Kryeministri Isa Mustafa thotë se Kosovës i duhet një opozitë demokratike dhe e argumenteve.
Në një postim në Facebook, Mustafa thotë se opozita duhet ta pranojë se kishte kauzë të rrejshme dhe të kthehet në Kuvend.
Mustafa shkruan:
Opozita, edhe përkundër dëmeve që ia shkaktoi vendit për një periudhë të gjatë, është më mirë të pranojë se kishte kauzë false e të kthehet në Kuvend. Më mirë është të pranohet gabimi se sa të insistohet në gabimet për ta dëmtuar vendin.
LEXO EDHE
Liderët takohen sërish gjatë kësaj jave, thotë Jagxhilar
Lidershipi nuk matet me atributet që liderët dhe vartësit e tyre ia përshkruajnë vetvetes por nga vlerësimi i qytetar për dhunën dhe plagët që po i shkaktohen Kosovës nga sjelljet e tilla. Kosova nuk e meriton dhunën. Policët e Kosovës, djemtë tanë, shumica luftëtarë të këtij vendi, nuk ka askush të drejtë ti gjuaj dhe ti plagosë me gurë e t’ua vë flakën me shishe molotovi.
Nëna e baballarë, motra e vëllezër, mos lejoni që djemtë e vajzat tuaja, motrat e vëllezërit tuaj të kryejnë veprime të tilla. Njerëzit që u përgjakën me gurë, janë bijtë e këtij vendi.
Kosovës i nevojitet opozitë demokratike, opozitë e argumenteve. Njerëzit e opozitës sonë mund të jenë të tillë. Por, duhet të heqin dorë nga dhuna! IM
TEMAT:ISA MUSTAFALAJMEOPOZITA