Ndalohen katër persona për Fajde dhe Detyrim

E publikuar: 22/10/2019 16:34
Rreshtat+- AShkronjat+- Printo

Prokuroria Themelore në Prizren në bashkëpunim me Njësinë e Hetimeve kundër Krimeve Ekonomike dhe Korrupsion në Prizren, ka zbatuar Urdhëresën e Gjykatës Themelore në Prizren për urdhër kontroll të shtëpive, lokaleve, automjeteve dhe pronës së personave të dyshuar për veprat penale “Fajdeja” dhe “Detyrimi”në Rajonin e Suharekës, dhe gjatë bastisjes ka arrestuar të dyshuarit L.B., A.B., F.B. dhe F.SH.

Gjatë kontrollit, në cilësi të dëshmive janë gjetur dhe sekuestruar:

– Pesë (5) vetura luksoze;

– 37,300.00 (tridhjetë e shtatëmijë e treqind euro) para kesh;

– 320 (treqind e njëzetë) franga zvicerane;

– 12 (dymbëdhjetë) telefona mobil;

– 19 (nëntëmbëdhjetë) fishekë të kalibrit 7.62 mm.;

– Numër i madh i dokumenteve të ndryshme si: kontrata te ndryshme mbi shitblerjen e pronave (shtëpi, banesa, lokale, vreshta dhe automjete).

Katër personat e dyshuar janë intervistuar dhe me Aktvendim të Prokurorit të Shtetit janë ndaluar për 48 orë, ndërsa po vazhdohet me hetime për të grumbulluar dëshmi relevante lidhur me rastin./Infosot/