës për opinion në Komisionin e Venedikut

Efektet e distancimit social – ndikimi në aspektin psikologjik dhe menaxhimi i tyre

Efektet e distancimit social – ndikimi në aspektin psikologjik dhe menaxhimi i tyre

Ancelotti: Skuadra e Milanit që humbi Ligën e Kampionëve ndaj Liverpool në vitit 2005 ishte më e mirë se ekipet fituese të vitit 2003 dhe 2007

Ancelotti: Skuadra e Milanit që humbi Ligën e Kampionëve ndaj Liverpool në vitit 2005 ishte më e mirë se ekipet fituese të vitit 2003 dhe 2007

Ismaili: Tendencat autoritare të Qeverisë Kurti duhet të ndalen

Ismaili: Tendencat autoritare të Qeverisë Kurti duhet të ndalen

Kryeparlamentarja Osmani më e lumtur se kurrë, këndon së bashku me vajzat e saj

Kryeparlamentarja Osmani më e lumtur se kurrë, këndon së bashku me vajzat e saj

Kadrijaj: Haxhiu dhe Vitia po merren me trafikime testesh dhe njerëzish

Kadrijaj: Haxhiu dhe Vitia po merren me trafikime testesh dhe njerëzish

Heshtja e ndërkombëtarëve 21 vjet pas lufte, është amnisti për këto krime

Heshtja e ndërkombëtarëve 21 vjet pas lufte, është amnisti për këto krime

Kurti: Bisedova në telefon me përfaqësuesit e Sanxhakut, folëm rreth gjendjes së koronavirusit

Kurti: Bisedova në telefon me përfaqësuesit e Sanxhakut, folëm rreth gjendjes së koronavirusit

Tri figura të larta të LDK-së të pakënaqur me koalicionin në ardhje

Tri figura të larta të LDK-së të pakënaqur me koalicionin në ardhje