Ne edhe Zotit ia kemi lënë ‘vendin’ në fund të alfabetit

21.03.2020 21:11
Rreshtat+- AShkronjat+- Printo
Ne edhe Zotit ia kemi lënë ‘vendin’ në fund të alfabetit

Nga Adem Breznica

Kombet janë ngritur mbi mite, ndërkaq miti më i madh ndër ne është BESA.
Dhe a e dini përse?

Sepse jemi shumë të pabesë!

Duke mos i besuar shoqi-shoit, na është imponuar me lypë besë, e qe ‘besa’ shpesh herë këtë e kemi bërë edhe tek të huajt si ndërmjetës e arbitër mes nesh.

Kjo për faktin se:
Ne jemi shumë mosbesues;
Ne jemi shumë xhaurra;
Ne jemi shumë pisa;
Ne kurrë nuk mundëm t’i zëmë besë njëri-tjetrit;
Ne jemi besëprerë more;
Ne nuk ja dimë as për fjalën e as për besën e dhënë;

Si u bënë gjithë këto ngatërresa, gjithë ato vrasje, gjithë ato gjaqe ndër ne!?!
Jo ndryshe, përveç duke tradhtuar, duke inskenuar, duke mashtruar, duke bërë be e rrëfe rrejshëm, duke grabitur, duke spiunuar, duke ngrënë fjalën e dhënë, duke shkelë besën e shenjt, duke therrë pas shpine, duke vra me pagesë, duke zënë pritë në kohë bese…

E si mund të bëjmë shtet kur s’kemi besim të ndërsjellë shoqëror, kur s’kemi mirëbesim ndër-regjional, dhe as që kemi vetëbesim lokal e individual!

Ne s’kemi as besë, as punë, as fjalë për faktin se:

Ne e vjedhim xhaminë, kishën, shkollën, spitalin, policinë, ushtrinë…, gjithçka është pronë publike dhe shtetërore ne tentojmë ta bëjmë rraqe në bodrum e në tavan të shtëpisë…, “S’o gajle, e shtetit osht, le t’qillon qaty”…, ne e grabisim edhe fukaranë…, ne e vjedhin edhe vendin e punës more, prej nga fitojmë kafshatën e gojës – e ku na ndinë neve për Zot!

Ne shkojmë në punë për me ndejtë, me lujtë, me humb kohë, edhe atë punë që e bëjmë ose e bëjmë keq, ose e lëmë në gjysmë, ose e maskojmë – e ku ja dimë neve për shtet!

Ne e flasim atë që nuk e dojmë, atë që nuk e mendojmë, atë që nuk e punojmë, atë që nuk e synojmë; Gjithçka që e flasim është gënjeshtër, gjithçka që i themi dikujt ndërsy është mashtrim, gjithçka që e flasim për tjetrin është shpifje ose urrejtje – e ku na ndinë neve për besë e moral!
Ku në botë ndodh me pasë hoxhën e priftin dilenxhi e t’pabesë, që tallen me Zot (që i thonë bir, evlad, babë njëri-tjetri, e që shahen mes veti si me kanë grupe hordesh); pastaj ku ndodhë me pasë mësuesin më t’paditur se nxënësin, mjekun më të sëmur se cilindo pacient, policin më hajdut se vjedhësin, prokurorin hulumtues që fshehë e fshinë prova, e gjykatësin më kriminel se vrasësin!? – ku tjetër, përveçse tek ne?!?

Qysh bëhet more hoxha (mbas të cilit shkon një katund) me thanë “çfarë k*r selami”, “zoti i ka fajet”, “çka i kena bo Zotit qe na ka marrë inati”…;
Qysh bëhet me qitë në pazar fjalën e Allahut (Jehovah – tek të krishterët), me u tallë në xhami (kishë – tek të krishterët) si me kanë në paradën e laperëve, e plot e përplot marrina tjera që s’i shënon dot lapsi! – Qysh hajt?!?

Qysh bëhet mësuesi me detyrën e shenjt (që vet ka probleme halldupe), që për teket e tija miskine, me nëpërkëmbë, me nënçmu, e me i shkelë nxënësit syhapur e me i privilegju halldupët si vetja e tij! – Qysh?!?

Qysh bëhet mjeku që i vjen era krimb, e nuk e din çka është fjala diagnozë, me ju shërby pacientëve të tjerë e me ju caktu terapi për të cilën fillimisht ka nevojë vet! – Qysh hajt?!?

Qysh bëhet hajnat me të hy në oborr e shtëpi, ndërkaq e gjithë aksioni me qenë nën vëzhgimin dhe mbështetjen e policisë

Qysh bëhet shqiptari, me emër kristian, me bo hajgare me Krishtin, të cilin e madhërojnë dy miliardë të krishterë, ndërkaq e nderojnë dhe e respektojnë dy miliardë myslimanë?!?

Qysh bëhet shqiptari, me emër mysliman, me u tall me Muhamedin, të cilin e nderojnë dhe e respektojnë dy miliardë myslimanë, ndërkaq shumica tjetër nuk ja mohojnë kontributet e jashtëzakonshme të tij?!?

Qysh bëhet more ky popull, pas 2000 vjetësh krishterim, hala Zotin me e quajt me emrin e perandorit pagan (Perëndi, nga “Perandor” – “Imperator”)?!

Qysh bëhet more qe ky popull, pas 500 vjetësh islamim, hala me thanë për tjetrin: “po mendon qe e kapi zotin per bishti”, “mendoi qe e kapi zotin per k*qe”, “ja q*ft* zoti nanen”, “budalla i zotit”, e 100 marrëzira të tjera?!

Qysh bëhet more qe pas 2000 vjetësh krishterim, e mbas 500 vjetësh islamim, Zotit kurrë s’ia ‘dhamë hakun’ qe e meriton dhe çdo herë e ‘lamë’ në fund fare?!

A ka popull në botë që e quan Krijuesin e vet me një emër i cili simbolikisht shënon fundin e alfabetit (Zeus – Zot), përveç ne pellazgo-iliro-dardano-arbëroro-shqiptarëve!?!

Po a pat kund në botë shtet që i shpalli luftë Zotit, duke u shpallë zyrtarisht ateist, përveç atdheut tonë amë Shqipërisë!?!

Dhe rezultatet i dimë!

Prandaj, meqë jemi kaq t’pabesë, e kemi vendin e merituar në fund të kazanit; si individë, si shoqëri, si popull, si komb (nëse veç jemi bërë të tillë)./Adem Breznica, gazetar i pavarur/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Çka i duhët njeriut pothuajse të përkryer Albin, për të qënë edhe politikan i madh?

Çka i duhët njeriut pothuajse të përkryer Albin, për të qënë edhe politikan i madh?

Si arriti t’i mashtronte Albin Kurti të rinjtë e qytetëruar të Prishtinës?

Si arriti t’i mashtronte Albin Kurti të rinjtë e qytetëruar të Prishtinës?

Ata që votuan me maska, nuk rrëzuan Albinin, pështynë mbi zgjedhësit 51 minuta më parë

Ata që votuan me maska, nuk rrëzuan Albinin, pështynë mbi zgjedhësit 51 minuta më parë

Mos lejoni të vijë “errësira” në ditët e karantinës. Gazetarët duhen ndihmuar!

Mos lejoni të vijë “errësira” në ditët e karantinës. Gazetarët duhen ndihmuar!

“DER STANDARD”, “Krahu I Dinozaurit” I LDK-Së Isa Mustafa I Gatshëm Për T’ia Kënaqur Apetitet Serbisë Sipas Propozimit T’Grenellit

“DER STANDARD”, “Krahu I Dinozaurit” I LDK-Së Isa Mustafa I Gatshëm Për T’ia Kënaqur Apetitet Serbisë Sipas Propozimit T’Grenellit

Mr. President Trump, say, enough is enough!

Mr. President Trump, say, enough is enough!

Ne edhe Zotit ia kemi lënë ‘vendin’ në fund të alfabetit

Ne edhe Zotit ia kemi lënë ‘vendin’ në fund të alfabetit

Edhe një herë Ahmedin Shkriel e qet nga binarët presidentin serb Vuçiq

Edhe një herë Ahmedin Shkriel e qet nga binarët presidentin serb Vuçiq

Pandemitë e mbysin edhe dhembshurinë

Pandemitë e mbysin edhe dhembshurinë

SHQIPTARET DHE PARTIA MAQEDONE LSDM

SHQIPTARET DHE PARTIA MAQEDONE LSDM

Nga presidenti Willson tek ambasadorja Yuri Kim

Nga presidenti Willson tek ambasadorja Yuri Kim

Ataturku dhe rasti i humbur i shqiptarëve

Ataturku dhe rasti i humbur i shqiptarëve

Femër apo Grua?

Femër apo Grua?

Kurrë s’është boll më shkru për çika

Kurrë s’është boll më shkru për çika

Taksa në vend së ta nokautoj ekonomikisht Sërbinë, e nokautoi diplomatikisht Kosovën !

Taksa në vend së ta nokautoj ekonomikisht Sërbinë, e nokautoi diplomatikisht Kosovën !

Stigma ndaj Lubonjës manifeston frikë

Stigma ndaj Lubonjës manifeston frikë