Mustafa i ashpër për taksën: Asnjë tarifë e reciprocitet nuk matet me peshën e partneritetit me SHBA-në dhe BE-në

22.02.2020 12:21
Rreshtat+- AShkronjat+- Printo
Mustafa i ashpër për taksën: Asnjë tarifë e reciprocitet nuk matet me peshën e partneritetit me SHBA-në dhe BE-në

Kryetari i Lidhjes Demokratike të Kosovës, Isa Mustafa, është deklaruar sërish rreth heqjes së taksës 100 për qind për mallrat të cilat vijnë nga Serbia, duke thënë se “Kosova duhet të heq tarifën, në mirëbesim me SHBA-të dhe BE-në”.

Mustafa ka thënë se në situatën aktuale është e rëndësisë themelore të ruhet dhe të kultivohet partneriteti me SHBA-të, dhe të vlerësohet roli prijës i tyre në procesin e dialogut Kosovë-Serbi, duke shtuar më tej se vetëm SHBA mund të përmbyll marrëveshjen përfundimtare me Serbinë, transmeton Telegrafi.

I pari i LDK-së, konsideron se Kosova duhet të heq tarifën, në mirëbesim me SHBA-të dhe BE-në, dhe se Kosova duhet të njoftojë partnerët për të gjitha pengesat ekonomike, tregtare dhe politike, të cilat në periudhën në vazhdim duhet t’i heq Serbia dhe Bosna dhe Hercegovina, në mënyrë që pengesat reciproke të jenë zero. Kësisoj, lideri i LDK-së, pohon se asnjë tarifë dhe asnjë reciprocitet nuk matet me peshën e partneritetit, sidomos me SHBA-të por dhe me BE-në.

Shkrimi i plotë:

Qytetarë të nderuar,

Nga SHBA dhe BE po kërkohet fillimi i një procesi të ri të dialogut për Marrëveshjen Përfundimtare me Serbinë. E si kusht i kësaj, heqja urgjente e tarifës për mallrat që vijnë nga Serbia dhe Bosna e Hercegovina.

Në Programin Qeverisës të harmonizuar me Lëvizjen Vetëvendosje jemi orientuar për heqjen e tarifës dhe zbatimin e masave reciproke me Serbinë, për çfarë nuk janë përcaktuar modalitetet e reciprocitetit dhe renditja e hapave.

Në situatën aktuale të realpolitikës është e rëndësisë themelore të ruhet dhe të kultivohet partneriteti me SHBA-të dhe të vlerësohet roli prijës i tyre në këtë proces. Jam shumë i bindur se vetëm me SHBA-të mund të përmbyllet Marrëveshja Përfundimtare me Serbinë. Për më tepër kur i dërguari special i Presidentit Trump, Richard Grenell u shpreh se SHBA-të nuk parashohin shkëmbim të territorit. Kjo edhe e bënë tarifën instrument të parëndësishëm të preventimit të dialogut për territorin.

Po ashtu duhet të vlerësohet roli i BE-së në këtë proces dhe i përfaqësuesit të lartë, z. Borell. Për aq sa duhet të vlerësohet pritja e drejtë e qytetarëve të Kosovës që ata të trajtohen nga BE si qytetarë evropian dhe se do tu hiqen prangat e lëvizjes së lirë përmes liberalizimit të vizave si rezultat edhe i këtij procesi. BE dhe shtetet e caktuara duhet të heqin paragjykimet ndaj Kosovës, sepse izolimi është një tarifë e skajshme e BE-së ndaj qytetarëve të Kosovës.

Aktualisht vërehet qartë se procesit të dialogut po i japin dinamikë dhe fuqi të veçantë SHBA-të në personalitetin e fuqishëm të Ambasadorit Grenell.
Kosova, për bindjen time, ka nevojë të shfrytëzoj këtë situatë për të përmbyllë dialogun me Serbinë. SHBA-të kanë qenë liderë të pavarësisë së Kosovë. SHBA-të mund të jenë liderë efektive të përmbylljes së problemeve që i kemi me Serbinë dhe e një politike për ringjallje ekonomike të Kosovës.

Thënë shkurt, asnjë tarifë dhe asnjë reciprocitet nuk matet me peshën e partneritetit, sidomos me SHBA-të por dhe me BE-në

Për këto arsye, vlerësoj se:

Kosova duhet të heq tarifën, në mirëbesim me SHBA-të dhe BE-në;
Kosova duhet të njoftojë partnerët tanë për të gjitha pengesat ekonomike, tregtare dhe politike, të cilat në periudhën në vazhdim duhet ti heq Serbia dhe Bosna dhe Hercegovina, në mënyrë që pengesat reciproke të jenë zero;
Vendet e BE-së do duhej të hiqnin “tarifën e izolimit” të qytetarëve të Kosovës”
Nëse Serbia, në kohën që ne e bashkërendisim me mirëkuptim me partnerët tanë , nuk eviton pengesat, atëherë Kosova duhet aktivizon masat e reciprocitetit.
Rezultati që ne duhet të synojmë është njohja reciproke, e cila përfundimisht zgjidhë edhe problemet e bashkëpunimit ekonomik dhe tregtar me Serbinë dhe krijon ambient të sigurt dhe pozitiv për investime të jashtme, për punësim dhe prosperitet ekonomik.
Konsideroj se na ndihmon bashkëpunimi i ngushtë me VV-në, si partnerë të koalicionit, dhe marrja e përgjegjësive të përbashkëta që ta menaxhojmë këtë proces duke u bërë kjo Qeveri prijetare e zgjidhjes në kohën e duhur.
Opozita gjithherë ka kërkuar rol të fuqishëm të SHBA-së dhe efikasitet të BE-së. Në horizont është edhe njëra edhe tjetra.
Ia vlen të jemi bashkë dhe të bëjmë zgjidhje për Kosovën! IM

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Sveçla e Bahtiri vizitojnë Lagjen e Boshnjakëve

Sveçla e Bahtiri vizitojnë Lagjen e Boshnjakëve

Deputeti i VV’së akuzon RTK’në: Donte të ngrohte ca gjak për ngjarje të reja

Deputeti i VV’së akuzon RTK’në: Donte të ngrohte ca gjak për ngjarje të reja

Apostolova përgëzon institucionet për luftën ndaj koronavirusit, i fton politikanët t’i lënë inatet mes vete

Apostolova përgëzon institucionet për luftën ndaj koronavirusit, i fton politikanët t’i lënë inatet mes vete

Mësimi online i paarritshëm për të gjithë nxënësit në Maqedoninë e V.

Mësimi online i paarritshëm për të gjithë nxënësit në Maqedoninë e V.

Demi: RTK-në duhet me e mbyllë, nuk mund të shpëtohet

Demi: RTK-në duhet me e mbyllë, nuk mund të shpëtohet

Ambasada amerikane: I përgëzojmë përpjekjet e vazhdueshme të institucioneve, leni anash ndasitë mes komuniteteve, e mposhtim COVID-19

Ambasada amerikane: I përgëzojmë përpjekjet e vazhdueshme të institucioneve, leni anash ndasitë mes komuniteteve, e mposhtim COVID-19

Kurti: Ka politikanë në Kosovë që duan konflikt në veri për të kthyer idenë e shkëmbimit territorial

Kurti: Ka politikanë në Kosovë që duan konflikt në veri për të kthyer idenë e shkëmbimit territorial

Mustafa: Ata që rrezikuan marrëdhëniet me SHBA-në, s’kanë legjitimitet të flasin në emër të Kosovës

Mustafa: Ata që rrezikuan marrëdhëniet me SHBA-në, s’kanë legjitimitet të flasin në emër të Kosovës

A doli koronavirusi nga laboratori kinez, fill pasi stafi u spërkat me gjak?

A doli koronavirusi nga laboratori kinez, fill pasi stafi u spërkat me gjak?

Shasha: Përveç ndikimit në ekonomi, pandemia do të ketë rol edhe për vizat

Shasha: Përveç ndikimit në ekonomi, pandemia do të ketë rol edhe për vizat

Ndërron jetë 80 vjeçarja, shkon në 20 numri i viktimave nga Covid-19 në Shqipëri

Ndërron jetë 80 vjeçarja, shkon në 20 numri i viktimave nga Covid-19 në Shqipëri

Agim Bahtiri zotohet se do të kujdeset për shqiptarët që jetojnë në pjesën veriore

Agim Bahtiri zotohet se do të kujdeset për shqiptarët që jetojnë në pjesën veriore

Policët shtypin mes dy makinave burrin e zhveshur me dy shpata samurai, që i kërcënonte me koronavirus

Policët shtypin mes dy makinave burrin e zhveshur me dy shpata samurai, që i kërcënonte me koronavirus

Pesë raste të reja me koronavirus në Kosovë, shtatë të tjerë njoftohet se janë shëruar

Pesë raste të reja me koronavirus në Kosovë, shtatë të tjerë njoftohet se janë shëruar

Reagon Haxhiu: Thaçi, Mustafa e Veseli si zakonisht në të njëjtën linjë – sot u paska ra në mend Veriu

Reagon Haxhiu: Thaçi, Mustafa e Veseli si zakonisht në të njëjtën linjë – sot u paska ra në mend Veriu

Vitia konfirmon se numri i serbëve të infektuar në veri, së shpejti futet në listën e IKSHPK-së

Vitia konfirmon se numri i serbëve të infektuar në veri, së shpejti futet në listën e IKSHPK-së